បែកគ្នាក្រោមហេតុផលអ្វីក៏ដោយ បើចង់កាត់ចិត្តបានលឿនស្រីៗគ្នាយើង គួរព្រមបណ្ដោយ

ជឿថា ក្រោយបែកបាក់ស្នេហាថ្មីៗ នរណាៗក៏ពិបាកធ្វើចិត្តមិនឲ្យឈឺចាប់បានដែរ។ គ្រប់គ្នាមានបេះដូងជាសាច់ កំពុងស្រឡាញ់សុខៗ ស្រាប់តែត្រូវចែកផ្លូវគ្នា ប្រាកដជាពិបាកកាត់ចិត្តណាស់។ មិនថាបែកគ្នាក្រោមហេតុផលអ្វីក៏ដោយ បើចង់កាត់ចិត្តបានលឿនស្រីៗគ្នាយើង គួរព្រមបណ្ដោយ ហើយអនុវត្តវិធីខាងក្រោម៖

ឈប់ដេញដោលចង់បានហេតុផល

បែកគ្នាដោយមិនប្រាប់ហេតុផល ជារឿងឈឺចាប់ពិបាកទទួលបំផុត ហើយនៅតែមិនអស់ចង់បានហេតុផលច្បាស់លាស់មួយពីគេ។ ទោះបីគេប្រាប់ឬមិនប្រាប់ យើងទាំងពីរក៏បានបែកគ្នាទៅហើយ។ ហេតុផលខ្លះស្ដាប់ចប់ រឹតតែមិនអាចទទួលយក ដូច្នេះមិនចាំបាច់ទទូចចង់ដឹងចង់ឮទៀតទេ ក្រែងកាន់តែពើតផ្សារ។ ឲ្យគេទៅចុះ ហើយល្មមឈប់បន្ទោស ខ្លួនឯងឬចង់ដឹងហេតុផលពីការចាកចេញរបស់គេតទៅទៀត។

ផ្ដាច់ទំនាក់ទំនងពាក់ព័ន្ធនឹងគេ

មិនថា បណ្ដាញសង្គមណាមួយ ឬ លេខទូរសព្ទរបស់គេក៏ដោយ យកល្អគួរលុបចោលឲ្យអស់ហើយផ្ដាច់ចោលនូវរាល់ ការទាក់ទងនោះតែម្ដង ព្រោះវានាំឲ្យយើងនឹកដល់គេនិងឈឺឥតល្ហែ ។ ធ្វើខ្លួនឲ្យរវល់ជាមួយការងារ និងការអានសៀវភៅ យើងនឹងគ្មានពេលនឹកនាគេទៀត។

យំឲ្យអស់ចិត្តយំឲ្យឆ្អែត

មិនបាច់សម្ដែងធ្វើរឹងមាំអីទេ ចង់យំចង់ស្រែក ក៏ធ្វើទៅចុះ! កុំខ្លាចគេមើលមកទន់ជ្រាយ ព្រោះការយំអាចនឹងធ្វើឲ្យមាន អារម្មណ៍ធូរស្បើយជាងការដែលព្យាយាមកប់វាទុកក្នុងទ្រូងតែឯង។ ប៉ុន្តែពេលយំឆ្អែតហើយ ជូតទឹកភ្នែកចេញឲ្យស្អាត និងផ្ដើមវិថីគ្មានគេឲ្យបានល្អ។

ត្រឡប់មកខ្វល់ខ្វាយនឹងខ្លួនឯង

ងើបពីគេងតែងខ្លួនឲ្យស្អាតៗ ញញឹមស្រស់ស្រាយគ្រប់ពេលញ៉ាំអាហារឆ្ងាញ់ៗ ហាត់ប្រាណយកសុខភាពល្អនិងរាងស្អាត ជួបជាមួយមិត្តភក្តិ ព្រមទាំងដើរស្គាល់មនុស្សថ្មី។ លើលោកនេះគ្មានគេ មិនមែនអត់មនុស្សប្រុសល្អនោះទេ ត្រូវចាំ។

ម្យ៉ាងទៀត យើងក៏មានពេលច្រើនដើម្បីកសាងនិងអភិវឌ្ឍខ្លួនឯងឲ្យល្អប្រសើរ ក៏ដូចជាមានមានពេលខំសម្រេចនូវក្ដី ស្រមៃរបស់ខ្លួនផងដែរ៕

ប្រែសម្រួល៖ សន្យា

ប្រភព៖ JSS

ចុចអាន៖ ៣ វិធីបំភ្លេចប្រុសក្បត់ យកក្ដីសុខសងខ្លួនឯងវិញ

ចុចអាន៖ តាមប្រមាញ់បេះដូងនារីល្អម្នាក់មិនពិបាកទេ ប្រសិនដឹងវិធីសាស្ត្រទំាងនេះ