កំហុស ៥យ៉ាងរបស់ឪពុកម្ដាយ បណ្ដាលឱ្យក្មេងសម័យឥឡូវ ខ្វះសុជីវធម៌
Connect with us
Helistar Cambodia - Helicopter Charter Services

KPT+

កំហុស ៥យ៉ាងរបស់ឪពុកម្ដាយ បណ្ដាលឱ្យក្មេងសម័យឥឡូវ ខ្វះសុជីវធម៌

បានផុស

នៅ

សម័យកាលកាន់តែវិវត្តជឿនលឿន តែបើងាកមើលសីលធម៌របស់មនុស្សហាក់ធ្លាក់ចុះជាងមុន។ ជាពិសេសបើប្រៀបធ្រៀបទៅនឹងក្មេងជំនាន់មុន ក្មេងៗសម័យទំនើប ត្រូវបានមើលឃើញថា មិនសូវមានសុជីវធម៌ប៉ុន្មាននោះទេ មិនថាចំពោះមនុស្សចាស់ជាងខ្លួន ឬក្នុងចំណោមមិត្តភក្ដិរបស់ពួកគេ។ ហេតុអ្វីក៏បានជាមានការធ្លាក់ចុះនៃសីលធម៌រស់នៅបែបនេះ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខាងក្រោមនេះ ជាហេតុផលត្រួសៗ ៥យ៉ាង បង្ហាញហេតុផលថា ក្មេងសម័យនេះ មិនសូវមានសុជីវធម៌ល្អ៖

១. និយមប្រើវិធីផ្លូវកាត់

Psychologist Says 'punish' Your Child With A Hug When She Has A Tantrum

សព្វថ្ងៃក្មេងៗមានថេប្លេត អាយផត និងអ្វីជាច្រើនទៀត អាចពួកគេរីករាយជាមួយតន្ត្រី ភាពយន្ត និងកម្មវិធីទូរទស្សន៍ដែលពួកគេចូលចិត្តដោយមិនចាំបាច់រង់ចាំយូរ។

ជាមួយនឹងការកម្សាន្ត និងភាពងាយស្រួលបែបនេះ ក៏មានគុណវិបត្តិបណ្ដាលឱ្យឪពុកម្តាយមិនសូវមានទំនាក់ជាមួយកូនៗបានច្រើន ឬស្និទ្ធស្នាលដូចពីមុន។ ទាំងនេះធ្វើឲ្យកុមារប្រឈមនឹងការដាច់ទំនងទំនងជាមួយឪពុកម្ដាយ និងមនុស្សនៅខាងក្រៅ ដោយសារពួកគេវក់វីតែជាមួយនឹងបណ្ដាញសង្គម។

២. តាមចិត្តកូនគ្រប់យ៉ាង

ឪពុកម្តាយសម័យថ្មីផ្តល់ឱ្យកូនសឹងគ្រប់យ៉ាងដែលក្មេងចង់បាន និងមិនបង្រៀនគេទាល់សោះ នូវអ្វីដែលត្រូវប្ដូរជាមួយតម្រូវការនោះ។ មិនមែនជារឿងអាក្រក់នោះទេ បើគ្រាន់តែឲ្យរបស់ល្អទៅកូន តែវានឹងមានបញ្ហាចំពោះតម្រូវការហួសហេតុពេក។ នៅពេលឪពុកម្ដាយផ្តល់របស់របរដល់កូនគ្រប់ពេលដែលពួកគេទាមទារ នឹងធ្វើឲ្យក្មេងកាន់តែទំរើសចង់បានតាមចិត្ត ដោយក្លាយទៅជាក្មេងងរង៉ក់ ក្បាលខូច បើសិនគេមិនបានរបស់ដែលគេចង់បាន។

៣.  គ្មានពេលសម្រាប់កូន

3 Things to Consider Before You Take Experts' Parenting Advice, From a  Parenting Expert | Working Mother

ឪពុកម្ដាយភាគច្រើនរវល់ការងារខ្លាំងពេក និងចំណាយពេលពេលតិចតួចក្នុងការមើលថែកូនៗដោយផ្ទាល់។ ឪពុកម្ដាយខ្លះ យកកូនទៅផ្ញើតាយាយឬ ដាក់នៅសាលាតាំងពីព្រឹកដល់ល្ងាចក៏មាន។ បញ្ហនេះធ្វើឲ្យកូនមិនសូវបានស្និទ្ធជាមួយឪពុកម្ដាយ ហើយសង្គមខាងក្រៅមានឥទ្ធិពលច្រើនជាងឪពុកម្ដាយពួកគេ។

ដូច្នេះការរៀបចំពេលវេលាដើម្បីចំណាយជាមួយកូនៗពិតជាមានសារសំខាន់ណាស់។ វាជួយឲ្យក្មេងយល់ថា ពួកគេមិនមែននៅម្នាក់ឯង ទទួលបានភាពកក់ក្ដៅ និងចេះស្ដាប់បង្គាប់ឪពុកម្ដាយផងដែរ។

៤. មិនបង្រៀនកូនពីកំហុស

ជារឿយៗនៅពេលដែលកូនធ្វើខុស ឪពុកម្ដាយតែងតែអត់ធ្មត់ ព្រោះគិតថាកូននៅក្មេងមិនទាន់យល់អ្វីឡើយ។ ប៉ាម៉ាក់ភាគច្រើនយល់ថា កុមារល្ងង់ និងគ្មានកំហុសទេ បើសិនគេធ្វើអ្វីមួយដែលមិនត្រឹមត្រូវ ព្រោះពួកគេមិនដឹងអី។ ការបណ្ដោយដោយពុំបានអប់រំដល់កូន ធ្វើឲ្យក្មេងទំរើស និងមិនចេះស្ដាប់បង្គាប់។ ជាការសំខាន់ណាស់ដែលឪពុកម្ដាយត្រូវកែឥរិយាបថអាក្រក់ៗរបស់កូនឱ្យបានឆាប់ ដើម្បីឱ្យពួកគេដឹងថា ទម្លាប់ខ្លះមិនត្រឹមត្រូវសម្រាប់ពួកគេធ្វើឡើយ។

៥. ខ្វះទំនាក់ទំនងជាមួយមនុស្សខាងក្រៅ

50 Ways Parents Annoy Their Kids on a Daily Basis — Best Life

ឪពុកម្តាយសម័យទំនើបព្យាយាមអប់រំកូនតែនៅក្នុងគ្រួសារប៉ុណ្ណោះ។ ជួនកាលសូម្បីតែជីដូនជីតារបស់កូនៗ ក៏ពុំមានឱកាសទូន្មានក្មេងៗដែរ។ ការទុកឲ្យក្មេងៗគ្មានទំនាក់ទំនងជាមួយមនុស្សពេញវ័យ ឬវ័យចំណាស់ឲ្យបានច្រើន នៅពេលពួកគេធំឡើង វានឹងធ្វើឲ្យពួកគេគិតថា ទោះមិនមានទំនាក់ទំនងជាមួយមនុស្សផ្សេងទៀតនៅក្នុងសហគមន៍ក៏មិនថ្វីដែរ។ ដូច្នេះក្មេងៗនឹងមានភាពឯករាជ្យជ្រុល ហើយធ្វើឲ្យពួកគេលែងខ្វល់ខ្វាយនឹងមនុស្សនៅជុំវិញពួកគេ៕

ប្រែសម្រួល៖ សន្យា

ចុចអាន៖ មូលហេតុ​ ៥យ៉ាង ឪពុកម្ដាយ​គួរ​ឧស្សាហ៍​នាំកូន​ដើរលេងក្រៅ​ផ្ទះ

ចុចអាន៖ កូនធំឡើងជាមនុស្សល្អ និង​ស្ដាប់បង្គាប់ ឪពុកម្ដាយត្រូវ​ដឹងរឿងទាំងនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២ ម៉ោង មុន

បន្ទាន់!! និស្សិត​ច្បាប់​ម្នាក់ យក​កាំភ្លើង​អង្គរក្ស​​ឧកញ៉ាហុង ពីវ​ ​សម្លាប់ខ្លួន​ផ្អើល​ទាំង​យប់

សន្តិសុខសង្គម២ ម៉ោង មុន

រដ្ឋបាល​ស្រុក​បាណន់ បានដាក់​ឱសានវាទ​រយៈ​ពេល​៧​ថ្ងៃ ដល់​អ្នករំលោភ​ដី​បឹង វាយរបង​ថ្ម និង​កាយ​អាចម៍ដី​ចេញ​ឲ្យ​អស់

ព័ត៌មានជាតិ២ ម៉ោង មុន

លោក ជិន ម៉ា​លីន ត្រូវ​បានចាត់តាំង​ជា​សមាជិក​យុវជន​ថ្នាក់កណ្ដាល និង​ជា​ប្រធាន​ក្រុមការងារ​យុវជន​បក្ស​ក្រសួងយុត្តិធម៌

ចរាចរណ៍២ ម៉ោង មុន

រថយន្ត​បី​គ្រឿង​បុក​ត​កន្ទុយ​គ្នា​ បណ្តាល​ឱ្យ​រង​ការខូចខាត

ចរាចរណ៍២ ម៉ោង មុន

រថយន្ត​ព្រលះ​ម៉ូតូ​ពេញទំហឹង ស្លាប់​២​នាក់ រួច​បើក​រត់គេច​បាត់ស្រមោល

Sokha Hotels

ព័ត៌មានពេញនិយម

Helistar Cambodia - Helicopter Charter Services