KPT+
ក្រសួងសុខាភិបាល មិនមានផែនការរឹតបន្តឹងទៅលើជនជាតិចិន ចូលមកកម្ពុជាទេ
ថ្មីៗនេះបន្ទាប់ពីរដ្ឋាភិបាលចិនបានបោះបង់ចោលការអនុវត្តវិធានការហ្សេរ៉ូកូវីដ និងលែងតម្រូវឱ្យជនបរទេសធ្វើចត្តាឡីស័ករួចមក បានធ្វើឱ្យអត្រាឆ្លងនៅប្រទេសចិនបានហក់ឡើង។ ក្នុងនោះមានប្រទេសខ្លះដូចជា ជប៉ុនបានរឹតបន្តឹងការចេញចូលរបស់ជនជាតិចិនចូលមកប្រទេសខ្លួន ដោយតម្រូវឱ្យធ្វើចត្តាឡីស័កផងដែរ។ ចំណែកក្រសួងសុខាភិបាលកម្ពុជា មិនទាន់មានគោលការណ៍រឹតបន្តឹងទៅលើជនជនជាតិចិនចូលមកប្រទេសកម្ពុជានៅឡើយទេ ពោលគឺអនុវត្តដូចជនបរទេសឯទៀត។
លោកវេជ្ជបណ្ឌិត លី សូវ៉ាន់ អ្នកនាំពាក្យក្រសួងសុខាភិបាល និងជា ប្រធាន នាយកដ្ឋានប្រយុទ្ធនឹងជំងឺឆ្លង បានមានប្រសាសន៍ នៅរសៀលថ្ងៃទី២៨ ធ្នូនេះថា រហូតមកដល់ពេលនេះ ក្រសួងនៅតែអនុវត្តគោលការណ៍ចាស់ដដែល មិនមានអ្វីប្រែប្រួលនោះទេ។ ចំណែកជនជាតិចិនចូលមកកម្ពុជាក៏អនុវត្តដូចជនបរទេសផ្សេងៗទៀតដែរ។
លោកវេជ្ជបណ្ឌិត លី សូវ៉ាន់ បានបន្តថា អង្គការសុខភាពពិភពលោកនៅតែចាត់ទុកជំងឺកូវីដ-១៩ ជាជំងឺរាតត្បាតជាសាកនៅឡើយ។ ដូចនេះប្រជាពលរដ្ឋកម្ពុជា ពិសេសកុមារអាយុក្រោម ៥ឆ្នាំ មនុស្សចាស់អាយុលើសពី ៦៥ឆ្នាំ និងអ្នកដែលមានជំងឺប្រចាំកាយរ៉ាំរ៉ៃក្នុងខ្លួនដូចជា ជំងឺលើសឈាម ជំងឺទឹកនោមផ្អែម ជំងឺរលាកក្រពះ ជំងឺរលាកពោះវៀនសូមពាក់ម៉ាស និងនៅឱ្យឆ្ងាយដាច់ដោយឡែកពីគេ ដើម្បីបង្ការកុំឱ្យមានជំងឺផ្តាសាយធំ ឬជំងឺកូវីដ-១៩ ព្រោះថា ពេលឆ្លងជំងឺទាំងនេះវាអាចវិវត្តន៍ទៅរកសភាពជំងឺធ្ងន់ធ្ងរបាន ពិសេសត្រូវអនុវត្តវិធានការ ៣កុំ និង ៣ការពារ ឱ្យបានខ្ជាប់ខ្ជួន។
ជាមួយគ្នានេះដែរ លោកវេជ្ជបណ្ឌិត លី សូវ៉ាន់ បានណែនាំដល់មន្ត្រីចត្តាឡីស័កនៅទូទាំងប្រទេស ក៏ដូចជាក្រុមឆ្លើយតបបន្ទាន់ ត្រូវបង្កើនការប្រុងប្រយ័ត្ន និងពង្រឹងការតាមដានអ្នកដំណើរចេញចូលតាមច្រកព្រំដែននានា ហើយក្នុងករណីនៅកន្លែងណាមួយមានករណីជំងឺគ្រុនក្ដៅ ឬផ្តាសាយច្រើនខុសពីធម្មតា ត្រូវចុះស្រាវជ្រាវជាបន្ទាន់ដើម្បីទប់ស្កាត់ឱ្យបានទាន់ពេលវេលា កុំឱ្យមានការរាលដាលជាបន្តទៀត៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ