គំនូរកម្រប្រឡាក់លាមកសត្វបក្សី មានតម្លៃជាង ៣ លានដុល្លារ

កាលពីថ្ងៃព្រហស្បតិ៍ ទី២៦ ខែមករា ឆ្នាំ២០២៣ ផ្ទះដេញថ្លៃ Sotheby លក់គំនូរមួយបានតម្លៃ ៣ លាន ១ សែនដុល្លារ។ គំនូរនេះគូរដោយលោក Van Dyck ក្នុងចន្លោះឆ្នាំ១៦១៥-ឆ្នាំ១៦១៨ គេចាត់ទុកវាជាការសិក្សាដ៏ធំមួយក្នុងចំណោមពីរ ដែលលោក Van Dyck គូរពីមនុស្សមានជីវិត ។

ស្នាដៃខាងលើត្រូវបានជាវដោយលោក Albert B. Roberts ក្នុងសតវត្សទី ២០ នៅកសិដ្ឋានភូមិ Kinderhook រដ្ឋញូវយ៉ក ក្រោមតម្លៃ ៦០០ ដុល្លារតែប៉ុណ្ណោះ។ លុះក្រោយមកប្រវត្តិវិទូសិល្បៈ Susan J. Barnes ធ្វើការចេញផ្សាយអត្ថបទមួយអះអាងថា គំនូរនេះជាស្នាដៃរបស់លោក Van Dyck និងទទួលបានការចាប់អារម្មណ៍ជាខ្លាំង រហូតដល់លោក Albert សម្រេចចិត្តដាក់វាដេញថ្លៃនៅ Sotheby ។

ទោះបីជាគំនូររបស់លោក Van Dyck ប្រឡាក់លាមកសត្វបក្សីយ៉ាងណាក៏ដោយ វានៅតែជាគំនូរដែលសក្ដិសម​នឹងមានតម្លៃខ្ពស់កប់ពពកដដែល ហើយក៏មិនធ្លាក់ថ្លៃទៅតាមស្ថានភាពនោះទេ ៕

ប្រែសម្រួល ៖ វារី

ចុចអាន ៖ លាតត្រដាងអាថ៌កំបាំងពីរូបគំនូរ Mona Lisa ៦ រឿង

ចុចអាន ៖ គំនូរល្បីៗទូទាំងពិភពលោក ៦ ផ្ទាំង ត្រូវគេលួច ដោយសារតែតម្លៃរាប់លាន