អ្នកវិទ្យាសាស្ត្ររកឃើញឆ្អឹងសត្វម្យ៉ាង សង្ស័យថាធ្ងន់ជាងគេបង្អស់លើលោក

នៅថ្ងៃពុធ ទី២ ខែសីហា អ្នកវិទ្យាសាស្ត្របានរកឃើញត្រីបាឡែនបុរាណមួយប្រភេទដែលផុតពូជតាំងពី ៤០ លានឆ្នាំមុន នៅរដ្ឋធានីប៉េរូ ហើយគេសង្ស័យថាវាមានទម្ងន់ធ្ងន់ជាងគេបង្អស់លើលោក ។

បច្ចុប្បន្នសត្វដែលមានទម្ងន់ធ្ងន់ជាងគេបង្អស់គឺ “ត្រីបាឡែនខៀវ” វាធ្ងន់ជាងដាយណូស័រពីសម័យមុនមែន ប៉ុន្តែសត្វថ្មី Perucetus colossus ដែលគេរកឃើញមានឆ្អឹងធ្ងន់ជាងត្រីបាឡែនខៀវនេះទៅទៀត ។

បើសន្និដ្ឋានតាមឆ្អឹងដ៏ធំរបស់ Perucetus colossus វាមានទម្ងន់ជាមធ្យម ១៨០ តោន ឬពី ៨៥ តោនទៅ ៣៤០ តោន កម្ពស់ ២០ ម៉ែត្រ ខណៈត្រីបាឡែនខៀវធំបំផុតមានទម្ងន់ត្រឹមតែ ១៩០ តោនប៉ុណ្ណោះ ។

សត្វដ៏ធំខាងលើមានក្បាលតូចជាងខ្លួនធ្វើឲ្យអ្នកវិទ្យាសាស្ត្រអស់សំណើច សូម្បីតែធ្មេញក៏មិនសូវមានដែរ ទើបគេមិនអាចដឹងអំពីចំណីរបស់វាបាន ។ អ្នកស្រាវជ្រាវក៏បានឲ្យដឹងដែលថា នេះជាការរកឃើញដំបូងបំផុតអំពីសត្វទម្ងន់ធ្ងន់ ដូច្នេះមិនសូវមានអ្នកជឿនោះទេ ។

គួរជម្រាបថា គេដាក់បង្ហាញឆ្អឹងសត្វ Perucetus colossus ជាសាធារណៈលើកដំបូងនៅសារមន្ទីរប្រវត្តិសាស្ត្រក្នុងរដ្ឋធានីប៉េរូ ដូច្នេះអ្នកដែលចង់ឃើញផ្ទាល់អាចទៅមើលនៅទីនោះបាន ៕

ប្រែសម្រួល៖ វារី

ប្រភព៖ CNA

ចុចអាន៖ ប្រទះឃើញវត្ថុមានតម្លៃជាងកន្លះលានដុល្លារ ក្នុងសាកសពត្រីបាឡែន នៅប្រទេសអេស្ប៉ាញ