ព័ត៌មានជាតិ
ជនជាតិថៃម្នាក់ ស្នាក់នៅក្រុងសំរោង ធ្វើតេស្ដវិជ្ជមានកូវីដ១៩ ពេលត្រឡប់ទៅប្រទេសថៃវិញ
ជនជាតិថៃម្នាក់ ស្នាក់នៅនិងធ្វើការនៅក្រុងសំរោងខេត្តឧត្តរមានជ័យ ត្រូវបានអាជ្ញាធរថៃរកឃើញវិជ្ជមានជំងឺកូវីដ១៩ បន្ទាប់ពីបានចេញពីប្រទេសកម្ពុជាឆ្លងដែនទៅកាន់ប្រទេសថៃវិញ។
យោងតាមរដ្ឋបាលខេត្តឧត្តរមានជ័យបានឲ្យដឹងថា ជនជាតិថៃរូបនេះ មានឈ្មោះ គិទិ ស្រ៊ី ស៊ាំង ភេទប្រុស អាយុ២៧ឆ្នាំ មុខជំនាញជាងជួសជុលគ្រឿងចក្រ ស្នាក់នៅភូមិបុរីរដ្ឋបាល សង្កាត់សំរោង ក្រុងសំរោង។
បុគ្គលនេះ បានធ្វើដំណើរមកពីប្រទេសថៃនៅថ្ងៃទី២០ ខែមីនា ឆ្នាំ២០២០ តាមច្រកទ្វារព្រំដែនអន្តរជាតិអូស្មាច់ មុនប្រទេសថៃបិទការចេញចូល។ លុះដល់ថ្ងៃទី០៥ ខែមេសា ឆ្នាំ២០២១ បុគ្គលរូបនេះ បានត្រឡប់ចូលប្រទេសថៃវិញ តាមច្រកទ្វារព្រំដែនអន្តរជាតិអូរស្មាច់ ត្រូវបានអាជ្ញាធរថៃយកទៅធ្វើចត្តាឡីស័កនឹងយកសំណាកធ្វើតេស្តរកកូវីដ១៩ ក៏ទទួលបានលទ្ធផលវិជ្ជមានកូវីដ១៩ពីមន្ទីរពិសោធន៍នៅប្រទេសថៃនាថ្ងៃទី១៣ ខែមេសាឆ្នាំ២០២១។ រដ្ឋបាលខេត្តបានបន្តថា តាមការស្រាវជ្រាវបុគ្គលនេះ មានអ្នកប៉ះពាល់ផ្ទាល់ចំនួន៤នាក់ គឺទី១ឈ្មោះ គង់ ពៅ ហៅប៉ាត់ភេទប្រុស អាយុ៣៤ឆ្នាំ នៅផ្ទះជួលស្ថិតនៅក្នុងភូមិបុរីរដ្ឋបាល សង្កាត់សំរោង មុខរបរជាងជួសជុលត្រាក់ទ័រ, ទី២ឈ្មោះ អ៊ឹម កាន់ដ្រា ភេទស្រី អាយុ២៥ឆ្នាំ ជាប្រពន្ធរបស់ឈ្មោះ គង់ពៅ, ទី៣កុមារា ផានៈគ្រីនសំប៊ួន អាយុ២ឆ្នាំ ជាកូន, ទី៤កុមារី ណាត់តាឆាសំប៊ួន អាយុ១ឆ្នាំ ជាកូននិងអ្នកប៉ះពាល់ប្រយោលមានហានិភ័យខ្ពស់ចំនួន៤០នាក់ផ្សេងទៀត។ បើតាមរដ្ឋបាលខេត្តអ្នកទាំង៤៤នាក់ បានយកសំណាកបញ្ជូនទៅវិភាគនៅរាជធានីភ្នំពេញនឹងរង់ចាំលទ្ធផល។
រដ្ឋបាលខេត្តសូមអំពាវនាវយ៉ាងទទូចស្នើសូមឲ្យបងប្អូនជាពលរដ្ឋ ដែលមានការពាក់ព័ន្ធដោយផ្ទាល់ឬដោយប្រយោលជាមួយបុគ្គល គិទិ ស្រ៊ីស៊ាំង និងអ្នកពាក់ព័ន្ធខាងលើ ត្រូវដាក់ខ្លួនដាច់ដោយឡែករយៈពេល ១៤ថ្ងៃឬមាន រោគសញ្ញាក្អក ផ្ដាសាយ ហៀរសំបោរ ឈឺបំពង់កថប់ដង្ហើម ក្តៅខ្លួន ឬរោគសញ្ញាសង្ស័យផ្សេងទៀត សូមធ្វើការទំនាក់ទំនងក្រុមការងារប្រចាំការនិងយកសំណាក ដែលមានទីតាំងស្ថិតនៅមន្ទីរពេទ្យបង្អែកខេត្តឧត្តរមានជ័យ៕
អត្ថបទ៖ សំអឿន
សូមចុចអាន៖ ស្ថានភាពកំពុងអាសន្ន មានជនបន្លំបង្កើតផេកក្រសួងសុខាភិបាល
-
ព័ត៌មានអន្ដរជាតិ១ សប្តាហ៍ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៧ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៧ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៦ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៣ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន