ព័ត៌មានជាតិ
អ្នកជំងឺកើនពេញមន្ទីរពេទ្យ ត្រៀមសាលារៀនមួយទៀត ធ្វើជាកន្លែងព្យាបាលអ្នកជំងឺកូវីដ១៩
លោក គ្រុយ ម៉ាឡែន នាយករដ្ឋបាលសាលាខេត្តកណ្តាលបានមានប្រសាសន៍នៅព្រឹកថ្ងៃទី១៥មេសាថា ខេត្តកណ្តាលបានត្រៀមយកសាលាបឋមសិក្សា ប៊ុន រ៉ានី ហ៊ុន សែន ក្រពើហា ស្ថិតនៅក្នុងភូមិក្រពើហាលិច សង្កាត់ព្រែកឬស្សី ក្រុងតាខ្មៅ ធ្វើជាកន្លែងព្យាបាលអ្នកជំងឺកូវីដ១៩ បន្ទាប់ពីចំនួនអ្នកជំងឺសម្រាកនៅតាមមន្ទីរពេទ្យកើនឡើងជាបន្តបន្ទាប់។
«យើងត្រៀមយកសាលាបឋមសិក្សា ប៊ុន រ៉ានី ហ៊ុន សែន ក្រពើហា ធ្វើជាកន្លែងព្យាបាលអ្នកជំងឺកូវីដ១៩ ករណីចំនួនអ្នកវិជ្ជមានកើនឡើង ដោយមន្ទីរពេទ្យបង្អែកជ័យជំនះ និងមណ្ឌលព្យាបាលនៅស្រុកកោះធំ មានចម្ងាយរាងឆ្ងាយ ករណីមួយចំនួនដែលប្រឈមស្ថានភាពធ្ងន់ធ្ងរ អាចពិបាកយកមកសង្គ្រោះ»។
ទីតាំងសាលាបឋមសិក្សា ប៊ុន រ៉ានី ហ៊ុន សែន ក្រពើហាដែលមាន១៣បន្ទប់ ត្រូវបានថ្នាក់ដឹកនាំខេត្តកណ្តាលដឹកនាំមន្ត្រីរាជការ កងកម្លាំងប្រដាប់អាវុធ និងយុវជន ស ស យ ក បោសសម្អាតរៀបចំតបណ្តាញទឹកស្អាត និងអគ្គិសនីបន្ថែម កាលពីរសៀលថ្ងៃទី១៤ ត្រៀមទុក ហើយនៅពេលណា មានតម្រូវការចាំបាច់នឹងបំពាក់សម្ភារបរិក្ខារភ្លាមៗតែម្តង។
ជាមួយគ្នានេះដែររដ្ឋបាលខេត្តក៏បានត្រៀមអាគារកម្ពស់២ជាន់ធំៗចំនួន២ នៅក្នុងបរិវេណវិទ្យាល័យវឌ្ឍនៈឈូង លាប ដែលស្ថិតនៅក្នុងភូមិកោះគរ សង្កាត់រកាខ្ពស់ ក្រុងតាខ្មៅ សម្រាប់ធ្វើជាមណ្ឌលចត្តាឡីស័ក បន្ថែមផងដែរ។
គួរបញ្ជាក់ថា តាមក្រសួងសុខាភិបាលគិតត្រឹមថ្ងៃទី១៤ខែមេសាឆ្នាំ២០២១ខេត្តកណ្តាលមានអ្នកជំងឺកូវីដ១៩កំពុងសម្រាកនៅមន្ទីរពេទ្យចំនួន៩១នាក់ ក្នុងនោះនៅមន្ទីរពេទ្យពេទ្យបង្អែកជ័យជំនះចំនួន៧៨នាក់ និងនៅមណ្ឌលព្យាបាលស្រុកកោះធំខេត្តកណ្តាលចំនួន១៣នាក់៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ