ព័ត៌មានអន្ដរជាតិ
ប្រធាន IAEA៖ អ៊ីរ៉ង់អាចចាប់ផ្ដើមចម្រាញ់អ៊ុយរ៉ាញូមឡើងវិញនៅ«ប៉ុន្មានខែខាងមុខ»
លោក Rafael Grossi ប្រធានទីភ្នាក់ងារថាមពលអាតូមិកអន្តរជាតិរបស់អង្គការសហប្រជាជាតិ (IAEA) បានព្រមានថា អ៊ីរ៉ង់អាចបន្តការចម្រាញ់សារធាតុអ៊ុយរ៉ាញ៉ូមឡើងវិញដល់កម្រិតខ្ពស់ ក្នុងរយៈពេលតែប៉ុន្មានខែខាងមុខទៀតប៉ុណ្ណោះ បើទោះបីជាមានការខូចខាតថ្មីៗនេះធ្វើឡើងដោយការវាយប្រហារតាមអាកាសរបស់អាមេរិក និងអ៊ីស្រាអែលក៏ដោយ។
ទោះបីជាការវាយប្រហាររបស់អាមេរិក និងអ៊ីស្រាអែលទៅលើទីតាំងនុយក្លេអ៊ែរសំខាន់ៗរបស់អ៊ីរ៉ង់ ដូចជា Fordow, Natanz និង Isfahan បានបណ្តាលឲ្យខូចខាតរចនាសម្ព័ន្ធយ៉ាងខ្លាំងក៏ដោយ ក៏ពួកគេមិនបានបំផ្លាញឃ្លាំងផ្ទុកសារធាតុអ៊ុយរ៉ានីញ៉ូមដ៏សំខាន់ទាំងអស់នោះឡើយ។
លោក Grossi បានសង្កត់ធ្ងន់ថា អ៊ីរ៉ង់បានចាត់វិធានការពិសេស ដើម្បីការពារអ៊ុយរ៉ាញ៉ូមរបស់ខ្លួនក្នុងអំឡុងពេលដំបូងនៃជម្លោះដែលបង្ហាញថា សម្ភារៈភាគច្រើនទំនងជាមិនបានរងការខូចខាតនោះឡើយ។ លោកបន្ថែមថា នេះមានន័យថា អ៊ីរ៉ង់នៅតែរក្សាសមត្ថភាពក្នុងការបង្កើនផលិតកម្មនុយក្លេអ៊ែរបានយ៉ាងឆាប់រហ័ស ថ្វីត្បិតប្រតិបត្តិការពេញលេញមិនទាន់អាចស្ដារឡើងវិញបានភ្លាមៗ។
សូមបញ្ជាក់ថា បើតាមសេចក្ដីរាយការណ៍កាលពីសប្ដាហ៍មុន សភាអ៊ីរ៉ង់បានសម្រេចផ្អាកកិច្ចសហប្រតិបត្តិការជាមួយ IAEA។ នេះបានន័យបានន័យថា អធិការរបស់ IAEA អាចចូលទៅកាន់ប្រទេសអ៊ីរ៉ង់បាន លុះត្រាតែមានការយល់ព្រមច្បាស់លាស់ពីក្រុមប្រឹក្សាសន្តិសុខជាតិកំពូល ហើយប្រសិនបើទីភ្នាក់ងារនេះអាចធានាសុវត្ថិភាពនៃកន្លែងនុយក្លេអ៊ែររបស់អ៊ីរ៉ង់។
IAEA បានដើរតួនាទីដ៏សំខាន់ ក្នុងការត្រួតពិនិត្យកម្មវិធីនុយក្លេអ៊ែររបស់អ៊ីរ៉ង់ អស់ជាច្រើនទសវត្សរ៍មកហើយ។ ក្នុងនាមជាអ្នកឃ្លាំមើលនុយក្លេអ៊ែររបស់អង្គការសហប្រជាជាតិ IAEA មានភារកិច្ចផ្ទៀងផ្ទាត់ថា សកម្មភាពនុយក្លេអ៊ែររបស់អ៊ីរ៉ង់មានសន្តិភាព និងស្របតាមសន្ធិសញ្ញាមិនរីកសាយភាយនុយក្លេអ៊ែរ (NPT) ដែលអ៊ីរ៉ង់បានចុះហត្ថលេខានៅឆ្នាំ១៩៧០៕
ដោយ៖ ឈាង
ចុចអាន៖ អ៊ីរ៉ង់ ប្រាប់ថា គ្មានគម្រោងចរចានុយក្លេអ៊ែរជាមួយអាមេរិកនៅសប្ដាហ៍ក្រោយទេ
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ