ព័ត៌មានអន្ដរជាតិ
លោក ត្រាំ ប្រាប់ថានឹងពិចារណាទម្លាក់គ្រាប់បែកលើអ៊ីរ៉ង់ម្តងទៀត
ប្រធានាធិបតីអាមេរិក លោក ដូណាល់ ត្រាំ បានព្រមានយ៉ាងម៉ឺងម៉ាត់ថា លោកនឹង«ពិចារណាទម្លាក់គ្រាប់បែកលើអ៊ីរ៉ង់ម្តងទៀត» ប្រសិនបើក្រុងតេហេរ៉ង់បន្តការចម្រាញ់សារធាតុអ៊ុយរ៉ាញ៉ូមឡើងវិញដល់កម្រិតគួរឲ្យព្រួយបារម្ភ ហើយក្នុងពេលដំណាលគ្នានេះដែរ លោកនឹងដកចេញផែនការបន្ធូរបន្ថយទណ្ឌកម្មលើអ៊ីរ៉ង់។
យោងតាមការចុះផ្សាយថ្ងៃទី២៨ខែមិថុនារបស់ទីភ្នាក់ងារព័ត៌មាន Reuters លោក ត្រាំ បានសង្កត់ធ្ងន់ថា ការវាយប្រហារនាពេលថ្មីៗនេះ ដែលធ្វើឡើងជាមួយប្រទេសអ៊ីស្រាអែល បានធ្វើឲ្យខូចហេដ្ឋារចនាសម្ព័ន្ធនុយក្លេអ៊ែររបស់ប្រទេសអ៊ីរ៉ង់យ៉ាងខ្លាំង។ លោកបានគំរាមថា ការផ្គើនរបស់អ៊ីរ៉ង់នឹងបង្កឲ្យមានសកម្មភាពយោធាបន្ថែមទៀតជាក់ជាមិនខាន។
សាររបស់លោក ត្រាំ បានធ្វើឡើងបន្ទាប់ពីការបង្ហាញវត្តមានជាលើកដំបូងរបស់មេដឹកនាំកំពូលអ៊ីរ៉ង់ Ayatollah Ali Khamenei បន្ទាប់ពីជម្លោះរយៈពេល១២ថ្ងៃ។ ក្នុងវីដេអូសន្ទរកថាកាលពីថ្ងៃទី២៦មិថុនា លោក Khamenei បានព្រមានថា ប្រសិនបើសហរដ្ឋអាមេរិកបើកការវាយប្រហារយោធាមួយផ្សេងទៀត អ៊ីរ៉ង់នឹងសងសឹកដោយកំណត់គោលដៅលើមូលដ្ឋានទ័ពរបស់ក្រុងវ៉ាស៊ីនតោននៅទូទាំងតំបន់មជ្ឈិមបូព៌ា។ លោកបានបន្ថែមថា «សាធារណរដ្ឋអ៊ីស្លាមបានទះកំផ្លៀងអាមេរិក។ យើងបានវាយប្រហារមូលដ្ឋានទ័ពអាមេរិកដ៏សំខាន់មួយនៅក្នុងតំបន់»។
លោក ត្រាំ បាននិយាយថា លោកបានទុកជីវិតឲ្យលោក Khamenei ដោយបានវេតូផែនការរបស់អ៊ីស្រាអែលក្នុងការសម្លាប់មេដឹកនាំកំពូលអ៊ីរ៉ង់។
លោក ត្រាំ បានរៀបរាប់ថា «ប្រទេសរបស់គាត់ត្រូវបានបំផ្លាញ ទីតាំងនុយក្លេអ៊ែរដ៏អាក្រក់ចំនួន៣កន្លែងរបស់គាត់ត្រូវបានកម្ទេច ហើយខ្ញុំដឹងច្បាស់ពីកន្លែងដែលគាត់លាក់ខ្លួន ហើយនឹងមិនអនុញ្ញាតឲ្យអ៊ីស្រាអែល ឬកងកម្លាំងប្រដាប់អាវុធរបស់សហរដ្ឋអាមេរិក…បញ្ចប់ជីវិតរបស់គាត់ទេ។ ខ្ញុំបានសង្គ្រោះគាត់ពីការស្លាប់ដ៏អាក្រក់ និងយ៉ាងអាម៉ាស់មុខ»។
លោក ត្រាំ ក៏បាននិយាយផងដែរថា ក្នុងរយៈពេលប៉ុន្មានថ្ងៃថ្មីៗនេះ លោកកំពុងធ្វើការលើការដកទណ្ឌកម្មចំពោះប្រទេសអ៊ីរ៉ង់ ដើម្បីផ្តល់ឱកាសសម្រាប់ការងើបខ្លួនឡើងវិញយ៉ាងឆាប់រហ័ស។ យ៉ាងណាមិញ លោកបានប្រាប់ថា ឥឡូវនេះលោកបានបោះបង់ផែនការទាំងនោះចោលវិញហើយ៕
ដោយ៖ ឈាង
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា