ព័ត៌មានជាតិ
រដ្ឋបាលខណ្ឌឫស្សីកែវ ចុះពិនិត្យវឌ្ឍនភាពស្ថាបនាផ្លូវ ត្រៀមស្តារព្រែកអូរវែង មុនរដូវវស្សា
កាលពីល្ងាចទី ២៨ ខែមករា ឆ្នាំ ២០២៦ រដ្ឋបាលខណ្ឌឫស្សីកែវ ដឹកនាំដោយលោក ជិន ប៊ុនធឿន អភិបាលខណ្ឌឫស្សីកែវ និងលោក ឡុង ង៉ែត អភិបាលរងខណ្ឌ អមដោយមន្ត្រីពាក់ព័ន្ធជាច្រើនរូប បានចុះពិនិត្យជាក់ស្ដែងវឌ្ឍនភាពការងារស្ថាបនាផ្លូវទទឹង ១០ ម៉ែត្រ ស្របបណ្ដោយសងខាងព្រែកអូរវែង និងការត្រៀមដាក់គ្រឿងចក្រស្តារព្រែក ដើម្បីបង្ការបញ្ហាជំនន់ទឹក មុនរដូវវស្សាខាងមុខមកដល់។
ក្នុងឱកាសចុះពិនិត្យនោះ លោកអភិបាលខណ្ឌឫស្សីកែវ បានពិនិត្យយ៉ាងម៉ត់ចត់លើដំណើរការអនុវត្តគម្រោងស្ថាបនាផ្លូវដែលកំពុងដំណើរការតាមផែនការ និងបានណែនាំដល់ក្រុមការងារ និងអ្នកទទួលសាងសង់ ឲ្យអនុវត្តការងារឲ្យបានត្រឹមត្រូវតាមបច្ចេកទេស ធានាគុណភាព សុវត្ថិភាព និងគោរពពេលវេលាកំណត់ ដើម្បីឆ្លើយតបតាមតម្រូវការរបស់ប្រជាពលរដ្ឋក្នុងតំបន់។
លោកអភិបាលបានឲ្យដឹងថា ការស្ថាបនាផ្លូវទទឹង ១០ ម៉ែត្រនេះ មានសារៈសំខាន់យ៉ាងខ្លាំង ក្នុងការលើកកម្ពស់ហេដ្ឋារចនាសម្ព័ន្ធក្នុងខណ្ឌឫស្សីកែវ សម្រួលដល់ការធ្វើដំណើរ ការដឹកជញ្ជូន និងជំរុញការអភិវឌ្ឍសេដ្ឋកិច្ចសង្គមក្នុងមូលដ្ឋាន។ ជាពិសេស ការស្តារព្រែកអូរវែង គឺជាវិធានការចាំបាច់ ដើម្បីបង្ការបញ្ហាទឹកជំនន់ និងធានាលំហូរទឹកឲ្យបានល្អ ក្នុងរដូវវស្សាខាងមុខ។
រដ្ឋបាលខណ្ឌឫស្សីកែវ នឹងបន្តតាមដានត្រួតពិនិត្យ និងជំរុញការអនុវត្តគម្រោងស្ថាបនាហេដ្ឋារចនាសម្ព័ន្ធនានា ឲ្យបានជាប់លាប់ ដើម្បីបម្រើផលប្រយោជន៍សាធារណៈឲ្យកាន់តែប្រសើរឡើងជាបន្តបន្ទាប់៕
អត្ថបទ ៖ សំណាង
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៦ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត