ព័ត៌មានជាតិ

ស្ថានទូតចិនអបអរសាទរព្រះរាជពិធីបុណ្យចម្រើនព្រះជន្មព្រះមហាក្សត្រកម្ពុជា

បានផុស

៥ years មុន

នៅ

ថ្ងៃសុក្រ ១៤ ឧសភា ២០២១

ដោយ

នៅក្នុងឱកាសព្រះរាជពិធីអបអរសាទរ ព្រះរាជពិធីបុណ្យចម្រើនព្រះជន្មគម្រប់៦៨ យាងចូល៦៩ ព្រះវស្សា របស់ព្រះមហាក្សត្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត នាថ្ងៃទី១៤ ខែឧសភា ឆ្នាំ២០២១នេះ ស្ថានទូត នៃសាធារណរដ្ឋប្រជាមានិតចិនប្រចាំកម្ពុជា បានចេញសារមួយសម្តែងនូវការអបអរសាទរ ចំពោះព្រះរាជពិធីនេះ និងក្រាបបង្គំថ្វាយព្រះពរព្រះអង្គ។

តាមរយៈបណ្តាញហ្វេសប៊ុក (Facebook) ផ្លូវការនាថ្ងៃទី១៤ ខែឧសភា នេះ ស្ថានទូតចិនបានបញ្ជាក់យ៉ាងដូច្នេះថា “សូមអបអរសាទរ ព្រះរាជពិធីបុណ្យចម្រើនព្រះជន្មរបស់ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។

សូមបញ្ជាក់ថា ថ្ងៃទី១៤ ខែឧសភា ឆ្នាំ២០២១នេះ គឺជាថ្ងៃនៃព្រះរាជពិធីបុណ្យចម្រើនព្រះជន្មគម្រប់៦៨ យាងចូល៦៩ ព្រះវស្សា របស់ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ហើយនៅក្នុងឱកាសដ៏មានសិរីមង្គលឧត្តុង្គឧត្តមនេះ ប្រមុខរាជរដ្ឋាភិបាល ថ្នាក់ដឹកនាំ មន្ត្រីរាជការ នៅគ្រប់ក្រសួង ស្ថាប័ន មន្ទីរ ព្រមទាំងប្រជារាស្ត្រខ្មែរទាំងអស់ បានផ្ញើសារថ្វាយព្រះពរ និងបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិទាំងឡាយក្នុងលោក មានទេវតាឆ្នាំថ្មី និងទេវតារក្សា ព្រះមហាស្វេតច្ឆត្រ សូមជួយប្រោះព្រំ សព្ទសាធុការពរ សិរីសួស្ដី ជ័យមង្គល វិបុលសុខ បវរមហា ប្រសើរថ្វាយចំពោះព្រះអង្គ សូមមានព្រះរាជសុខភាពល្អ បរិបូរណ៍ ព្រះកាយពលមាំមួន ព្រះបញ្ញាញាណភ្លឺថ្លា ព្រះជន្មាយុយឺនយូរ ដើម្បីបន្តព្រះរាជសកម្មភាពដ៏ឧត្តុង្គឧត្តមជូនជាតិមាតុភូមិអង្គរដ៏រុងរឿង និងគង់ប្រថាប់ក្នុងព្រះបរមសិរីរាជសម្បត្តិជាម្លប់ដ៏ត្រជាក់ត្រជុំ ដល់ប្រជារាស្ត្រតរៀងទៅ៕

ដោយ ៖ កោះកែវ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Related Topics:ស្ថានទូតចិនប្រចាំកម្ពុជា

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា