រកឃើញសពតន្ត្រីករដែលត្រូវឃាតកសម្លាប់យកទៅចោលនៅទន្លេក្រុងតាខ្មៅ

សពលោក ចាន់ គៀន អាយុ ៥៨ឆ្នាំ ជាប្រធានក្រុមតន្ត្រីសម័យមានទីលំនៅក្នុងភូមិឧទម្ពរ ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំងត្រូវឃាតកសម្លាប់នៅក្នុងក្រុងកំពង់ឆ្នាំងកាលពីយប់ថ្ងៃទី២៨ ខែកក្កដា បាត់ខ្លួនជាង ១០ ថ្ងៃពេលនេះ ត្រូវបានគេប្រទះឃើញអណ្តែតនៅទឹកទន្លេក្នុងក្រុងតាខ្មៅខេត្តកណ្ដាល នាយប់ថ្ងៃទី ១០ ខែ កក្កដា ហើយត្រូវកូន​ចៅមកទទួលយកមកតម្កល់ទុកនៅក្នុងលំនៅដ្ឋាន ដើម្បីធ្វើបុណ្យតាមប្រពៃណី។

សមត្ថកិច្ចនគរបាលនៃស្នងការដ្ឋាននគរបាលខេត្តកំពង់ឆ្នាំងបានឲ្យដឹងថា លោកចឹងទៀតត្រូវបានជនដៃដល់ជាឃាត​កឈ្មោះ ឈុន ឌីនឿន អាយុ ៣៥ ឆ្នាំ ជាអ្នករត់តុក្នុងហាងខារ៉ាអូខេមួយកន្លែងនៅក្នុងក្រុងកំពង់ឆ្នាំង។

បុរសរងគ្រោះត្រូវបានឃាតករខាងលើ សម្លាប់នៅក្នុងផ្ទះសំណាក់មួយកន្លែងក្នុងក្រុងកំពង់ឆ្នាំង នាយប់ថ្ងៃទី ២៨ ខែកក្កដា វេលាម៉ោង ៤ ទៀបភ្លឺរួចបានដឹកសពច់តាមរថយន្តរបស់ជនរងគ្រោះយកទៅច្រកការ៉ុងនៅស្រុកឧដ្ដុង្គ ហើយយកទៅទម្លាក់ចោលនៅក្នុងព្រែកសំរោង ក្រុងតាខ្មៅ ខេត្តកណ្ដាល វេលាម៉ោង ៨យប់ថ្ងៃទី ២៨ ខែកក្កដា។

ចំណែករថយន្តបុរសរងគ្រោះត្រូវប៉ាវបានជនដៃដល់ដោះស្លាកលេខបោះចោលហើយយកទៅលក់ហើយគេនៅក្នុងទីក្រុងភ្នំពេញក្នុងតម្លៃ ៥៧០០ដុល្លារ ដោយប្រាប់ថាជារថយន្តធុនយកពីប្រទេសវៀតណាម។

ដោយឡែកបុរសជាឃាតករទៅបានសមត្ថកិច្ចស្រាវជ្រាវចាប់ខ្លួនបាននៅ ក្នុងក្រុងភ្នំពេញកាលពីថ្ងៃទី ០៧ ខែ កក្កដា ឆ្នាំ២០២១ និងបានកសាងសំណុំរឿងតាមនីតិវិធី និងបានបញ្ជូ នទៅកាន់តុលាការចាត់ការតាមផ្លូវច្បាប់។

ក្រោយពីបាត់ខ្លួនរយៈពេល ១៣ ថ្ងៃមក សពបុរសរងគ្រោះ ត្រូវបានគេប្រទះឃើញអណ្ដែតទឹកនៅក្នុងទឹក ទន្លេ ក្នុងក្រុងតាខ្មៅ ខេត្តកណ្ដាលនៅវេលាម៉ោង ៧និង ២០ នាទី យប់ ថ្ងៃទី១០ ខែកក្កដានេះ។

បន្ទាប់មកសមត្ថកិច្ចមូលដ្ឋានក៏បានស្រង់សពមកលើគោកដើម្បីពិនិត្យរកអត្តសញ្ញាណ ជាមួយគ្នានេះដែរកូនចៅសពក៏បានទៅពិនិត្យមើលនិងដឹងច្បាស់ថាពិតជាសពរបស់ឪពុកខ្លួនឈ្មោះ លោក ចាន់ គៀន ពិតប្រាកដមែន ហើយក៏បានដឹកសពយកមកធ្វើបុណ្យនៅក្នុងលំនៅដ្ឋានក្នុងភូមិឧទម្ពរ ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង៕

អត្ថបទ៖ ឈៀង ថារិទ្ធ