ព័ត៌មានជាតិ

ឃាត់ខ្លួនជនជាតិចិន៣៦នាក់ ជិះកប៉ាល់មួយគ្រឿងពីស្រុកចិនមកចូលកម្ពុជាខុសច្បាប់

បានផុស

២ years មុន

នៅ

ថ្ងៃអាទិត្យ ២៥ កក្កដា ២០២១

ដោយ

ជនជាតិចិនចំនួន ៣៦ នាក់ត្រូវបានសមត្ថកិច្ចឃាត់ខ្លួន បន្ទាប់ពីបានជិះកប៉ាល់មួយគ្រឿងចូលមកកម្ពុជាដោយខុសច្បាប់កាលពីថ្ងៃទី២៤ ខែកក្កដា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់សមត្ថកិច្ចបានឱ្យដឹងថា កម្លាំងប៉ុស្តិ៍នគរបាលការពារព្រំដែនទឹកកោះរ៉ុងសន្លឹមបានឃាត់កប៉ាល់ដែកខ្នាតតូច ចំនួន១គ្រឿង ខណៈនៅលើកប៉ាល់មានមនុស្សសរុបចំនួន៣៨នាក់ ក្នុងនោះមានជនជាតិចិនចំនួន៣៦នាក់ ភេទស្រី១នាក់ និងជនជាតិខ្មែរ២នាក់ ភេទប្រុសកាលពីថ្ងៃទី២៤ ខែកក្កដា ឆ្នាំ២០២១ វេលាម៉ោង១៨ និង២០នាទី។

កប៉ាល់បានមកដល់ក្នុងទំនប់កោះព្រាបអង្គភាពបង្ក្រាបបទល្មើសលើផ្ទៃសមុទ្រហើយក្រុមការងារដឹកនាំ ដោយព្រះរាជអាជ្ញារងពេញ ពិសិទ្ធ កំពង់ធ្វើការសួរនាំ ក្នុងនោះមានជនជាតិខ្មែរចំនួន២នាក់ជាកម្មករ។ ជនជាតិខ្មែរ ទី១.ស៊ឹម ផេង គី ភេទប្រុស អាយុ៣៩ ស្រុកកំណើតភូមិកំពង់សំបូរ ឃុំសំរោងភ្នំ ស្រុកឯកភ្នំ ខេត្តបាត់ដំបង ២. ឈ្មោះ ផាន់ រាជ្យ ភេទប្រុស អាយុ២២ឆ្នាំស្រុកកំណើតភូមិតាកុយ ក្រុងបាត់ដំបង ខេត្តបាត់ដំបង។

នាវាចាកចេញពីផែផូអាន ខេត្តហ៊្វូចៀនប្រទេសចិន។ ការត្រួតពិនិត្យ ក្នុងនាវាពុំឃើញមានអ្វីកត់សំគាល់ឡើយ បច្ចុប្បន្នពេទ្យ បានយកកំហាកអវិជ្ជមានទាំងអស់។ បច្ចុប្បន្នជនជាតិចិនទាំងអស់ត្រូវបានបញ្ជូនទៅជំនាញអគ្គនាយកដ្ឋានអន្តោប្រវេសន៍ ដើម្បីអនុវត្តនីតិវិធីផ្លូវច្បាប់បន្ត៕