ព័ត៌មានជាតិ

រាជធានីភ្នំពេញ អ្នកទោសជាប់ឃុំឃាំងទាំងអស់ បានចាក់វ៉ាក់សាំងគ្រប់ ២ ដូស

បានផុស

២ years មុន

នៅ

ថ្ងៃចន្ទ ២៦ កក្កដា ២០២១

ដោយ

ភ្នំពេញ៖ អ្នកជាប់ឃុំក្នុងពន្ធនាគារទូទាំងប្រទេសប្រមាណជាង១ ម៉ឺននាក់បានទទួលការចាក់វ៉ាក់សាំង ការពារជំងឺកូវីដ១៩ ខណៈនៅរាជធានីភ្នំពេញអ្នកជាប់ឃុំទាំងអស់ បានទទួលការចាក់វ៉ាក់សាំងចំនួន២ដូសគ្រប់ៗគ្នា។ នេះបើតាមការបញ្ជាក់ពីលោក នុត សាវនា អ្នកនាំពាក្យអគ្គនាយកដ្ឋានពន្ធនាគារប្រាប់សារព័ត៌មានដឹងនៅថ្ងៃទី២៥ខែកក្កដានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យអគ្គនាយកដ្ឋានពន្ធនាគារបានបន្តថា អ្នកជាប់ឃុំចំនួន១១ ៤០០នាក់បានទទួលវ៉ាក់សាំងគ្រប់ចំនួន២ដូសរួចរាល់ ខណៈដែលអ្នកកំពុងជាប់ឃុំចំនួន ៨ ៣៦០នាក់ផ្សេងទៀត ទើបតែទទួលវ៉ាក់សាំងចំនួន១ដូស។ ចំនួននេះបើគិតជាភាគរយគឺអ្នកជាប់ឃុំប្រមាណជិត៣០% ទទួលបានវ៉ាក់សាំងចំនួន ២ដូសឯ២២% ទៀតទទួលបាន១ដូសនិងរៀបចំចាក់បន្ត។

អគ្គនាយកដ្ឋានពន្ធនាគារកាលពីថ្ងៃទី ៧ ឧសភា ២០២១ បានចាប់ផ្តើមចាក់វ៉ាក់សាំងការពារជំងឺកូវីដ-១៩ ដល់អ្នកជាប់ពន្ធនាគារចំនួន ៣ នៅរាជធានីភ្នំពេញដែលមានអ្នកជាប់ឃុំប្រមាណជាង១ម៉ឺននាក់។

កាលពីខែឧសភាកន្លងទៅ មានអ្នកជាប់ឃុំនៅពន្ធនាគារខេត្តព្រះសីហនុចំនួន ៣៤នាក់ និងនៅពន្ធនាគារព្រៃសក្នុងមណ្ឌលអប់រំកែប្រែទី១(ម១)ចំនួន១៨នាក់ រកឃើញបានឆ្លងជំងឺកូវីដ១៩។

បើតាមអ្នកនាំពាក្យអគ្គនាយកដ្ឋានពន្ធនាគារនៃក្រសួងមហាផ្ទៃ លោក នុត សាវនា ប្រភពចម្លងដំបូងនៅមណ្ឌលអប់រំកែប្រែទី១(ម១)នៃពន្ធនាគារព្រៃសរាជធានីភ្នំពេញ អាចផ្តើមចេញពីកម្មករសំណង់ដែលដឹកសម្ភារៈចូលបរិវេណពន្ធនាគារ ដើម្បីសាងសង់សំណង់ផ្សេងៗ។ ដោយឡែកនៅខេត្តព្រះសីហនុ ករណីឆ្លងក្នុងពន្ធនាគារទំនងបណ្តាលមកពីជនជាតិតៃវ៉ាន់ ដែលជាប់ឃុំពេលកំពុងត្រៀមបញ្ជូនទៅប្រទេសដើមវិញ៕

អត្ថបទ៖ណារី

Related Topics:អគ្គនាយកដ្ឋានពន្ធនាគារ

Up Next

និស្សិតឆ្នើម២រូប ដែលត្រូវបន្តការសិក្សា នៅប្រទេសបារាំង ទទួលបានថវិកាក្នុងម្នាក់ ១ម៉ឺនដុល្លារ

Don't Miss

រកឃើញអ្នកវិជ្ជមានកូវីដ១៩ លើពលករខ្មែរមកពីថៃ ១៦១នាក់ ក្នុងចំណោម៤៤៩នាក់