ព័ត៌មានជាតិ
គិតត្រឹមថ្ងៃនេះ មន្ទីរពេទ្យកុមារអង្គរ បានរកឃើញកុមារវិជ្ជមានកូវីដ ៧នាក់ហើយ
លោកស្រី ស៊ិនកេត អរុណ ប្រធានការិយាល័យទំនាក់ទំនងសាធារណៈប្រចាំកម្ពុជា នៃមន្ទីរពេទ្យកុមារអង្គរ បានមានប្រសាសន៍ប្រាប់កាសែតកម្ពុជាថ្មី ឲ្យដឹងនៅព្រឹកថ្ងៃទី០៥ ខែសីហា ឆ្នាំ២០២១នេះថា គិតមកត្រឹមថ្ងៃនេះ យើងបានរកឃើញ កុមារមានជំងឺកូវីដ ១៩ ចំនួន៧នាក់ហើយ និងត្រូវការសម្រាកព្យាបាលនៅក្នុងមន្ទីរពេទ្យកុមារអង្គរ ក្នុងនោះកុមារ៥នាក់ បានជាសះស្បើយត្រលប់ទៅផ្ទះវិញ និងពីរនាក់ទៀតនៅបន្តសម្រាកព្យាបាលនៅក្នុងបន្ទប់ជំងឺធ្ងន់ និងបន្ទប់ព្យាបាលជំងឺកូវីដ១៩ ដោយសារតែកុមារទាំងពីរមានបញ្ហាសុខភាពមិនរឹងមាំតាំងពីកំណើត។
លោកស្រីបន្តថា ស្ថានភាពបច្ចុប្បន្នរបស់មន្ទីរពេទ្យកុមារអង្គរ គឺនៅតែបន្តបើកទ្វារទទួលពិនិត្យ ព្យាបាល និងថែទាំកុមារ មកពីគ្រប់ទិសទីទាំងស្ថានភាពជំងឺកម្រិតស្រាល រហូតដល់ធ្ងន់ធ្ងរ។ ទោះបីមិនមានបន្ទប់ព្យាបាលជំងឺកូវីដ១៩ ដ៏ធំទូលំទូលាយក៏ដោយក៏មន្ទីរពេទ្យកុមារអង្គរនៅតែសហការជាមួយនឹងរាជរដ្ឋាភិបាលកម្ពុជារួមមានដូចជា អង្គភាព ឬស្ថាប័នសុខាភិបាល និងអជ្ញាធរខេត្ត និងតំបន់ដើម្បីបង្កើនការយកចិត្តទុកដាក់នៅក្នុងកិច្ចការពារ និងទប់ស្កាត់ការឆ្លងរីករាលដាលនៃជំងឺដ៏កាចសាហាវនេះទាំងក្នុង និងក្រៅមន្ទីរពេទ្យដើម្បីធ្វើឲ្យសុខុមាលភាពកុមារកម្ពុជាកាន់តែប្រសើរឡើង។
លោកស្រីបញ្ជាក់ទៀតថា យើងខ្ញុំទាំងអស់គ្នាពីមន្ទីរពេទ្យកុមារអង្គរ សូមគោរពកោតសរសើរ និងថ្លែអំណរគុណយ៉ាងក្រៃលែងចំពោះសប្បុរសជនទាំងអស់ នូវសន្តានចិត្តដ៏ល្អប្រពៃ លះបង់កម្លាំងកាយ ចិត្ត ពេលវេលា និងធនធានថវិកាដើម្បីជួយសម្រាលទុក្ខលំបាកដែលមន្ទីរពេទ្យកុមារអង្គរ កំពុងជួបប្រទះ និងសូមប្រសិទ្ធិពរជ័យឲ្យជួបតែពុទ្ធពរទាំងបួនប្រការ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
សូមបញ្ជាក់ផងដែរថា ជំនួយសប្បុរសធម៌ដែលទទួលបានសម្រាប់កិច្ចការពារ និងព្យាបាលជំងឺកូវីដ ១៩ នៅក្នុងមន្ទីរពេទ្យកុមារអង្គរ មានជាថវិកាចំនួនជាង ៨ម៉ឺនដុល្លារអាមេរិក និងសម្ភារៈបរិក្ខាពេទ្យសរុបជាទឹកប្រាក់ប្រមាណជា ៥ ម៉ឺនដុល្លារអាមេរិកថែមទៀត៕
អត្ថបទ៖ កុសល
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ