ព័ត៌មានជាតិ
លោក ខៀវ សុភ័គ ៖ គ្មានទេ ជំនួបជាមួយអតីតមេដឹកបក្សប្រឆាំង របស់សម្តេចក្រឡា ហោម ស ខេង នៅបារាំង
តាមខ្លឹមសាររបស់លោកសន្តិបណ្ឌិត ខៀវ សុភ័គ អ្នកនាំពាក្យក្រសួងមហាផ្ទៃ បានបញ្ជាក់ថា ដំណើរទៅកាន់ប្រទេសបារាំងរបស់សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ គឺដោយ សារតែមានធុរៈផ្ទាល់ខ្លួន។ ដូច្នេះ គ្មានកម្មវិធីជំនួប ជាមួយអតីតមេដឹកអតីតបក្សប្រឆាំងណា នោះទេ។
ការបញ្ជាក់របស់លោក ខៀវ សុភ័គ រដ្ឋលេខាធិការ និងជាអ្នកនាំពាក្យក្រសួងមហាផ្ទៃ ក្រោយពីឃើញមាន ការផ្សព្វផ្សាយ តាមសារព័ត៌មាន VOD ដែលបានលើកមក ចុះផ្សាយថា «មន្ត្រីអតីតបក្សប្រឆាំងថា ខ្លួនមានគម្រោង ជួបពិគ្រោះយោបល់ក្រៅផ្លូវការ ជាមួយលោក ស ខេង នៅបារាំង»។ លោកសន្តិបណ្ឌិត ខៀវ សុភ័គ បានបដិសេធព័ត៌មាន ដែលចុះផ្សាយនេះ និងបានធ្វើការបញ្ជាក់ថា «ការធ្វើដំណើរ ទៅកាន់ប្រទេសបារាំង របស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ គឺដោយសារធុរៈផ្ទាល់ខ្លួន ហើយគ្មានកម្មវិធីផ្សេងក្រៅពីនេះឡើយ»។
សូមបញ្ជាក់ថា សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នៅថ្ងៃទី២២ ខែសីហា ឆ្នាំ២០២១ បានអញ្ជើញទៅកាន់ប្រទេសបារាំង រយៈពេល២សប្តាហ៍ ដោយសារធុរៈផ្ទាល់ខ្លួន ហើយការអញ្ជើញទៅកាន់ប្រទេសបារាំងនេះ ធ្វើឡើងចាប់ពីថ្ងៃទី២២ ខែសីហា រហូតដល់ថ្ងៃទី៥ ខែកញ្ញា ឆ្នាំ២០ ២១។ ដំណើរទៅកាន់ប្រទេសបារាំងនេះ ដោយទទួលបានការអនុញ្ញាត ដ៏ខ្ពង់ខ្ពស់ពីសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាផងដែរ។
ប៉ុន្តែព័ត៌មាននេះ ត្រូវបានអតីតមេដឹកនាំបក្សប្រឆាំង ដែលកំពុងត្រដរខ្យល់នៅក្រៅប្រទេស ហើយកំពុងស្រេកឃ្លានចង់ចរចា និងចង់ចូលស្រុកវិញនោះ បានបោះពាក្យសម្តីថា ខ្លួនមានគម្រោងជួបពិគ្រោះយោបល់ ជាមួយសម្តេចក្រឡាហោម ស ខេង នៅឯប្រទេសបារាំង ខណៈសម្ដេចកំពុងមានវត្តមាន នៅទីនោះ៕ (ដោយ)៖ កោះកែវ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ