ព័ត៌មានជាតិ
ក្រសួងព្រះបរមរាជវាំងបញ្ជាក់ថា រដ្ឋធម្មនុញ្ញ និងច្បាប់កម្ពុជាមិនមានចែងអំពី ការចាត់តាំងព្រះរជ្ជទាយាទឡើយ
ក្រសួងព្រះបរមរាជវាំងបានចេញសេចក្តីប្រកាសព័ត៌មាន បញ្ជាក់ថា រដ្ឋធម្មនុញ្ញ និងច្បាប់កម្ពុជាមិនមានចែងអំពី ការចាត់តាំងព្រះរជ្ជទាយាទឡើយ បន្ទាប់ពីអត្ថបទកាសែតបរទេសមួយចំនួនបានចុះផ្សាយពាក់ព័ន្ធដល់ព្រះអង្គម្ចាស់រជ្ជទាយាទ “Prince Héritier” នៃព្រះរាជាណាចក្រកម្ពុជាមួយព្រះអង្គបានដាក់ស្នើសុំទិញក្លិបបាល់ទាត់ AS Saint-Etienne របស់ប្រទេសបារាំងក្នុងតម្លៃ ១០០ លានអឺរ៉ូ។
សេចក្តីប្រកាសព័ត៌មានរបស់ក្រសួងព្រះបរមរាជវាំង នៅថ្ងៃទី២០ ខែកញ្ញា ឆ្នាំ២០២១នេះ បានបង្ហាញថា៖ “ក្រសួងព្រះបរមរាជវាំងមានកិត្តិយស សូមជម្រាបជូនសាធារណជនជាតិ-អន្តរជាតិ មេត្តាជ្រាបថា ក្នុងរយៈពេលថ្មីៗនេះមានអត្ថបទកាសែតបរទេសមួយចំនួន បានចុះផ្សាយពាក់ព័ន្ធដល់ព្រះអង្គម្ចាស់រជ្ជទាយាទ “Prince Héritier” នៃព្រះរាជាណាចក្រកម្ពុជាមួយព្រះអង្គ បានដាក់ស្នើសុំទិញក្លិបបាល់ទាត់ AS Saint-Etienne របស់ប្រទេសបារាំងក្នុងតម្លៃ ១០០ លានអឺរ៉ូ”។
សេចក្ដីប្រកាសបានបញ្ជាក់បន្តថា៖ “យោងតាមរដ្ឋធម្មនុញ្ញនៃព្រះរាជាណាចក្រកម្ពុជា និងច្បាប់ស្តីពីការរៀបចំ និងការប្រព្រឹត្តទៅរបស់ក្រុមប្រឹក្សារាជសម្បត្តិនៃព្រះរាជាណាចក្រកម្ពុជាមិនមានចែងអំពី ការចាត់តាំងព្រះរជ្ជទាយាទ “Prince Héritier” ទេ ហើយក៏ពុំមានចែងអំពីស្ថាប័ន ឬបុគ្គលណាមួយមានសិទ្ធិអំណាចចាត់តាំងព្រះរជ្ជទាយាទឡើយ។ សេចក្តីដូចបានជម្រាបជូនខាងលើ សូមសាធារណជនជាតិ-អន្តរជាតិ មេត្តាជ្រាប”។
តាមការផ្សាយដោយសារព័ត៌មានដ៏ល្បីៗដូចជា Le Parisien, Yahoo Sport និង Archysport នៅថ្ងៃអាទិត្យ ទី១៩ ខែកញ្ញា ឆ្នាំ២០២១ បានបញ្ជាក់ថា ព្រះអង្គម្ចាស់ នរោត្តម រ៉ាវីចក្រ បានដាក់សំណើចំនួន ១០០ លានអឺរ៉ូ កាលពីថ្ងៃសុក្រ ដល់ធនាគារ KPMG បញ្ជាក់ពីបំណងធ្វើជាម្ចាស់ក្លិប AS Saint-Etienne ។ ក្រុមប្រឹក្សាភិបាលរបស់ក្លិប Saint-Etienne មិនទាន់មានប្រតិកម្មអ្វីនៅឡើយទេ ហេតុដូច្នេះការពិភាក្សាអាចនឹងចាប់ផ្តើមនៅថ្ងៃខាងមុខឆាប់ៗនេះ។
សារព័ត៌មានបារាំងបានបញ្ជាក់ថា ព្រះអង្គម្ចាស់ នរោត្តម រ៉ាវីចក្រ គឺចៅប្រុសរបស់ព្រះបរមរតនកោដ្ឋ សម្តេចព្រះនរោត្តម សីហនុ ដែលទ្រង់ក៏ស្រឡាញ់ប្រទេសបារាំងដូចជីតាទ្រង់ដែរ ហើយសម្តេចតាគឺជាមិត្តភក្តិផ្ទាល់របស់ឧត្តមសេនីយ៍ដឺហ្គោល៕
អត្ថបទ៖ ណារី
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត