ព័ត៌មានជាតិ
យកសំណាកមនុស្ស ១៤២នាក់ នៅផ្សារក្រមួន ភូមិឬស្សី បន្ទាប់ពីអ្នកជំងឺកូវីដបំប្លែងថ្មី ចូលទៅទិញម្ហូប
បន្ទាប់ពីទទួលព័ត៌មានថា មានអ្នកជំងឺបំប្លែងខ្លួនថ្មីម្នាក់ បានចូលទៅទិញម្ហូប នៅក្នុងផ្សារក្រមួន ភូមិឬស្សី ស្ថិតក្នុងសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ រួចមកក្រុមគ្រូពេទ្យស្ម័គ្រចិត្តសម្តេចតេជោ បានចុះទៅយកសំណាកដល់បងប្អូនអាជីវករភ្លាមៗ។
យោងតាមសេចក្តីរាយការណ៍ពីលោក សេង វ៉ាន់ថា ចៅរងទី១សង្កាត់ស្ទឹងមាន២ បានឲ្យដឹងថា កាលពីវេលាម៉ោង៩និង១៥នាទីព្រឹក ថ្ងៃទី២១ ខែកញ្ញានេះ ក្រុមគ្រូពេទ្យស្ម័គ្រចិត្តសម្តេចតេជោ បានចុះទៅយកសំណាកដល់បងប្អូនអាជីវករ និងអ្នកចូលផ្សារក្រមួន ភូមិឬស្សី សង្កាត់ស្ទឹងមានជ័យ២ បន្ទាប់ពីមានអ្នកកើតជំងឺកូវីដ១៩ បំប្លែងខ្លួនថ្មី បានចូលទៅទិញបន្លែត្រីសាច់ នៅផ្សារក្រមួននេះ។
លោកចៅរង បានបញ្ជាក់ចំពោះការចុះមកយកសំណាក ពីមនុស្សក្នុងផ្សារសរុប១៤២នាក់ ក្នុងនោះមានស្រី១០១ ប្រុស៤១នាក់ ជាលទ្ធផលរកឃើញអ្នកកើតជំងឺកូវីដបំប្លែងខ្លួនថ្មីម្នាក់ ជាស្ត្រីឈ្មោះ ទីម ស្រីមុំ អាយុ៣៧ឆ្នាំ ស្នាក់នៅបន្ទប់ជួលលេខ១២កា ភូមិដំណាក់ធំ២ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ហើយត្រូវបានក្រុមគ្រូពេទ្យដឹកយកទៅព្យាបាលនៅមជ្ឈមណ្ឌលម៉ូឌែន២ភ្លាមៗផងដែរ។
លោក សេង វ៉ាន់ថា បានបញ្ជាក់ថា មុនដំបូងអាជ្ញាធរមានក្តីបារម្ភថា នឹងមានអ្នកឆ្លងជំងឺនេះច្រើន តែទីបំផុតមានតែម្នាក់ ក្នុងចំណោមមនុស្ស១៤២នាក់នេះ គឺដោយសារតែប្រជាពលរដ្ឋយើងបានទទួលការចាក់វ៉ាក់សាំងការពារជំងឺកូវីដ១៩ បានគ្រប់ៗគ្នាទៅហើយនោះ៕
អត្ថបទ៖ នរា
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ១ សប្តាហ៍ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៦ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ១ សប្តាហ៍ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ១ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)