ព័ត៌មានជាតិ
ផ្លូវជាតិលេខ ៥ បាត់ដំបង-សិរីសោភ័ណ ជិះទៅមកលែងស្ទះ បើកឲ្យចរាចរណ៍ ២ ទៅ ២ មក
កំណាត់ផ្លូវជាតិលេខ៥ (បាត់ដំបង-សិរីសោភណ័) ដែលមានប្រវែងជិត ១០០ គីឡូម៉ែត្រ បានបើកឲ្យធ្វើចរាចរពេញលេញនៅថ្ងៃនេះ។ នេះបើតាមលោកព្រួញ រិទ្ធិ ប្រធានមន្ទីរសាធារណការនិងដឹកជញ្ជូនខេត្តបាត់ដំបងបានប្រាប់កម្ពុជាថ្មីតាមទូរសព្ទនៅមុននេះ។
បើតាមលោកព្រួញ រិទ្ធិ កំណាត់ផ្លូវជាតិលេខ ៥ ពីក្រុងបាត់ដំបង ទៅសិរីសោភ័ណខេត្តបន្ទាយមានជ័យ បានបញ្ចប់ការសាងសង់ទាំងស្រុងយ៉ាងរឹងមាំ ក្រោមជំនួញដោយរដ្ឋាភិបាលជប៉ុន។
ប្រធានមន្ទីរសាធាណរការខេត្តបាត់ដំបងបានឲ្យដឹងបន្តថា កន្លងទៅកំណាត់ផ្លូវមួយខ្សែនេះ បើកឲ្យប្រើប្រាស់តែមួយជំហៀងលើគន្លងតែមួយ នាំំឲ្យមានការកកស្ទះ មិនសូវសុវត្ថិភាពសម្រាប់ការធ្វើដំណើរ។ ក្រោយការបើកឲ្យចរាចរណ៍ពេញលេញ នឹងចែកគន្លងគ្នាដាច់ពីរទៅពីរមក មិនអាចជិះបញ្រ្ចាសដូចមុនទៀតបានទេ។
លោក សួស សុភ័ក្រ អ្នកនាំពាក្យរដ្ឋបាលខេត្តបាត់ដំបង បានលើកប្រយោជន៍ពីការដាក់ឲ្យប្រើប្រាស់កំណាត់ផ្លូវជាតិលេខ ៥ បាត់ដំបង សិរីសោភ័ណ នឹងបង្កើតលំហូរទេសចរណ៍និងការដឹកជញ្ជូន ដោយសារផ្លូវនេះមានភាពធំទូលាយងាយស្រួលធ្វើដំណើរ។
លោកបន្តថា ការដាក់ឲ្យដំណើរការកំណាត់ផ្លូវមួយខ្សែនេះ ជាការបើកច្រកសេដ្ឋកិច្ចធំមួយសម្រាប់ប្រទេសកម្ពុជា តភ្ជាប់បណ្តាញដឹកជញ្ជូនជាមួយបណ្តាប្រទេសក្នុងតំបន់។
គម្រោងធ្វើឱ្យប្រសើរឡើងវិញកំណាត់ផ្លូវជាតិលេខ៥ គឺជាគម្រោងក្រោមកម្ចីឥណទាន សម្បទានពីរដ្ឋាភិបាលជប៉ុន តាមរយៈទីភ្នាក់ងារសហប្រតិបត្តិការ អន្តរជាតិជប៉ុនប្រចាំកម្ពុជា ដែលផ្តើមសាងសង់ចេញពីព្រែកក្តាម រហូតដល់ក្រុងប៉ោយប៉ែត ឆ្លងកាត់ខេត្តកណ្តាល កំពង់ឆ្នាំង ពោធិ៍សាត់ បាត់ដំបង និង ខេត្តបន្ទាយមានជ័យ មានប្រវែងសរុប៣៦៦ គីឡូម៉ែត្រ គ្រោងចំណាយថវិកាប្រមាណ ៥០០ លានដុល្លារ អាមេរិក។
ចំពោះការសាងសង់ពង្រីកពី២គន្លងទៅ៤គន្លង មានទទឹងសរុប២៣ម៉ែត្រ ក្រាលដោយកៅស៊ូ AC (Asphalt Concrete) និងមានសួនច្បារកណ្តាល។
ការស្ថាបនាត្រូវបានបែងចែកជាបីផ្នែកធំៗគឺ៖ ភាគខាងជើង ភាគខាង ត្បូង និងភាគកណ្តាល។ ដោយឡែកកំណាត់ផ្លូវជាតិលេខ៥ ភាគខាងជើង (បាត់ដំបង-សិរីសោភ័ណ) មានប្រវែងសរុប ៨៤,៧៤ គីឡូម៉ែត្រ បានបញ្ចប់ការសាងសង់ទាំំងស្រុង នឹងបើកឲ្យប្រើប្រាស់ពេញលេញនៅថ្ងៃនេះ។
អត្ថបទ៖ ប៊ុណ្ណារ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ