ព័ត៌មានជាតិ

ទីធ្លាស្នាក់ការ គណបក្សប្រជាជនកម្ពុជា ខេត្តតាកែវត្រូវបានរៀបចំកែលំអថ្មី

បានផុស

៥ years មុន

នៅ

ថ្ងៃសុក្រ ២៩ តុលា ២០២១

ដោយ

អគារស្នាក់ការធំគណបក្សប្រជាជនកម្ពុជាខេត្តតាកែវ ត្រូវបានរៀបចំកែលំអឲ្យមានសោភ័ណភាពថ្មី ដោយបានរៀបឥដ្ឋការូឡានៃបរិវេណអគារ ដែលនឹងត្រូវចំណាយថវិកាប្រមាណជាង៨០លានរៀល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចុងខែតុលា ឆ្នាំ២០២១នេះ ទីធ្លាមុខអគារស្នាក់ការធំគណបក្សប្រជាជនកម្ពុជាខេត្តតាកែវ ត្រូវបានរៀបចំកែលំអរៀបឥដ្ឋការូឡា ដែលផ្តើមស្ថាបនាដោយ លោក ឡោ ជំនិត អនុប្រធានក្រុមការងារគណបក្សប្រជាជនកម្ពុជាចុះជួយសង្កាត់បារាយណ៍ ក្រុងដូនកែវ។

លោក ឡោ ជំនិត បានសម្តែងសុទិដ្ឋិនិយមថា ក្នុងនាមលោកបានរស់រានដោយសារគណបក្សប្រជាជនកម្ពុជា គោរពស្រឡាញ់ និងដើរតាមមាគារគណបក្សដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខ ដូច្នេះជាការដឹងគុណមានតែខិតខំបម្រើគណបក្សដើម្បីជាការចូលរួមជាមួយថ្នាក់ដឹកនាំខេត្តតាមដែលអាចធ្វើទៅបាន ហើយទីធ្លាស្នាក់ការធំគណបក្សប្រជាជនខេត្តនេះ គឺលោកបានចំណាយថវិការផ្ទាល់ខ្លួនដើម្បីរៀបចំកែលំអ។

លោកបន្ថែមថា ក្រៅពីរៀបឥដ្ឋទីធ្លាមុខអគារ រូបសំណាកឡូគោគណបក្ស និងរបងជុំវិញអគារបក្សក៏នឹងត្រូវលាបថ្នាំថ្មីផងដែរ៕

អត្ថបទ៖ វីរៈ