ព័ត៌មានជាតិ

មន្ទីរសង្គមកិច្ចខេត្តស្វាយរៀង ផ្ដល់របបគោលនយោបាយ រយៈពេល៩ខែក្នុងឆ្នាំ២០២១

បានផុស

៥ years មុន

នៅ

ថ្ងៃព្រហស្បតិ៍ ៤ វិច្ឆិកា ២០២១

ដោយ

គ្រួសារអតីតយុទ្ធជន ជនពិការ កុមារកំព្រា ជនចាស់ជរាគ្មានទីពឹង អតីតមន្ត្រីរាជការចូលនិវត្តន៍កន្លងម កត្រូវបានរាជរដ្ឋាភិបាលកម្ពុជាយកចិត្តទុកដាក់និងផ្ដល់របបគោលនយោបាយ ដើម្បីផ្គត់ផ្គង់ជីវភាពរស់នៅជាប្រចាំ ពីព្រោះអតីតយុទ្ធជនមន្ត្រីចូលនិវត្តន៍ និងជនពិការមួយចំនួនកន្លងមក បានចូលរួមយ៉ាងធំធេង ក្នុងការការពារកសាង និងអភិវឌ្ឍន៍ប្រទេសជាតិមានការរីកចម្រើនមកដល់សព្វថ្ងៃនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៉ែន សុវណ្ណនី ប្រធានមន្ទីរសង្គមកិច្ចអតីតយុទ្ធជន និងយុវនីតិសម្បទាខេត្តស្វាយរៀង បានបញ្ជាក់ឲ្យដឹងថា ក្នុងរយៈពេល៩ខែ ឆ្នាំ២០២១ មន្ទីរសង្គមកិច្ចបានផ្ដល់សេវាជូនអតីតយុទ្ធជន និងមន្ត្រីរាជការចូលនិវត្តន៍ ដោយបានបើកប្រាក់គោលនយោបាយបានទៀងទាត់ពេលវេលាជូនពួកគាត់បានទាំងអស់។ ហើយនៅក្នុងដំណាក់កាលនៃការឆ្លងជំងឺកូវីដ-១៩ មន្ទីរសង្គមកិច្ចអតីតយុទ្ធជន និងយុវនីតិសម្បទាបានទទួលជំនួយពីអង្គការក្រៅរដ្ឋាភិបាលមួយចំនួនរួមមាន អង្គការយូនីសេហ្វ និងអង្គការបានមួយចំនួនទៀត សម្រាប់ផ្ដល់ជូនកុមារនិងស្ត្រីមានផ្ទៃពោះដែលធ្វើចំណាកស្រុក និងទើបវិលត្រឡប់មកពីប្រទេសថៃ ក៏ដូចជាប្រទេសវៀតណាម ហើយកំពុងស្នាក់នៅក្នុងមណ្ឌលចត្តាឡីស័កនានាផងដែរ។

ជាមួយគ្នានេះចំពោះពលរដ្ឋដែលឆ្លងជំងឺកូវីដ-១៩ រាជរដ្ឋាភិបាលក៏បានផ្ដល់ប្រាក់ឧបត្ថម្ភតាមរយៈក្រសួងសង្គមកិច្ចអតីតយុទ្ធជន និងយុវនីតិសម្បទាប្រមាណ ៦២៩លានរៀល និងបានប្រាក់ឧបត្ថម្ភដល់អ្នកស្លាប់ដោយសារជំងឺកូវីដ-១៩ មានចំនួន១១៥ គ្រួសារ។

សូមបញ្ជាក់បន្ថែមថា ចាប់តាំងពីក្រោយថ្ងៃព្រឹត្តិការណ៍២០កុម្ភៈ មកអតីតយុទ្ធជននិងអតីតមន្ត្រីរាជការចូលនិវត្តន៍ក៏មានការឆ្លងជំងឺកូវីដ-១៩ ហើយរដ្ឋបាលខេត្តស្វាយរៀង និងមន្ទីរអង្គភាពពាក់ព័ន្ធមួយចំនួនគាត់បានយកចិត្តទុកដាក់ធ្វើការដោះស្រាយជូនពួកគាត់បានមួយចំនួនហើយដែរ៕