ព័ត៌មានជាតិ
អគារទីស្តីការក្រសួងមហាផ្ទៃថ្មី នឹងរៀបចំពិធីបញ្ចុះបឋមសិលាសាងសង់ នៅថ្ងៃទី១១ វិច្ឆិកាខាងមុខ
មានប្រសាសន៍ ក្នុងពិធីសម្ពោធអាគារទីស្ដីការថ្មី នៃក្រសួងរៀបចំដែនដី នគរូបនីយកម្ម និងសំណង់ នាព្រឹកថ្ងៃទី៨ ខែវិច្ឆិកានេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានឲ្យដឹងថា អគារទីស្ដីការក្រសួងមហាផ្ទៃថ្មី ដែលគ្រោងចំណាយថវិកាប្រមាណ ៦០លានដុល្លារអាមេរិកនោះ នឹងត្រូវរៀបចំពិធីបញ្ចុះបឋមសិលាសាងសង់ នៅថ្ងៃទី១១ ខែវិច្ឆិកា ឆ្នាំ២០២១ ខាងមុខនេះ។
ជាមួយគ្នានេះសម្ដេចតេជោ ហ៊ុន សែន បានឲ្យដឹងដែរថា នៅឆ្នាំ ២០២១នេះ មានទីស្តីការក្រសួងចំនួន ៣ ដែលត្រូវធ្វើពិធីសម្ពោធដាក់ឲ្យប្រើប្រាស់ ដែលរួមមាន៖ ទី១.ក្រសួងសាធារណការ និងដឹកជញ្ជូន ដែលបានសម្ពោធកាលពីថ្ងៃទី២២ ខែមករា ឆ្នាំ ២០២១។ តាមរយៈ ការសម្ភោធក្រសួងសាធារណៈការថ្មីនេះ បានផ្ដល់ឱកាសឲ្យរៀបចំទីស្ដីការក្រសួងសាធារណៈការចាស់ ប្រគល់ទៅក្រសួងរ៉ែ និងថាមពល ហើយយកទីស្ដីការចាស់របស់ក្រសួងរ៉ែ និងថាមពល ប្រគល់ទៅឲ្យគណៈកម្មាធិការជាតិ គ្រប់គ្រងគ្រោះមហន្តរាយ។
ទី២.សម្ភោធដាក់ឲ្យប្រើប្រាស់ ទីស្ដីការក្រសួងរៀបចំដែនដី នគរូបនីយកម្ម និងសំណង់ នៅថ្ងៃទី ៨ ខែវិច្ឆិកានេះ។ សម្តេចតេជោ បានបញ្ជាក់ថា ទីស្ដីការក្រសួងរៀបចំដែនដីចាស់ ប្រគល់ទៅឲ្យក្រសួងអភិវឌ្ឍន៍ជនបទ ហើយទីស្ដីការក្រសួងអភិវឌ្ឍន៍ជនបទចាស់ ប្រគល់ទៅឲ្យមន្ទីររៀបចំដែនដី នគរូបនីយកម្ម និងសំណង់រាជធានីភ្នំពេញ។ ទី៣.នៅថ្ងៃទី ២៩ ខែធ្នូ ឆ្នាំ ២០២១ ខាងមុខនេះ នឹងត្រូវបើកសម្ពោធដាក់ ឲ្យប្រើប្រាស់ក្រសួងការពារជាតិថ្មី។
សម្ដេចតេជោនាយករដ្ឋមន្ត្រី បានឲ្យដឹងដែរថា បើតាមសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅថ្ងៃទី ១១ ខែវិច្ឆិកា ឆ្នាំ ២០២១ខាងមុខនេះ នឹងធ្វើពិធីបញ្ចុះបឋមសិលាសាងសង់ អាគារទីស្តីការក្រសួងមហាផ្ទៃថ្មី ដែលនឹងត្រូវចំណាយថវិកាប្រមាណ ៦០លានដុល្លារអាមេរិក។
សម្ដេចតេជោ ហ៊ុន សែន បានអះអាងថា មកដល់ពេលនេះ គឺជាពេលវេលាមួយ ដែលត្រូវមានកន្លែងធ្វើការងារ ឲ្យបានសមរម្យហើយ។ មានប្រសាសន៍ ទាក់ទងការកសាងអគារក្រសួងថ្មីនេះ សម្ដេចតេជោ នៅតែគាំទ្រគំនិតរបស់សម្តេចគឺ «យកសេះដូរសេះ» ដោយសារតែគ្មានជម្រើស ហើយសម្ដេចនៅតែផ្ដល់ឱកាសឲ្យក្រសួងនានា បានប្ដូរទីស្តីការក្រសួងឲ្យធំទូលាយដែរ៕
អត្ថបទ៖ កោះកែវ
ទេសចរចិនជាង ៤០០ នាក់ជិះរថភ្លើងពីប៉េកាំងមកលេងឡាវ ចាយពេល ១៥ ថ្ងៃ
ជប៉ុន ផ្តល់ថវិកាជិត៤ម៉ឺនដុល្លារ សម្រាប់កែលម្អឧបករណ៍តន្ត្រីបុរាណនៅសាលាមធ្យមវិចិត្រសិល្បៈ
យីហោល្បីៗសម្រុកផ្ដាច់កុងត្រាពាណិជ្ជកម្មគ្មានសល់ ក្រោយ Han So Hee ចម្រូងចម្រាសស្នេហាត្រីកោណ
ឯកឧត្ដម ហ៊ុន ម៉ានី អញ្ជើញបើកវគ្គបណ្ដុះបណ្ដាលស្ដីពី «ភាពជាអ្នកដឹកនាំ និងនវានុវត្តន៍ ជំនាន់ទី ៦»
ថៃ មិនទាន់មានលុយគ្រប់ ៤៧០ លានដុល្លារទិញនាវាមុជទឹក
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ agoនាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង