ព័ត៌មានជាតិ
តម្លៃស្រូវឆ្នាំ២០២១ ប្រសើរជាងឆ្នាំមុន ខណៈការប្រមូលផលស្រូវរដូវវស្សា ក្នុងខេត្តរតនគិរី សម្រេចបានប្រមាណជាង៧០%
រតនគិរី ៖ លោក សយ សូណា ប្រធានមន្ទីរកសិកម្មរុក្ខាប្រម៉ាញ់ និងនេសាទ ខេត្តរតនគិរីបានឲ្យដឹងថា តម្លៃស្រូវ ឆ្នាំ២០២១ ប្រសើរជាងឆ្នាំមុន ខណៈការប្រមូលផលស្រូវ រដូវវស្សា ក្នុងខេត្តរតនគិរីសម្រេចបានប្រមាណជាង៧០%ហើយ។
ការលើកឡើងរបស់ប្រធានមន្ទីរកសិកម្មរុក្ខាប្រម៉ាញ់ និងនេសាទខេត្តរតនគិរី រូបនេះ គឺក្នុងឱកាសលោកអញ្ជើញចុះស្វែងយល់ ពីការប្រមូលផលស្រូវរដូវវស្សារបស់កសិករនៅភូមិម៉ុយ ឃុំញ៉ាង ស្រុកអណ្តូងមាស កាលពីថ្ងៃទី១៤ ខែវិច្ឆិកា ឆ្នាំ២០២១។
លោកបន្តថា នៅទូទាំងខេត្តរតនគិរីនៅរដូវវស្សា ឆ្នាំ២០២១នេះ ខេត្តមានដាំដុះស្រូវស្រែ និងចំការប្រមាណជាង៣ម៉ឺនហិកតា ក្នុងនោះស្រូវចំការ ជាង១ម៉ឺនហិកតា ដែលមកដល់បច្ចុប្បន្ននេះ ការប្រមូលផលបានជាង៧០% ហើយទិន្នផលជាមធ្យម បានជាង២តោន ក្នុង១ហិកតា ដូច្នេះទិន្នផលស្រូវឆ្នាំនេះមានប្រមាណ៦ម៉ឺនតោន ដែលអាចផ្គត់ផ្គងទីផ្សារក្នុងខេត្តបានគ្រប់គ្រាន់ និងឈានដល់ការនាំចេញថែមទៀតផង។ ចំណែកតម្លៃស្រូវគឺក្នុង១គីឡូក្រាម ១,១០០រៀល ទៅ១,២០០រៀល បើប្រៀបធៀបឆ្នាំទៅតម្លៃមានការកើនឡើងបន្តិច។
លោកប្រធានមន្ទីរបន្តថា បច្ចុប្បន្នមានការរីកចម្រើនជាមួយនឹងការកំណត់ នូវគោលនយោបាយកសិកម្មច្បាស់លាស់ ប្រែក្លាយជាវិស័យ នាំមុខមួយ ផ្តល់ថាមពលបន្ថែម ដល់កំណើនសេដ្ឋកិច្ច និងរួមវិភាគទានយ៉ាងសំខាន់ ដល់ការលើកកម្ពស់ជីវភាពប្រជាពលរដ្ឋ ក្នុងខេត្តរតនគិរី ពិសេសកសិករ ក្នុងការបញ្ចូល នូវបច្ចេកវិទ្យាថ្មី នៃការដាំដុះ ការជ្រើសរើស និងប្រើប្រាស់ពូជ ការងារ ក្សេត្រសាស្ត្រ និងការប្រើប្រាស់ជីធម្មជាតិ។
លោក ចាង ជឺយាន ជាកសិករ១រូបនៅភូមិ ម៉ុយ ឃុំញ៉ាង ស្រុកអណ្តូងមាស ដែលបានដាំដុះស្រូវលើផ្ទៃដីប្រមាណ ២៥៧ហិកតា បានរៀបរាប់ដោយក្តីសប្បាយរីករាយថាផលស្រូវរបស់លោកឆ្នាំនេះបានល្អប្រសើរដោយសារអំណោយទឹកភ្លៀងគ្រប់គ្រាន់។
លោកថា ដោយសារប្រទេសជាតិមានសុខសន្តិភាព និងមានការអភិវឌ្ឍន៍លើគ្រប់វិស័យក្នុងនោះវិស័យកសិកម្ម ក៏មានការវិវឌ្ឍទៅតាមហ្នឹងដែរ ពោលគឺបច្ចុប្បន្នប្រជាកសិករបានប្រកបរបរកសិកម្មតាមបែបទំនើបស្ទើរគ្រប់ៗគ្រួសារអស់ហើយជាក់ស្តែងក្នុងផ្ទៃដីស្រែ២៧៥របស់លោក គឺប្រើប្រាស់ឧបករណ៍ទំនើបទាំងអស់ក្នុងការផលិត។ហើយគិតជាមធ្យមក្នុងផ្ទៃដីស្រែចំនួន២៥៧ហិកតានេះ លោកប្រមូលផលស្រូវបានចំនួនពី៥៥០ ទៅ៦០០តោន ក្នុងមួយឆ្នាំ។
គួរបញ្ជាក់ផងដែរថា រយៈពេលប៉ុន្មានឆ្នាំចុងក្រោយនេះ ផ្ទៃដីបង្កបង្កើនផលក្នុងខេត្តរតនគិរី ពី១ឆ្នាំទៅ១ឆ្នាំ កាន់តែត្រូវបានពង្រីក និងបង្កើនរដូវដាំដុះ កត្តានេះបាន ធ្វើឲ្យបរិមាណផលិតផល មានការកើនឡើងជាបន្តបន្ទាប់ ធានាបានសន្តិសុខស្បៀង បង្កើនបានការនាំចេញកសិផល ដែលនេះបានបញ្ជាក់ឲ្យឃើញពី កាលានុវត្តនភាពថ្មីមួយទៀត សម្រាប់ជំរុញកំណើន សេដ្ឋកិច្ច របស់ខេត្ត បើទោះបីជួបនឹងវិបត្តិនៃការរាតត្បាតជំងឺកូវីដ-១៩ក្តី តែរដ្ឋបាលខេត្ត បានចាត់ទុកវិស័យកសិកម្ម ជាមុខព្រួញសំខាន់ ក្នុងការទ្រទ្រង់សេដ្ឋកិច្ចជាតិ និងជួយលើកស្ទួយគ្រួសារ ក្នុងកាលៈទេសៈដែលប្រជាពលរដ្ឋ បាននឹងកំពុងរងគ្រោះដោយសារវិបត្តិ នៃការរាតត្បាតពីជំងឺកូវីត-១៩៕
ដោយ ៖ វុទ្ធឦសាន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១០ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)