ប៉ូលិសចរាចរណ៍មមាញឹក និងការងារ បន្ទាប់ពីបើកប្រទេសឡើងវិញ

ក្នុងអំឡុងពេលដែលប្រមុខរាជរដ្ឋាភិបាលសម្តេចតេជោ ហ៊ុន សែន បានសម្រេចឲ្យបើកអាជីវកម្មទូទាំងប្រទេសលើកលែងតែអាជីវកម្មមួយចំនួនដែលងាយនឹងឆ្លងជំងឺកូវីដ១៩នោះ ឃើញថា កម្លាំងនគរបាលចរាចរណ៍បែជាសម្បូរការងារធ្វើខ្លាំងណាស់។

បើពិនិត្យទៅលើទឹកដីខណ្ឌច្បារអំពៅ រាជធានីភ្នំពេញវិញគឺនៅមុខអធិការដ្ឋាននគរបាលខណ្ឌ គឺគេឃើញរថយន្តបង្កការគ្រោះថ្នាក់ ត្រូវបាននគរបាលនាំយកមកដោះស្រាយតាមផ្លូវច្បាប់ សុទ្ធសឹងតែកំពិតមុខដែលភាគច្រើនអ្នកបើកបរពុំបានគោរពច្បាប់ចរាចរណ៍ទើបបង្កឲ្យមានគ្រោះថ្នាក់បែបនេះ រួមនិងការបើកបរមានជាតិស្រវឹង។

ទាក់ទិនទៅនិងករណីគ្រោះថ្នាក់ចរាចរណ៍ខាងលើនេះលោក វរសេនីយ៍ទោ ឯក សារ៉ន អធិការរងនគរបាលខណ្ឌច្បារអំពៅទទួលបន្ទុកសណ្តាប់ធ្នាប់ចរាចរណ៍បានប្រាប់កម្ពុជាថ្មីចាប់តាំងពីបើកប្រទេសមកគឺពិតជាមានករណីគ្រោះថ្នាក់ចរាចរណ៍ញឹកញាប់ណាស់ពិសេសគឺផ្លូវថៃហ្គឺរ៍(ផ្លូវជាតិលេខ២)ដែលគ្រោះថ្នាក់លើកំណាត់ផ្លូវបណ្តាលឲ្យជនរងគ្រោះត្រូវស្លាប់មិនក្រោម៨នាក់ឡើយ។

ដូច្នេះសំណូមពររបស់សមត្ថកិច្ចគឺសុំឲ្យអ្នកបើកបរទាំងអស់បើដឹងថាខ្លួនមានពិសារជាតិស្រវឹងសូមកុំបើកបរព្រោះងាយនិងគ្រោះថ្នាក់ណាស់៕

អត្ថបទៈ នរា