ព័ត៌មានជាតិ

ជនអន្តោប្រវេសន៍ថៃ១០៣នាក់ ដែលបញ្ជូនទៅប្រទេសវិញ រកឃើញ៣៤នាក់វិជ្ជមានកូវីដ

បានផុស

៣ years មុន

នៅ

ថ្ងៃពុធ ២៤ វិច្ឆិកា ២០២១

ដោយ

ជនអន្តោប្រវេសន៍ថៃ១០៣នាក់ ត្រូវបានប្រគល់ទៅកាន់ប្រទេសខ្លួនវិញនៅច្រកទ្វារអន្តជាតិប៉ោយប៉ែត នារសៀលថ្ងៃទី២៤ ខែវិច្ឆិកា ឆ្នាំ២០២១។ ក្នុងចំណោមជនអន្តោប្រវេសន៍ថៃទាំង១០៣នាក់ មាន៣៤នាក់រកឃើញវិជ្ជមានកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រគល់ជនអន្តោប្រវេសន៍ចំនួន១០៣នាក់នេះបានធ្វើឡើងនៅវេលាម៉ោង២និង១០នាទី ថ្ងៃទី២៥ ខែវិច្ឆិកា ឆ្នាំ២០២១ ពីសំណាក់មន្ត្រីក្រងរាជអាវុធហត្ថលើផ្ទៃប្រទេស រួមជាមួយមន្ត្រីប៉ូលិសអន្តោប្រវេសន៍ច្រកទ្វារអន្តរជាតិប៉ោយប៉ែត បានប្រគល់ជនអន្តោប្រវេសន៍ថៃខុសច្បាប់ដែលប្រមូលមកពីបណ្ដាខេត្តនានានៅក្នុងប្រទេសកម្ពុជា ឱ្យអាជ្ញាធរថៃវីញ ក្រោមអធិបតីភាពរបស់លោកឧត្តមសេនីយ៍ទោ ជា អេងយ៉ុង មេបញ្ជាការងរាជអាវុធហត្ថលើផ្ទៃប្រទេស ។

នៅក្នុងពិធីនេះ មន្ត្រីកងរាជអាវុធហត្ថបានបញ្ជាក់ថា ក្នុងចំណោមជនជនអន្តោប្រវេសន៍ថៃដែលមានចំនួន ១០៤នាក់នោះ គឺមានចំនួន ៣៤នាក់វិជ្ជមានកូវីដ១៩ ក្នុងនោះមានស្រីចំនួន១២នាក។ លោកបានបន្តថា កម្លាំងកងរាជអាវុធហត្ថបានប្រមូលជនអន្តោប្រវេសន៍ថៃតាមបណ្ដាខេត្តនានានៅក្នុងប្រទេសកម្ពុជា ហើយយកមកទុកមួយកន្លែងនៅឯខេត្តពោធិ៍សាត់ ហើយថ្ងៃនេះ បានធ្វើពីធីប្រគល់ទៅឲ្យអាជ្ញាធរថៃវិញតែម្តង៕

អត្ថបទ៖ ពៅរី