Connect with us

ព័ត៌មានជាតិ

កម្ពុជា ទទួលបានចំណូលពីផលនេសាទ​ជាង ១៧០០លានដុល្លារឆ្នាំ២០២១ ថយចុះជាងឆ្នាំមុន

បានផុស

នៅ

យោងតាមរបាយការណ៍របស់រដ្ឋបាលជលផលបានឱ្យដឹងថា ក្នុងឆ្នាំ២០២១ រដ្ឋបាលជលផលទទួលបានផលនេសាទសរុបចំនួន ៨៥៦ ៤០០តោន ក្នុងនោះ ផលនេសាទទឹកសាបសម្រេចបានចំនួន ៣៨៣ ០៥០តោន សមុទ្រចំនួន ១២៥០០០តោន និងផលវារីវប្បកម្មសម្រេចបានចំនួន ៣៤៨ ៣៥០តោនដែលគិតសរុបជាប្រាក់ស្មើនឹង ១៧១២ ៨០០ ០០០ដុល្លារអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍នេះត្រូវបានបង្ហាញនៅក្នុងពិធីបិទកិច្ចប្រជុំបូកសរុបការងារវិស័យជលផលប្រចាំឆ្នាំ២០២១ និងលើកទិសដៅអនុវត្តបន្តឆ្នាំ២០២២ កាលពីរសៀលថ្ងៃទី២៤ ខែមករា ក្រោមអធិបតីភាពលោក វេង សាខុន រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ។ ចំនួននេះបើធៀបទៅនឹងឆ្នាំ២០២០ កន្លងទៅ ឃើញថា មានការថយចុះគួរឱ្យកត់សម្គាល់។ ក្នុងនោះនៅឆ្នាំ ២០២០ ផលិតផលជលផលសរុបមានចំនួន ៩៣ម៉ឺនតោន ផលិតផលទឹកសាប មានចំនួន ៤១ម៉ឺនតោន ផលិតផលសមុទ្រ មានចំនួន១២ម៉ឺនតោន និងផលិតផលវារីវប្បកម្មចំនួន ៤០ម៉ឺនតោន។

ជាមួយគ្នានេះតម្លៃប៉ាន់ស្មានសរុបនៃផលិតផលនេសាទទឹកសាប និងសមុទ្រមានចំនួនជាង ១ពាន់លានដុល្លារអាមេរិក និងផលិតផលវារីវប្បកម្មចំនួនជាង ៨០០លានដុល្លារអាមេរិក។

របាយករណ៍ដដែលបានបន្តថា ឆ្នាំ២០២១ កម្ពុជាបាននាំចេញផលិតផលនេសាទបានចំនួន ៣ ៤៦៩តោន មានការថយចុះខណៈឆ្នាំ២០២០នេះ កម្ពុជានាំចេញក្នុងបរិមាណសរុប ៣៥៩០តោន ។

លោក វេង សាខុន បានណែនាំដល់រដ្ឋបាលជលផលសិក្សាអំពីការពង្រីកទីតាំងធ្វើវារីវប្បកម្មទាំងទឹកសាប និងសមុទ្រដោយធ្វើការកៀរគរ និងសហការជាមួយវិស័យឯកជនទាំងក្នុង និងក្រៅប្រទេស -សិក្សាពីលទ្ធភាពស្តារបឹងទន្លេឆ្មា ដើម្បីធ្វើវារីវប្បកម្មឬហ៊ុំព័ទ្ធជាកន្លែងអភិរក្សពូជត្រីរបស់ជាតិ។

ទមម្ទឹមនឹងនេះ លោករដ្ឋមន្ត្រីបានជំរុញការស្រាវជ្រាវពូជត្រីទាំងត្រីទឹកសាប និងទឹកប្រៃនៅតាមគ្រប់ស្ថានីយ និងមជ្ឈមណ្ឌលស្រាវជ្រាវបង្កាត់ពូជត្រីរបស់រដ្ឋ ឯកជន ត្រូវបន្តជំរុញ គាំទ្រ និងលើកទឹកចិត្តឲ្យវារីវប្បករចងក្រងបណ្តាញឬបណ្តុំវារីវប្បកម្ម ដើម្បីធានាបាននូវបរិមាណផ្គត់ផ្គង់ គុណភាព ទីផ្សារ តម្លៃនិងឥណទាន៕ អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម