ព័ត៌មានជាតិ
ប្រធានគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ ជួបពិភាក្សាការងារ ដើម្បីកសាងភាពជឿទុកចិត្តគ្នា
លោកឧត្តមសេនីយ៍ឯក ពៅ ហេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៤ និងជាប្រធានគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ បានជួបពិភាក្សាការងារ ជាមួយលោកឧត្តមសេនីយ៍ទោ សវៈរ៉ាត សែងផុន មេបញ្ជាការយោធភូមិភាគទី២ កងទ័ពភូមិន្ទថៃ ប្រធានគណៈកម្មាធិការ ថ្នាក់យោធភូមិភាគថៃ-កម្ពុជា។ ជំនួបនេះ បានធ្វើឡើងនៅច្រកជាំសាង៉ាំ កាលពីព្រឹកថ្ងៃទី២៦ ខែមករា ឆ្នាំ២០២២។
នៅក្នុងជំនួបនេះ លោកឧត្តមសេនីយ៍ឯក ពៅ ហេង បានលើកឡើងថា កិច្ចពិភាក្សានេះ ធ្វើឡើងដើម្បីរឹតចំណងមិត្តភាព សាមគ្គីភាព បង្កើនភាពស្និទ្ធស្នាល ពង្រឹងពង្រីកកិច្ចសហការល្អលើគ្រប់វិស័យ សន្តិសុខ ស្ថេរភាព និងការអភិវឌ្ឍ តំបន់ព្រំដែន នៃយោធភូមិភាគទាំងពីរ ដើម្បីលើកស្ទួយជីវភាពរស់នៅរបស់ប្រជាពលរដ្ឋនៃប្រទេសទាំងពីរ ហើយក៏ដើម្បីកសាងភាពជឿជាក់ទុកចិត្តគ្នាទៅវិញទៅមក សហការផ្តល់ព័ត៌មានរវាងគ្នា និងគ្នា និងរួមគ្នាដោះស្រាយបញ្ហានានា តាមរយៈយន្តការ និងកិច្ចចរចារដោយសន្តិវិធី។
បើតាមលោកឧត្តមសេនីយ៍ឯក ពៅ ហេង យោធភូមិភាគទី៤ នឹងស្នើសុំគោលការណ៍ថ្នាក់លើ ដើម្បីរៀបចំកិច្ចប្រជុំគណៈកម្មាធិការព្រំដែន ថ្នាក់យោធភូមិភាគកម្ពុជា-ថៃ លើកទី២៣ នៅខែឧសភា ឆ្នាំ២០២២ ខាងមុខ ប្រសិនបើសភាពការណ៍កូវីដ-១៩ អំណោយផល។ លោកមេបញ្ជាការរូបនេះ អះអាងថា កងកម្លាំងនៃប្រទេសទាំងពីរ នឹងរួមសហប្រតិបត្តិការក្នុងការទប់ស្កាត់ការឆ្លងដែនខុសច្បាប់ និងការការពារបង្ការរោគត្បាតកូវីដ-១៩ ហើយលោក បានថ្លែងអំណរគុណចំពោះភាគីថៃ ដែលបានបង្កលក្ខណៈសម្របសម្រួល និងផ្តល់កិច្ចសហប្រតិបត្តិការក្នុងការធ្វើមាតុភូមិនិវត្តន៍របស់ពលករ ក៏ដូចជាប្រជាពលរដ្ឋខ្មែរ និងការបញ្ជូនអ្នកជំងឺសង្គ្រោះបន្ទាន់ទៅប្រទេសថៃ៕
អត្ថបទ ៖ កោះកែវ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង