Connect with us

ព័ត៌មានជាតិ

សកម្មភាពការងារ របស់ក្រសួងទំនាក់ទំនង ជាមួយរដ្ឋសភា-ព្រឹទ្ធសភា នៅតែមានវឌ្ឍនភាពល្អប្រសើរ

បានផុស

នៅ

លោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនង ជាមួយរដ្ឋសភា-ព្រឹទ្ធសភា និងអធិការកិច្ច បានថ្លែងថា ទោះជាយើងជួបនឹងព្រឹត្តិការណ៍សហគមន៍ ២០កុម្ភ: នៃកូវីដ-១៩ក៏ដោយ ក៏សកម្មភាពការងារ របស់ថ្នាក់ដឹកនាំ និងមន្ត្រីក្រសួងនាឆ្នាំ ២០២១ បានសម្រេចនូវវឌ្ឍនភាពគួរជាទីរំពឹងទុក សម្រាប់អនុវត្តន៍បន្តនាឆ្នាំ ២០២២ ក្រោមកិច្ចសហការគ្នាយ៉ាងល្អ ក្នុងការបំពេញការងារដដែល។

លោកជំទាវ ម៉ែន សំអន ថ្លែងបែបនេះ នៅក្នុងពិធីបិទសន្និបាតបូកសរុប លទ្ធផលការងារឆ្នាំ ២០២១ និងទិសដៅការងារសម្រាប់អនុវត្តឆ្នាំ ២០២២ ពិធីបិទសន្និបាតបូកសរុបលទ្ធផលការងារឆ្នាំ ២០២១ និងទិសដៅការងារសម្រាប់អនុវត្តឆ្នាំ ២០២២ របស់ក្រសួងទំនាក់ទំនង ជាមួយរដ្ឋសភា-ព្រឹទ្ធសភា និង អធិការកិច្ចនាឆ្នាំនេះ បានធ្វើឡើងនារសៀលថ្ងៃទី ៧ ខែកុម្ភៈ ឆ្នាំ ២០២២ នៅសណ្ឋាគារសុខាភ្នំពេញ រាជធានីភ្នំពេញ។

ទន្ទឹមនឹងការដាក់ចេញ នូវផែនសកម្មភាពការងារអនុវត្តន៍ឆ្នាំ ២០២២ ឲ្យបានជោគជ័យជូនរាជរដ្ឋាភិបាល និងបម្រើប្រជាជនដោយស្មោះត្រង់ លោកជំទាវ ម៉ែន សំអន បានផ្តល់នូវអានុសាសន៍ចំនួន ១០ចំណុច បន្ថែមដើម្បីអនុវត្តឲ្យកាន់តែមានប្រសិទ្ធិភាព ១០ចំណុចសំខាន់ៗ រួមមាន៖  

ទី១. ត្រូវអនុវត្តអនុក្រឹត្យលេខ ១៦៨ អនក្រ.បក ចុះថ្ងៃទី ៨ ខែតុលា ឆ្នាំ ២០២០ ស្តីពី ក្របខ័ណ្ឌមុខងាររបស់សវនកម្មផ្ទៃក្នុង និងអធិការកិច្ច ដែលតម្រូវឲ្យក្រសួងយើងផ្អែកលើអភិក្រម។

ទី២. ក្នុងពេលបំពេញបេសកកម្ម ចុះធ្វើអធិការកិច្ចមន្ត្រី ឬភ្នាក់ងារអធិការកិច្ច ត្រូវគោរពឲ្យបានខ្ជាប់ខ្ជួន និងម៉ឺងម៉ាត់ ទៅតាមក្រមសីលធម៌មន្ត្រីរាជការអធិការកិច្ច ដែលបានដាក់ចេញរួចហើយ តាមប្រកាសលេខ ០៧៨ ចុះថ្ងៃទី ២០ ខែមិថុនា ឆ្នាំ២០០៨។

ទី៣. ពង្រឹងវិន័យការងារ ដោយត្រូវវត្តមានឲ្យបានជាប់ជាប្រចាំ និងបន្តបំពេញការងារជាធម្មតា ដោយត្រូវតាមដានព័ត៌មាន និងស្រាវជ្រាវឯកសារ គោលនយោបាយ លិខិតបទដ្ឋានគតិយុត្តិនានា ដែលពាក់ព័ន្ធនឹងការងារក្រសួង ដើម្បីពង្រឹងសមត្ថភាព រួមទាំងការគ្រប់គ្រងផ្នែករដ្ឋបាល ហិរញ្ញវត្ថុ សវនកម្ម និងបុគ្គលិក ដើម្បីបង្កើនសមត្ថភាពជំនាញ ទៅតាមតួនាទីរៀងៗខ្លួន។ ត្រូវអនុវត្តឲ្យបានល្អ តាមអភិក្រមទាំងប្រាំ របស់សម្តេចតេជោនាយករដ្ឋមន្ត្រីគឺ៖ “ឆ្លុះកញ្ចក់ ងូតទឹក ដុសក្អែល ព្យាបាល និងវះកាត់” និងបាវនា ២គឺ “កែទម្រង់ខាងក្នុង និងបង្កើតមិត្តខាងក្រៅ ក្នុងស្មារតីឯករាជ្យ”។

ទី៤. ដោយសារការផ្សព្វផ្សាយច្បាប់ ជាតម្រូវការចាំបាច់ ក្រុមការងារក្រសួងត្រូវបន្តការអប់រំ និងផ្សព្វ​ផ្សាយច្បាប់ឲ្យបានទូលំទូលាយគ្រប់ ២៥ រាជធានី-ខេត្ត ជាពិសេសទៅតាមទីប្រជុំជន និងជនបទដាច់ស្រយ៉ាល។

ទី៥. ត្រូវបន្តជំរុញការឆ្លងសេចក្តីព្រាងច្បាប់អធិការកិច្ច ដែលក្រសួងបានតាក់តែងរួច ដោយបន្តសម្របសម្រួលជាមួយក្រសួង ស្ថាប័នពាក់ព័ន្ធ ដើម្បីឲ្យច្បាប់នេះត្រូវបានអនុម័ត។

ទី៦. ត្រូវអនុវត្តបន្តនូវកម្មវិធី ទទួលពាក្យបណ្តឹងអនឡាញ និងជំរុញបណ្ណាល័យអេឡិចត្រូនិក (e-Library) ដែលតាមរយៈកម្មវិធីទាំងនោះ ប្រជាពលរដ្ឋ អាចដាក់ពាក្យបណ្តឹង និងអាចមើលឯកសារច្បាប់ និងលិខិតបទដ្ឋានគតិយុត្តិនានាតាមកុំព្យូទ័រ និងទូរស័ព្ទដៃបានយ៉ាងងាយស្រួល។

ទី៧. វិទ្យាស្ថានជាតិអធិការកិច្ច ត្រូវពង្រឹងគុណភាពបណ្តុះបណ្តាល ជាពិសេសពង្រឹងសមត្ថភាពគ្រូ និងបណ្តុះបណ្តាលមុខជំនាញផ្សេងបន្ថែម ក្រៅពីអធិការកិច្ច ដូចជា៖ ជំនាញអប់រំផ្សព្វផ្សាយច្បាប់  ជំនាញការសិក្សាស្រាវជ្រាវ ជំនាញវាយតម្លៃ ជំនាញផ្នែកស្ទាបស្ទង់មតិ និងជំនាញផ្សេងៗទៀត ដែលជាតម្រូវការចំាំបាច់របស់ក្រសួង។

ទី៨. ត្រូវបន្តធ្វើការកែទម្រង់ផ្ទៃក្នុងក្រសួងជាបណ្តើរៗ ជាពិសេសពង្រឹងសមត្ថភាពអង្គភាពថវិកា ដើម្បីត្រៀមអនុវត្តថវិកាកម្មវិធីពេញលេញ និងអនុវត្តប្រព័ន្ធបច្ចេកវិទ្យាព័ត៌មាន សម្រាប់ការគ្រប់គ្រងហិរញ្ញវត្ថុ (FMIS) ដើម្បីពង្រឹងការគ្រប់គ្រងហិរញ្ញវត្ថុសាធារណៈ។

ទី៩. ទោះជាមានស្ថាប័នច្រើន មានភារកិច្ចស្រដៀងគ្នា ឬត្រួតគ្នាក៏ដោយ យើងត្រូវតែពន្យល់ពីសារៈសំខាន់នៃការងារអធិការកិច្ច ដែលជាស្ថាប័នត្រួតពិនិ្យ ជម្រុញអភិបាលកិច្ចនិងប្រសិទ្ធភាពការងារ ដល់ស្ថាប័នផ្សេងៗទៀតឱ្យយល់ និងត្រូវកែទស្សនៈដែលខុសឆ្គងពី “ការងារត្រួតគ្នា“ ទៅជា “ការងារបំពេញ​បន្ថែមគ្នាទៅវិញទៅមក” ដើម្បីបុព្វហេតុអភិបាលកិច្ចល្អ និងការប្រយុទ្ធប្រឆាំងនឹងអំពើពុករលួយ របស់រាជរដ្ឋាភិបាលតែមួយ។

ទី១០. មន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចនៅរាជធានី-ខេត្ត ពង្រឹងកិច្ច សហការ និងទំនាក់ទំនងឲ្យបានល្អ ជាមួយរដ្ឋបាលរាជធានី ខេត្ត ដើម្បីរួមគ្នាបំពេញការងារជាក្រុម ជាពិសេសការដោះស្រាយពាក្យបណ្តឹង និងការចូលរួមជាមួយស្ថាប័នពាក់ព័ន្ធ ចុះត្រួតពិនិត្យ និងទប់ស្កាត់ការកាប់ព្រៃ និងទន្រ្ទានយកដីរដ្ឋ ជាពិសេសនៅតំបន់មាត់បឹងទន្លសាប៕

អត្ថបទ៖ វិមាន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១២ នាទី មុន

អ្នកឧកញ៉ា ឡេង ណា​វ្រ៉ា​តា ពន្យល់​សង្កត់ធ្ងន់ៗ​ទៅ​លោក តាំង សា​រ៉ា​ដា នៅ​កាសែត The Cambodia Daily ពី​ការចោទប្រកាន់​គ្មាន​មូលដ្ឋាន​ដោយ​គ្រាន់តែ​ចង់​កេង​ចំណេញ​នយោបាយ

កីឡា៤០ នាទី មុន

សម្ដេចពិជ័យសេនា ទៀ បាញ់ ៖ សុបិន​៦៤​ឆ្នាំ​របស់​កម្ពុជា នៃ​ព្រឹត្តិការណ៍​ស៊ី​ហ្គេម​-​អាស៊ាន​ប៉ា​រ៉ា​ហ្គេម​ដ៏​អស្ចារ្យ​នឹង​ក្លាយជា​ការពិត​

ព័ត៌មានជាតិ១ ម៉ោង មុន

ឈប់ឆ្ងល់! អាកាសធាតុប្រែប្រួល ក្ដៅ ត្រជាក់ មិនទៀងទាត់ ​មន្ត្រីជំនាញពន្យល់មូលហេតុមួយចំនួន​

ព័ត៌មានជាតិ២ ម៉ោង មុន

ចាងហ្វាង TVFB និងលោក សុវណ្ណ រិទ្ធី ទៅជួបមន្ត្រីជាន់ខ្ពស់ក្រសួងព័ត៌មាន ដោយស្នើសុំឲ្យជួយនាំពាក្យអភ័យទោស

ព័ត៌មានជាតិ២ ម៉ោង មុន

រដ្ឋមន្ត្រីមហាផ្ទៃ ក្រើនរំលឹកសមា​គមគ្រូបង្រៀនកម្ពុជាឯករាជ្យ ត្រូវធ្វើសកម្មភាពឲ្យបានត្រឹមត្រូវតាមលក្ខន្តិកៈ និងបទប្បញ្ញត្តិនៃច្បាប់

Sokha Hotels

ព័ត៌មានពេញនិយម