Connect with us

ព័ត៌មានជាតិ

តុលាការ​កោះហៅ​អភិបាលស្រុក​ព្រះនេត្រព្រះ​ និងមេឃុំមួយរូប​ មកបំភ្លឺ​ករណី​ទន្ទ្រានដីព្រៃលិចទឹក

បានផុស

នៅ

ព្រះរាជអាជ្ញា នៃអយ្យការអមសាលាដំបូងខេត្តបន្ទាយមានជ័យ បានកោះហៅ អភិបាលស្រុកព្រះនេត្រព្រះ លោក ឃូ ពៅ និងមេឃុំប្រាសាទ លោក មាស ហ៊ឹក ឱ្យចូលបំភ្លឺពាក់ព័ន្ធ នឹងការឈូសឆាយទន្ទ្រានដីព្រៃលិចទឹកក្នុងតំបន់ ៣ ស្ថិតក្នុងសាស្ត្រ ឃុំប្រាសាទ និងឃុំភ្នំលាភ ស្រុកព្រះនេត្រព្រះ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ផងដែរថាកន្លងមកដីរដ្ឋដែលមានទំហំ ៦០ហិកតា ស្ថិតក្នុងភូមិកំបោរ ឃុំភ្នំលៀបនិង ឃុំប្រាសាទ ស្រុកព្រះនេត្រព្រះ ត្រូវបានក្រុមមនុស្ស១ក្រុម ឃុបឃិតគ្នាឈូសឆាយយកលក់​ជាលក្ខណៈប្រព័ន្ធ ក្នុងនោះមាន អភិបាលស្រុក មេឃុំភ្នំលាភ ក្រុមប្រឹក្សាឃុំ។

ថ្មីៗនេះសមត្ថកិច្ចជំនាញបានចុះស៊ើបអង្កេតនៅចំណុច ភូមិសាស្ត្រ ឃុំភ្នំលៀបនិង ឃុំប្រាសាទ ស្រុកព្រះនេត្រព្រះ ដោយបាន រកឃើញពួកឈ្មួញឈូសឆាយដីក្នុងនោះមានឈ្មោះលោក អែម ណុយ មេឃុំភ្នំលាភ លួចដុតកាប់រុករានដុតទន្ទ្រាន ឈូសឆាយ ហ៊ុំព័ទ្ធយកដីរដ្ឋធ្វើជាកម្មសិទ្ធិខុសច្បាប់ ហើយធ្វើស្រែប្រាំង ស្រែវស្សាជួលឲ្យគេធ្វើខ្លះ ជាប្រព័ន្ធ ក្នុងតំបន់៣មានចំនួន ៦០ហិកតា។

ក្រោយពីសមត្ថកិច្ចជំនាញរកឃើញហើយ នៅថ្ងៃទី ២០ ខែធ្នូ ឆ្នាំ២០២១ សាលាដំបូង ខេត្តបន្ទាយមានជ័យ បានសម្រេចឃុំខ្លួន លោក អែម ណុយ បណ្តោះអាសន្ន ក្នុងពន្ធនាគារ ខេត្តបន្ទាយមានជ័យហើយ ចោទពីបទ កាប់ឆ្ការគាស់រាន ឈូសឆាយហ៊ុំព័ទ្ធកាន់ កាប់ ដីព្រៃលិចទឹករបស់រដ្ឋលក់ជាប្រព័ន្ធ ក្នុងសំណុំរឿងព្រហ្មទណ្ឌ លេខ ១១៦៩ ចុះថ្ងៃទី ១៩ ខែ ធ្នូ ឆ្នាំ២០២១ របស់សាលាដំបូងខេត្តបន្ទាយមានជ័យ។

ជាប់ពាក់ព័ន្ធនិងព្រៃលិចទឹកយកដីរដ្ឋក្នុង តំបន់៣ ចំពោះ លោកអភិបាលស្រុក ក្រុមប្រឹក្សាឃុំ ដែលពាក់ព័ន្ធនិងដីរដ្ឋនោះដែរនៅកំពុងតាមដានបន្ត។
សំណុំរឿងល្មើសដែលលោក អែម ណុយ មេឃុំភ្នំលាភបានកាប់ទន្ទ្រានយកដីរបស់រដ្ឋដែលមានទំហំ ៦០ហិកតា ធ្វើជាកម្មសិទ្ធិ លក់ឲ្យគេនោះមានចុះហត្ថាលេខា របស់មេឃុំ អែមណុយ មេឃុំភ្នំលាភ និងលោកឃូពៅ អភិបាលស្រុកព្រះនេត្រព្រះផងដែរ នៅក្នុងតំបន់ ៣ ចំណុចរហាលសន្ទូង ស្ថិតនៅភូមិកំបោរ ឃុំភ្នំលៀប ស្រុកព្រះនេត្រ ខេត្តបន្ទាយមានជ័យ។
ក្នុងកិច្ចសន្យាផ្ទេរសិទ្ធិនិងលក់ផ្តាច់ទៅឲ្យអ្នកទិញដោយមានការចុះហត្ថលេខាបញ្ជាក់នៅលើកិច្ចសន្យាផ្ទេរសិទ្ធិ និង លក់ផ្តាច់ ដោយលោក អែម ណុយ ជាមេឃុំភ្នំលៀបនិងអភិបាលស្រុកព្រះនេត្រព្រះផងដែរ។

ដីទាំង៦០ហិចតានោះ កន្លងមក លោក អែម ណុយបានយកគ្រឿងចក្រឈូសឆាយព្រៃលិចទឹកតំបន់៣ហើយ លោក ហេង ហុង ក្រុមប្រឹក្សាឃុំជា អ្នករកម៉ូយលក់ដីទៅឲ្យអ្នកទិញនៅក្នុងពាក្យបណ្តឹងរបស់ប្រជាពលរដ្ឋ កាលពីថ្ងៃទី ១៤ ខែមិថុនា ឆ្នាំ២០២១ បានបញ្ជាក់ថា លោក ហេង ហុង លក់ដីរបស់រដ្ឋខុសច្បាប់ដែលមានទំហំ ៦០ហិកតា ដែលបានឃុបឃិតគ្នា ជាលក្ខណៈប្រព័ន្ធ ក្នុងនោះមានទាំងលោកមេឃុំភ្នំលៀប លោក អភិបាលស្រុកព្រះនេត្រព្រះផងដែរ៕
វ៉ាន់ ណាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៦ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៦ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៦ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៧ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម