ព័ត៌មានជាតិ
ពលរដ្ឋរស់នៅក្នុងខេត្តចំនួន ៦ ជុំវិញបឹងទន្លេសាប ស្ម័គ្រចិត្តប្រគល់ដីជូនរដ្ឋវិញជាង ៦ម៉ឺនហិកតា
ប្រជាពលរដ្ឋ ដែលរស់នៅក្នុងខេត្តចំនួន ៦ ជុំវិញបឹងទន្លេសាប បានស្ម័គ្រចិត្តប្រគល់ដីជូនរដ្ឋវិញ ជាង ៦ម៉ឺនហិកតា ក្រោយពីមន្ត្រី និងអាជ្ញាធរពាក់ព័ន្ធ បានបើកប្រតិបត្តិការបង្ក្រាប ការទន្ទ្រានដីរដ្ឋក្នុងដែនព្រៃលិចទឹក ក្នុងតំបន់ទន្លេសាប កាលពីពេលកន្លងមក។
លោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ នៅថ្ងៃទី ១០ ខែមីនា ឆ្នាំ ២០២២ បានដឹកនាំកិច្ចប្រជុំ ក្រុមការងារអន្តរក្រសួងតាមប្រព័ន្ធនិម្មិត ដើម្បីត្រួតពិនិត្យលទ្ធផលនៃការអនុវត្ត វិធានការបង្ក្រាបការទន្ទ្រានដីរដ្ឋ ក្នុងដែនព្រៃលិចទឹកនៃតំបន់ទន្លេសាប និងលើកទិសដៅការងារបន្ត។
សេចក្ដីប្រកាសព័ត៌មាន របស់ក្រសួងក្រសួងរៀបចំដែនដី នគរូបនីយកម្ម និងសំណង់ បានឲ្យដឹងថា កិច្ចប្រជុំបានលើកឡើង អំពីលទ្ធផលនៃការអនុវត្តបទបញ្ជា ដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា កាលពីថ្ងៃទី ២៨ ខែវិច្ឆិកា ឆ្នាំ ២០២១ ក្នុងការបង្ក្រាបការទន្ទ្រានដីរដ្ឋ ក្នុងដែនព្រៃលិចទឹកនៃតំបន់ទន្លេសាប រហូតមកដល់ថ្ងៃទី ១០ ខែមីនា ឆ្នាំ ២០២២។ ខេត្តនៅជុំវិញបឹងទន្លេសាបទាំង ៦នោះ រួមមាន៖ ខេត្តកំពង់ឆ្នាំង, ខេត្តពោធិ៍សាត់, ខេត្តបាត់ដំបង, ខេត្តបន្ទាយមានជ័យ, ខេត្តសៀមរាប, និងខេត្តកំពង់ធំ។
ជារួមលទ្ធផលសម្រេចបាន សម្រាប់ខេត្តទាំង ៦ ជុំវិញបឹងទន្លេសាប រួមមាន៖
-ប្រជាពលរដ្ឋស្ម័គ្រចិត្ត ប្រគល់ដីជូនរដ្ឋវិញចំនួន ១៥ ០០២គ្រួសារ ស្មើ ៦៣ ១៩០,៨០ហិកតា និងធ្វើការវាស់ជាក់ស្ដែងចំនួន ៨ ៨៦០គ្រួសារ ស្មើ ១០ ៨៣៧ក្បាលដី និងមានទំហំ ៨៧ ០៤២, ៤៥ហិកតា។
-កប់គ្រាប់ត្នោបានចំនួន ៣៤៣ ៤០០គ្រាប់, ដើមត្នោត ១៣៧ដើម, ដើមច្រកែង ២០០ដើម, ដើមរាំង ១៩ ០១៣ដើម, ដើមឬស្សី ១៣ ៧០៩ដើម, ដើមផ្ទោល ២០០ដើម, ដើមរំដេញ ៦ ៩៣៤ដើម, ដើមសណ្ដាន់ ៣ ៤៨៥ដើម, ដើមត្រស់ ៧៦៤ដើម, ដើមអញ្ចាញ ១៥៦ដើម, ដើមផ្គាំ ៦៥០ដើម, ដើមថ្លើមអណ្ដើក ៣៥៦, ដើមបបួយ ១៥០ដើម, ដើមខ្នាយមាន់ ៣៥០ដើម, ដើមកន្សែង ២០០ដើម, និងដើមផ្សេងៗ ៩ ៥០០ដើម។
-បង្ហោះដ្រូនថតរូបភាពបានចំនួន ១១៨ ៧៥៣ហិកតា ស្មើ ១៨, ៣៥ភាគរយ និងថតវីដេអូបានចំនួន ៩៦ ៩៥០ហិកតា ស្មើ ១៤, ៩៨ភាគរយ។
-បោះបង្គោលកំណត់ព្រំតំបន់ ៣ថ្មី និងកែសម្រួលបង្គោលចាស់សរុបបានចំនួន ៦៦១បង្គោល ស្មើ ៨២, ៤២ភាគរយ នៅខ្វះចំនួន ១៤១បង្គោលត្រូវបោះបន្ត។ ក្នុងនោះ ខេត្តបាត់ដំបងចំនួន ៣បង្គោល និងខេត្តសៀមរាបចំនួន ១៣៨បង្គោល។
-លើកប៉ាណូផែនទីកំណត់ដែនព្រៃលិចទឹក ក្នុងតំបន់ ៣ បានចំនួន ៦៣ផ្ទាំង គ្រប់តាមផែនការ។
-ឃាត់ខ្លួនអ្នកពាក់ព័ន្ធចំនួន ៣៤នាក់។ ក្នុងនោះ ៥នាក់ បានដោះលែងវិញ នៅសល់ ២៩នាក់៕
អត្ថបទ៖ ឃួន សុភ័ក្រ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម២១ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ