Connect with us

ព័ត៌មានជាតិ

ប្រេសិតពិសេស ​៖ ​លោក មីង អោងឡាំង ​​បារម្ភអំពើហិង្សា​ពីក្រុមប្រដាប់អាវុធ​​ និង​​ការ​លួចនាំចូល​អាវុធ​​

បានផុស

នៅ

មានប្រសាសន៍ នៅឯព្រលានយន្តហោះ​អន្តរជាតិ​ភ្នំពេញ លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិកម្ពុជា និងជាប្រេសិតពិសេសរបស់ប្រធានអាស៊ាន​​ បានបញ្ជាក់ថា នៅ​ក្នុង​ដំណើរទស្សនកិច្ចទៅកាន់ប្រទេសមីយ៉ាន់ម៉ា រយៈពេល ៣ថ្ងៃកន្លងមកនេះ ​​លោក​បាន​​ជួប​ជាមួយ​ភាគី​ពាក់ព័ន្ធ​មួយ​​ចំនួន ដើម្បីពិភាក្សាស្វែង​រក​ដំណោះស្រាយ​​បញ្ហា​នៅ​មីយ៉ាន់ម៉ា​។

បើតាមលោក​ឧបនាយករដ្ឋមន្ត្រី ប្រាក់ សុខុន ​នៅ​ក្នុងជំនួប​ជាមួយ​នាយឧត្តមសេនីយ៍ជាន់ខ្ពស់ មីង អោង ឡាំង ប្រធាន​ក្រុមប្រឹក្សារដ្ឋបាលរដ្ឋ នៃសាធារណរដ្ឋសហភាពមីយ៉ាន់ម៉ា លោ​កបានលើកពីបញ្ហាជាច្រើន។ ក្នុងនោះ ​លោកក៏បាន​លើក​អំពីសំណូមពរ ឲ្យមានការអត់ធ្មត់ជាទីបំផុត និងបញ្ចប់​នូវ​អំពើហិង្សា​។ ប៉ុន្តែជាការឆ្លើយតប នាយឧត្តមសេនីយ៍​ មីង អោង ឡាំង ​បាន​លើក​ឡើង​ ពីការ​ព្រួយ​បារម្ភពាក់ព័ន្ធទៅនឹងការបន្តអំពើហិង្សា ពីអង្គការប្រដាប់អាវុធជនជាតិភាគតិច និងកងកម្លាំង​ការពារ​របស់ប្រជាជន ក៏ដូចជាការលួចនាំចូលអាវុធ ដែលធ្វើឲ្យមានការប្រើអំពើហិង្សាកាន់តែធ្ងន់ធ្ងរ។ លោក​ថា ​ចំណុចនេះ គឺជាចំណុចស្មុគស្មាញ ដែលលោកជួបប្រទះ​។

នាយឧត្តមសេនីយ៍​ មីង អោង ឡាំង ​មានសុទិដ្ឋិនិយមថា ដំណើរទស្សនកិច្ចលើក​​ដំបូង​​ របស់ប្រេសិតពិសេសរបស់អាស៊ាននេះ នឹងបើកផ្លូវឲ្យប្រេសិតពិសេសបានជួបតួអង្គសំខាន់ៗសម្រាប់​ដំណើរការសន្តិភាព ហើយ​​ក្រុម​ប្រឹក្សា​រដ្ឋបាន​​​ប្ដេជ្ញា​បន្តគាំទ្រ​យ៉ាង​ពេញទំហឹង​ ដល់ប្រេសិតពិសេស ​ក្នុងការប្រឹងប្រែងបំពេញតួនាទីរបស់ខ្លួន និងបានបង្ហាញជាថ្មីនូវជំហរ​របស់ខ្លួនថា​ គ្មានអ្វីសំខាន់ជាងជីវិតមនុស្សឡើយ​។​ ​

លោក​ឧបនាយករដ្ឋមន្ត្រី ប្រាក់ សុខុន ​​បានអះអាងថា នៅមីយ៉ាន់ម៉ា លោក​មានឱកាសជួប​និងស្ដាប់ដោយផ្ទាល់​នូវទស្សនៈ ​យោបល់ និងការវាយតម្លៃពីអ្នកការទូត ដែលមានការយល់ដឹងជ្រៅ​ជ្រះ ដោយពួកគាត់បានធ្វើបទបង្ហាញដោយសង្ខេប តែ​ច្បាស់លាស់ពីស្ថានភាពនៅមីយ៉ាន់ម៉ា តាំងពីបញ្ហាកង្វះអាហារ ការថែទាំដោយសុខាភិបាល កង្វះការចាក់វ៉ាក់សាំង ផលប៉ះពាល់ទៅលើស្ត្រី និងកុមារ ផលប៉ះពាល់ទៅលើវិស័យអប់រំ និងផលប៉ះពាល់ទៅលើសេដ្ឋកិច្ច ដ៏ធ្ងន់ធ្ងរ ដែលនេះ​គឺជាជំហានដ៏សំខាន់មួយ សម្រាប់ការពិចារណា នៅក្នុងកិច្ចប្រជុំនាពេលខាងមុខ៕

អត្ថបទ៖ កោះកែវ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម