Connect with us

ព័ត៌មានជាតិ

អាជ្ញាធរខេត្តកំពង់ឆ្នាំង ចាប់បានឈ្មួញត្រីជនជាតិវៀតណាមដែលឆក់ត្រីត្រជាក់នៅបឹងទន្លេសាប

បានផុស

នៅ

ក្រុមចម្រុះខេត្កកំពង់ឆ្នាំង រួមមានអធិការដ្ឋានរដ្ឋបាលជលផលខាងត្បូងបឹងទន្លេសាប ខណ្ឌរដ្ឋបាលជលផលកំពង់ឆ្នាំង អាជ្ញាធរខេត្ត និងព្រះរាជអាជ្ញាខេត្ត បានឃាត់ខ្លួនឈ្មួញទិញត្រីឆក់ត្រជាក់ឈ្មោះ ហ៊ី ប៊ុនធី ជាជនជាតិវៀតណាម ភេទ ប្រុស អាយុ ២៧ឆ្នាំ នៅចំណុចកោះមនោ ភូមិឆ្នុកទ្រូ ឃុំ ឆ្នុកទ្រូ ស្រុក បរិបូរណ៍ ខេត្តកំពង់ឆ្នាំង នាថ្ងៃទី២៦ ខែមីនា ឆ្នាំ២០២២ វេលាម៉ោង៣ និង៣០ នាទី។ នេះបើតាមការបញ្ជាក់ឲ្យដឹងរបស់លោកបណ្ឌិត សុខ ទូច ប្រធានរាជបណ្ឌិត្យសភាកម្ពុជានៅលើទំព័រហ្វេសប៊ុកនៅរសៀលថ្ងៃសៅរ៍នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិត សុខ ទូច បានបញ្ជាក់ថា៖ «ក្រុមអ្នកឆក់ត្រីទាំងនេះ នៅតែលបលួចធ្វើសកម្មភាពឆក់ត្រីនៅបឹងទន្លេសាប, តើអ្នកស្មានថាគេធ្វើលេងឬ? បើអ្នកនៅបន្តធ្វើយ៉ាងដូច្នេះទៀត នោះមានន័យថា អ្នកយកគុកធ្វើជាផ្ទះហើយ»។

សូមបញ្ជាក់ថា ចំណាត់ការរបស់អាជ្ញាធរខេត្តកំពង់ឆ្នាំងនេះ ធ្វើឡើងបន្ទាប់ពីសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានដាក់បញ្ជាដាច់ណាត់ឲ្យអភិបាលខេត្ត រដ្ឋមន្រ្តី និងអាជ្ញាធរពាក់ព័ន្ធត្រូវបង្រ្កាបឲ្យបានដាច់ខាតនូវបទល្មើសនេសាទនៅបឹងទន្លេសាប។ សម្តេចតេជោ បាន​ព្រមានដកតំណែងរបស់ពួកគេ បើសិនមិនអាចបង្រ្កាបបទល្មើសនេសាទនេះបាន៕

ដោយ ៖ វណ្ណ​ សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម