Connect with us

ព័ត៌មានជាតិ

បើគ្មានច្បាប់ ការការពាររុក្ខជាតិ និងភូតគាមអនាម័យ​ កម្ពុជាពិបាកនាំផលិតផល​ចេញ

បានផុស

នៅ

​​លោក ម៉ម ប៊ុននាង ប្រធានគណៈកម្មការទី១០ ព្រឹទ្ធសភា និងជាអ្នកនាំពាក្យព្រឹទ្ធសភា ដែលបាន​​ផ្តល់បទសម្ភាសន៍ជាមួយអ្នកសារព័ត៌មានជាតិ និង​អន្តរជាតិ ក្រោយ​ពីបញ្ចប់កិច្ច​គណៈកម្មាធិការអចិន្រ្តៃយ៍ព្រឹទ្ធសភា​ នាព្រឹកថ្ងៃ​ទី១៩ ខែមេសា ឆ្នាំ២០២២ នេះថា បើគ្មានច្បាប់ ស្តីពីការការពាររុក្ខជាតិ និងភូតគាមអនាម័យ​ទេ កម្ពុជាពិបាកនាំផលិតផល​ចេញណាស់​​ ដូចនេះត្រូវ​ពិនិត្យ និងឱ្យយោបល់លើសេចក្តីព្រាងច្បាប់ ស្តីពីការការពាររុក្ខជាតិ និងភូតគាមអនាម័យ។​​​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉ម ប៊ុននាង មានប្រសាសន៍ថា ច្បាប់​ស្តីពី ការការពាររុក្ខជាតិ និងភូតគាមអនាម័យ​ មាន​សារសំខាន់ណាស់ ដែលយើងត្រូវការជាចាំបាច់ ដើម្បីជួយប្រជាកសិករ​សម្រាប់ការដាំដុះ ក៏ដូចជាការរៀបចំប្រើប្រាស់ជី ប្រើប្រាស់ថ្នាំសម្លាប់សត្វល្អិតជាដើម ដើម្បីឱ្យ​ត្រូវតាមស្តង់ដារ​​ប្រ​ទេស​ធំៗ នៅពេលកម្ពុជាត្រូវនាំផលិតផលទៅកាន់​​ទីផ្សារនៃបណ្ដាប្រទេសធំៗទាំង​នោះ។

លោក ម៉ម ប៊ុននាង មានប្រសាន៍បន្តថា ​ប្រសិនបើកម្ពុជាមិនមានច្បាប់នេះទេ នឹងពិបាកនាំចេញណាស់ បើទោះ​បីជាយើងមានកិច្ចព្រមព្រៀងពាណិជ្ជកម្មសេរី នៅតាមបណ្ដាប្រទេសមួយចំនួនក៏ដោយ ប៉ុន្តែគេ​តម្រូវឱ្យយើងមានភូត្តគាមអនាម័យ​មួយ ដែលត្រឹមត្រូវ ដើម្បីកុំឱ្យការនាំចេញទៅ មានមេរោគ ហើយឆ្លងទៅដល់ប្រទេសរបស់គេ។

លោក ម៉ម ប៊ុននាង ​អះអាងថា ដោយសាតែបញ្ហានេះ ​ទើបប្រមុខរាជរដ្ឋាភិបាល​សម្ដេចតេជោនាយករដ្ឋមន្ត្រី បានយកចិត្តទុកដាក់ ហើយរៀបចំច្បាប់នេះឡើង និងឱ្យបានឆាប់ ដើម្បីជួយដល់ប្រជាកសិករ ក៏ដូចជាដើម្បីកែប្រែពីកសិកម្មបែបធម្មតា ​ឱ្យក្លាយទៅជាកសិកម្មជឿនលឿន ហើយអាចនាំទៅកាន់បណ្ដាប្រទេសណាក៏បាន។

គួរបញ្ជាក់ថា នៅថ្ងៃអង្គារ ទី១៩ ខែមេសា ឆ្នាំ២០២២ នេះ ​គណៈកម្មាធិការអចិន្រ្តៃយ៍ព្រឹទ្ធសភា បានបើកិច្ចប្រជុំ ក្រោមអធិបតីភាពដ៏ខ្ពង់ខ្ពស់របស់សម្តេចវិបុលសេនាភក្តី សាយ ឈុំ ប្រធាន ព្រឹទ្ធសភានៃព្រះរាជាណាចក្រកម្ពុជា ដោយមានរបៀបវារៈចំនួន​ ២ គឺ៖​

ទី១. ពិនិត្យ និងសម្រេចលើសំណើរបស់គណៈកម្មការផែនការ វិនិយោគ កសិកម្ម ធនធានទឹក ឧតុនិយម អភិវឌ្ឍន៍ជនបទ និងបរិស្ថាន សុំដាក់សេចក្តីព្រាងច្បាប់ ស្តីពីការការពាររុក្ខជាតិ និងភូតគាមអនាម័យ ទៅក្នុងរបៀបវារៈសម័យប្រជុំលើកទី៨ ព្រឹទ្ធសភា នីតិកាលទី៤។

ទី២. កំណត់របៀបវារៈ និងកាលបរិច្ឆេទសម័យប្រជុំលើកទី៨ព្រឹទ្ធសភា នីតិកាលទី៤។

បន្ទាប់ពីបាន​ពិនិត្យ និងពិភាក្សារួចមក គណៈកម្មាធិការអចិន្ត្រៃយ៍ព្រឹទ្ធសភា បានកំណត់យកថ្ងៃពុធ ទី២០ ខែមេសា ឆ្នាំ២០២២ វេលាម៉ោង ៨ ព្រឹក ដើម្បីបន្តសម័យប្រជុំលើកទី៨ ព្រឹទ្ធសភា នីតិកាលទី៤ ដើម្បីពិនិត្យ ​ឱ្យយោបល់​លើ​សេចក្តីព្រាងច្បាប់ ស្តីពីការការពាររុក្ខជាតិ និងភូតគាមអនាម័យនេះ៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម