ព័ត៌មានជាតិ
សម្តេច ហ៊ុន សែន បង្ហាញពីយុទ្ធសាស្ត្រដែលកម្ពុជា សងបំណុលជាមួយជប៉ុន ជោគជ័យ
សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានបង្ហាញពីយុទ្ធសាស្រ្ត ដែលកម្ពុជា សងបំណុលជប៉ុន នៅសេសសល់ពីអតីតកាល ដែលបង្កើតឡើងដោយរដ្ឋាភិបាលខ្មែរមុនៗ។ សម្តេច បានសង្កត់ធ្ងន់ថា កម្ពុជា ដោះបំណុលជប៉ុន ដោយយកលុយជប៉ុន សងជប៉ុន និងយកមកកសាងអភិវឌ្ឍកម្ពុជាថែមទៀត។ សម្តេចនាយករដ្ឋមន្ត្រីថ្លែងបែបនេះ នៅក្នុងពិធីសម្ពោធសមិទ្ធផលនានា ដែលជាគម្រោងការពារទឹកជំនន់ និងកែលម្អ ប្រព័ន្ធប្រឡាយ-លូ ក្នុងទីក្រុងភ្នំពេញ នាព្រឹកថ្ងៃទី ២០ ខែមេសា ឆ្នាំ ២០២២។
សម្តេចតេជោ ហ៊ុន សែន បានបញ្ជាក់ថា រដ្ឋាភិបាលកម្ពុជាមុនៗ ជាពិសេសរដ្ឋាភិបាលក្នុងរបប លន់ នល់ បានទៅខ្ចីលុយជប៉ុនហើយមិនសងតាមកាលកំណត់ ដែលធ្វើឱ្យបំណុលនេះកើនឡើងទ្វេដង បូករួមទាំងប្រាក់ពិន័យទៀត។
សម្តេចបន្តថ្លែងដូច្នេះថា« អតីតកាលរបប លន់ នល់ បានខ្ចីលុយជប៉ុន បន្តមករបប ប៉ុល ពត មិនខ្ចីសង ដែលមរតកបំណុលនេះ ការក្លាយជាដើម ដើមក្លាយជាការ ហើយថែមប្រាក់ពិន័យទៀត អ៊ីចឹងធ្វើម៉េចត្រូវដោះបំណុលជប៉ុនឱ្យបាន»។
យុទ្ធសាស្រ្តដែលសម្តេច ដោះបំណុលនេះ គឺយកលុយជប៉ុន យកទៅដោះបំណុលជប៉ុន ព្រោះបើមិនសងបំណុលសេសសល់ទេ ជប៉ុនមិនអនុញ្ញាតឱ្យខ្ចីបន្ថែមទៀតឡើយ។
ជាសំណួរ តើយកលុយជប៉ុនទៅសងជប៉ុន ដោយរបៀបណា?
ជុំវិញយុទ្ធសាស្រ្តនេះ សម្តេច ពន្យល់ដូច្នេះថា «គឺសងលុយជប៉ុន ដោយវិធីជប៉ុនផ្តល់ជំនួយជាសម្ភារៈផ្សេងៗ ជាច្រើន ដូចជាប្រេងកាត ប្រេងសាំង ស័ង្កសី ជាដើម ផ្តល់ឱ្យកម្ពុជាលក់ ដើម្បីទទួលបានចំណូល ដោយយកលុយលក់បានដាក់ក្នុងគណនីមួយ ទុកសងប្រាក់ជប៉ុនវិញ ប៉ុន្តែជប៉ុន មិនបានយកលុយ ដែលកម្ពុជាសងនោះទេ គឺបានទុកឱ្យកម្ពុជាយកលុយមកអភិវឌ្ឍជាតិវិញ»។
នៅក្នុងឆ្នាំ ២០០១ បន្ទាប់ពីកម្ពុជា សងបំណុលចាស់រួច ជប៉ុន បានអនុញ្ញាតជាថ្មី ឱ្យកម្ពុជាអាចខ្ចីលុយឡើងវិញបាន ដើម្បីយកមកអភិវឌ្ឍផ្សេងៗនៅក្នុងប្រទេស។ តាមរយៈកម្ចីរបស់ជប៉ុន កម្ពុជា សម្រេចបានការកសាងកំពង់ផែទឹកជ្រៅ នៅក្នុងព្រះសីហនុ និងហេដ្ឋារចនាសម្ព័ន្ធនានាមួយចំនួនទៀត។
សូមបញ្ជាក់ថា កាលពីឆ្នាំ២០២១ កម្ពុជា និងជប៉ុន មានទំហំពាណិជ្ជកម្ម សរុបជាង១ ៧០០ លានដុល្លារ។ នេះបើតាមរយ:របាយការណ៍របស់ក្រសួងពាណិជ្ជកម្ម៕
អត្ថបទ៖ នាង រនតៈ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ