Connect with us

ព័ត៌មានជាតិ

រដ្ឋមន្ត្រីការងារប្តេជ្ញាបន្តប្រែក្លាយរោងចក្រ-សហគ្រាសមួយ ជាសហគមន៍សុខសាន្តរបស់កម្មករ-និយោជិត

បានផុស

នៅ

លោកបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានលើកឡើងថាក្រសួង នឹងបន្តប្រែក្លាយរោងចក្រ-សហគ្រាសមួយ ជាសហគមន៍សុខសាន្តរបស់កម្មករ-និយោជិតដែលពោរពេញដោយសមត្ថភាព និងលក្ខខណ្ឌការងារល្អប្រសើរ ផលិតភាព ឥរិយាបថការងារ ការទទួលខុសត្រូវសង្គម និងមានសុខដុមនីយកម្មទំនាក់ទំនងវិជ្ជាជីវៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោករដ្ឋមន្ត្រី បានបន្តថា រោងចក្រ-សហគ្រាស ដែលមានលក្ខណៈសម្បត្តិគ្រប់គ្រាន់ តាមលក្ខណវិនិច្ឆ័យ ក្រសួងនឹងឲ្យមានផ្តល់ជាវិញ្ញាបនបត្របញ្ជាក់ ជូនរោងចក្រ-សហគ្រាសទាំងនោះផងដែរ ដើម្បមានការប្រកួតប្រជែងគ្នា សំដៅធ្វើយ៉ាងណាលើកកម្ពស់សិទ្ធិ នៅកន្លែងធ្វើការឲ្យបានកាន់តែប្រសើរ។

ថ្លែងក្នុងទិវាពលកម្មអន្ដរជាតិ ១ ឧសភា លើកទី ១៣៦ ក្រោមប្រធានបទ “សន្តិភាព សុខភាព និងសន្តិសុខការងារ” កាលពីថ្ងៃទី ៣០ ខែមេសា លោករដ្ឋមន្ត្រីបាន មានប្រសាសន៍បន្តថា ដើម្បីបន្តស្មារតីទិវាពលកម្មអន្តរជាតិ ១ ឧសភា ក្រសួងការងារបានដាក់ចេញរួច ហើយនូវទិសដៅការងារមួយចំនួន។ ក្នុងនោះ រួមមានបន្តខិតខំអនុវត្តឲ្យមានប្រសិទ្ធភាពខ្ពស់ នូវអនុសាសន៍ណែនាំដ៏ខ្ពង់ខ្ពស់ទាំង ១០ ចំណុច របស់សម្តេចតេជោនាយករដ្ឋមន្ត្រី និងបន្តខិតខំលើកកម្ពស់លក្ខខណ្ឌការងារឲ្យកាន់តែប្រសើរឡើង ពង្រឹងការអនុវត្តច្បាប់ ស្តីពី ការងារបន្តពង្រឹងយន្តការអធិការកិច្ចការងារ ឲ្យកាន់តែមានប្រសិទ្ធភាព និងតម្លាភាព ព្រមទាំងពង្រឹងភាពសុខដុមរមនា នៃទំនាក់ទំនងវិជ្ជាជីវៈ លើកកម្ពស់ការយល់ដឹងអំពីសិទ្ធិ កាតព្វកិច្ច និងការទទួលខុសត្រូវ ស្របច្បាប់របស់កម្មករនិយោជិត និងនិយោជក។

ម្យ៉ាងទៀតបង្កើន ការអនុវត្តប្រកបដោយប្រសិទ្ធភាព នូវបទបញ្ជាលេខ ០១បប ចុះថ្ងៃទី ១៦ ខែមីនា ឆ្នាំ ២០២០ ស្តីពី ការអនុវត្តផែនការ ស្តីពី ការដោះស្រាយបញ្ហាកូដកម្ម បាតុកម្ម នៅតាមគ្រប់មុខសញ្ញា ឆ្នាំ ២០២០-២០២៤ បទបញ្ជាលេខ ០៣បប ចុះថ្ងៃទី ២៧ ខែមីនា ឆ្នាំ ២០១៣ ស្តីពី ការរក្សាការពារសន្តិសុខ សណ្តាប់ធ្នាប់សាធារណៈ នៅតាមតំបន់រោងចក្រ-សហគ្រាស និងតំបន់ឧស្សាហកម្ម វិធានការការពារទប់ស្កាត់កូដកម្ម បាតុកម្ម និងដោះស្រាយវិវាទដោយសន្តិវិធី និងស្របតាមនីតិវិធីច្បាប់ បទប្បញ្ញត្តិ និងអនុសញ្ញាអន្តរជាតិពាក់ព័ន្ធនឹងវិស័យការងារ។

ជំរុញការអនុវត្តយន្តការអធិការកិច្ច និងធ្វើទំនើបកម្មការធ្វើអធិការកិច្ចការងារ តាមប្រព័ន្ធទិន្នន័យព័ត៌មានវិទ្យា និងបន្តពង្រឹងការងារចុះអធិការកិច្ចអន្តរក្រសួង ស្ថាប័នដោយធ្វើអធិការកិច្ចការងារ និងកម្រិតហានិភ័យរបស់រោងចក្រ-សហគ្រាសជាមូលដ្ឋាន ចំនួន ១លើក ក្នុង ១ឆ្នាំ សំដៅធានាបាននូវវប្បធម៌អនុលោមភាព ធានាប្រសិទ្ធភាពគុណភាព និងតម្លាភាពក្នុងការផ្តល់សេវា ដោយដាក់រាល់សេវាទាំងអស់ របស់ក្រសួងទៅក្នុងថ្នាលបច្ចេកវិទ្យាព័ត៌មាន។

បន្តពង្រឹងយន្តការដោះស្រាយ វិវាទការងារឲ្យទទួលបានអត្រាសះជាឲ្យកាន់តែខ្ពស់ សំដៅឆ្លើយតបនឹងតម្រូវការភាគីវិវាទ និងដាក់ឲ្យដំណើរការសាកល្បង ការដោះស្រាយវិវាទបុគ្គល ដោយក្រុមប្រឹក្សាអាជ្ញាកណ្តាល ព្រមទាំងពង្រឹងការអនុវត្តសេរីភាព អង្គការវិជ្ជាជីវៈឲ្យបានត្រឹមត្រូវ ស្របតាមលិខិតបទដ្ឋានគតិយុត្តជាតិជាធរមាន និងអនុសញ្ញាអន្តរជាតិខាងការងារ ដែលកម្ពុជាបានផ្តល់សច្ចាប័ន។

បន្តប្រែក្លាយរោងចក្រ-សហគ្រាស មួយជាសហគមន៍សុខសាន្តមួយ របស់កម្មករ-និយោជិត ដែលពោរពេញដោយសមត្ថភាព លក្ខខណ្ឌការងារល្អប្រសើរ ផលិតភាព ឥរិយាបថការងារ ការទទួលខុសត្រូវសង្គម និងមានសុខដុមនីយកម្មទំនាក់ទំនងវិជ្ជាជីវៈ ដោយក្រសួងនឹងផ្តល់ជាវិញ្ញាបនបត្របញ្ជាក់ជូនរោងចក្រ-សហគ្រាស ដែលមានលក្ខណសម្បត្តិគ្រប់គ្រាន់ តាមលក្ខណវិនិច្ឆ័យ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៣ នាទី មុន

អង្គការ​សម្រេច​សុ​បិ​ន្ត​កុមារ​កម្ពុជា​ ចំណាយថវិកា​ជាង៦ម៉ឺនដុល្លារ ចូលរួម​អភិវឌ្ឍន៍​លើ​វិស័យ​ធនធាន​មនុស្ស​ក្នុងស្រុក​ថ្មគោល

ជីវិតកម្សាន្ដ១ ម៉ោង មុន

តួឯកប្រុសរឿង “Squid Game” ឈ្នះពានរង្វាន់ Emmy ដំបូងគេ ក្នុងប្រវត្តិសាស្ត្រកូរ៉េខាងត្បូង

កីឡា២ ម៉ោង មុន

ជម្រើសជាតិ​អេ​ក្វា​ឌ័​រ ប្រឈម​នឹង​ការ​ដក​ចេញពី​ការប្រកួត World Cup 2022

ព័ត៌មានជាតិ២ ម៉ោង មុន

កងទ័ពជើងគោក នៃ​កង​យោធពល​ខេមរភូមិន្ទ ទទួល​អំណោយ​រថយន្ត​ពន្លត់​អគ្គិភ័យ​៣គ្រឿង ពី​ស្ថាន​កុងស៊ុល​កិត្តិយស​កម្ពុជា​ប្រចាំ​តំបន់​សេន​ដៃ នៃ​ប្រទេស​ជប៉ុន និង​សប្បុរស​ជប៉ុន

ព័ត៌មានជាតិ៣ ម៉ោង មុន

សមត្ថកិច្ច​ចុះបង្ក្រាបបទល្មើសនេសាទ​នៅស្រុកជល់គីរី​កម្ទេចរបាំងសាច់អួន​១ ពាន់ម៉ែត្រ​​

Sokha Hotels

ព័ត៌មានពេញនិយម