ព័ត៌មានជាតិ
ឯកឧត្តម ហ៊ុន ណេង មានបុត្រាបុត្រី ០៦ នាក់ ជាចំណងដៃអាពាហ៍ពិពាហ៍ជាមួយលោកជំទាវ លាង វួចឆេង
ឯកឧត្តម ហ៊ុន ណេង បានទទួលមរណភាពដោយជំងឺបេះដូងក្នុងវ័យ ៧២ ឆ្នាំ។ លោកជាឥស្សរជនមួយរូប និងជាបងប្រុសបង្កើតសម្តេចតេជោ ហ៊ុន សែន នាយករដ្ឋមន្រ្តីកម្ពុជា។
បើតាមឯកសារជីវប្រវត្តិបានបញ្ជាក់ថា ឯកឧត្តម ហ៊ុន ណេង បានរៀបអាពាហ៍ពិពាហ៍ជាមួយលោកជំទាវ លាង វួចឆេង នៅឆ្នាំ១៩៧១ និងមានបុត្រាបុត្រីចំនួន ៦ នាក់ ក្នុងនោះស្រី ៣នាក់។ បុត្រាបុត្រីទាំង ០៦ នាក់របស់ឯកឧត្តម ហ៊ុន ណេង និងលោកជំទាវ លាង វួចឆេង ក្នុងនោះមាន៖
-លោក ហ៊ុន ស៊ាងហេង
-លោកជំទាវ ហ៊ុន គីមឡេង
-លោកឧកញ៉ា ហ៊ុន តូ
-លោកជំទាវ ហ៊ុន ចាន់ធូ
-លោកជំទាវ ហ៊ុន ចាន់ថា
-លោក ហ៊ុន តុលា
គួរបញ្ជាក់ថា ឯកឧត្ដម ហ៊ុន ណេង មានបងប្អូនបង្កើត ០៦ នាក់ (ស្រី ០៣ នាក់) មានឯកឧត្តម ហ៊ុន សាន ឯកឧត្តម ហ៊ុន ណេង សម្តេចតេជោ ហ៊ុន សែន លោកជំទាវ ហ៊ុន សេងនី លោកជំទាវ ហ៊ុន ស៊ីណាត និងលោកជំទាវ ហ៊ុន ប៊ុនធឿន។ ឯកឧត្តម ហ៊ុន ណេង ជាកូនទីពីរ ក្នុងចំណោមបងប្អូន ០៦ នាក់។
ឯកឧត្តម ហ៊ុន ណេង មានឈ្មោះដើម ហ៊ុន ឡុងសេង កើតនៅថ្ងៃទី២៥ ខែ វិច្ឆិកា ឆ្នាំ ១៩៥០ នៅភូមិពាមក្រៅ ឃុំពាមកោះស្នា ស្រុកស្ទឹងត្រង់ ខេត្តកំពង់ចាម នៅក្នុងគ្រួសារកសិករ ដែលមានឪពុកឈ្មោះ ហ៊ុន នាង និងម្តាយឈ្មោះ ឌី ប៉ុក។
ឯកឧត្តមព្រឹទ្ធាចារ្យ ហ៊ុន ណេង ប្រធានគណៈកម្មការទី៤ នៃរដ្ឋសភា បានទទួលមរណភាពនៅម៉ោង៦ និង២៥ នាទីល្ងាច ថ្ងៃទី០៥ ខែឧសភា ឆ្នាំ២០២២ ក្នុងជន្មាយុ៧២ឆ្នាំ។ សពរបស់ឯកឧត្តម នឹងត្រូវតម្កល់ធ្វើបុណ្យនៅគេហដ្ឋាន ដែលស្ថិតនៅភូមិទី៧ សង្កាត់កំពង់ចាម ក្រុងកំពង់ចាម ខេត្តកំពង់ចាម ហើយនៅថ្ងៃចន្ទ ទី០៩ ខែឧសភា ឆ្នាំ២០២២ នឹងត្រូវដង្ហែទៅបញ្ចុះនៅវត្តសុវណ្ណគិរីរតនៈ ដែលស្ថិតនៅភ្នំប្រុស ភូមិត្រពាំងចារ ឃុំក្រឡា ស្រុកកំពង់សៀម ខេត្តកំពង់ចាម៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង