ព័ត៌មានជាតិ
សកម្មភាពជួយគ្នាក្នុងគ្រាលំបាក បានក្លាយជាប្រពៃណីដ៏ផូផង់ ដក់ជាប់ក្នុងក្រអៅបេះដូងអាវុធហត្ថគ្រប់ៗរូប
ជាការពិតណាស់សកម្មភាព ជួយគ្នាក្នុងគ្រាលំបាក បានក្លាយជាប្រពៃណីដ៏ផូផង់ដក់ជាប់ក្នុងក្រអៅបេះដូងកងកម្លាំងអាវុធហត្ថគ្រប់ៗរូប ជាពិសេសរាជធានីភ្នំពេញ។ ជាក់ស្ដែងកាលពីថ្មីៗនេះ កុមារាម្នាក់ឈ្មោះ យី សេងឡុង មានជំងឺហេម៉ូហ្វីលា ឬជំងឺឈាមក្រកក ឬឈាមរាវ តាំងពីវ័យក្មេង បានទទួលការព្យាបាលយ៉ាងយកចិត្តទុកដាក់ ពីមន្ទីរពេទ្យកុមារជាតិ ដែលកំពុងដង្ហើយរកជំនួយឈាមពីសប្បុរសជន ដើម្បីជួយសង្គ្រោះអាវុធជីវិត។ ដោយទទួលបានដំណឹងភ្លាម លោកឧត្ដមសេនីយ៍ឯក រ័ត្ន ស្រ៊ាង ក៏បានចាត់ឲ្យក្រុមការងារ កងរាជអាវុធហត្ថរាជធានីភ្នំពេញចំនួន ៣រូប ទៅចូលរួមបរិច្ចាគឈាម ជួយដល់ប្អូនប្រុសភ្លាមៗទាន់ពេលវេលា។
មន្ត្រីអាវុធហត្ថរាជធានី បានឲ្យដឹងមុននេះថា សកម្មភាពជួយគ្នាក្នុងគ្រាលំបាក បានក្លាយជាប្រពៃណីដ៏ផូផង់ដក់ជាប់ក្នុងក្រអៅបេះដូងអាវុធហត្ថគ្រប់ៗរូប ដោយមិនប្រកាន់ថា ជាប់សាច់ញាតិរបស់អាវុធហត្ថឬ មិនជាប់នោះទេ គឺត្រូវរួមគ្នាជួយសង្គ្រោះតាមតែអាចធ្វើបាន។ ជាការពិតណាស់ កាលពីពីរឆ្នាំមុន ប្អូនប្រុសខាងលើមានអាយុ ១៤ឆ្នាំ ធ្លាប់ត្រូវបានសារព័ត៌មានមួយ ប្រកាសស្វែងរកអ្នកស្ម័គ្រចិត្តដើម្បីបរិច្ចាគឈាមជួយដល់ប្អូនប្រុស ដែលកំពុងខ្វះឈាម។
ប្រភពបានបន្តថា នាពេលនោះ លោកឧត្តមសេនីយ៍ឯក រ័ត្ន ស្រ៊ាងមេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ បានចាត់ក្រុមការងាររបស់អាវុធហត្ថរាជធានីភ្នំពេញ ទៅបរិច្ចាគឈាម ជួយដល់ប្អូនប្រុស និងបានឧបត្ថម្ភថវិកាចំនួន ១លានរៀល ព្រមទាំងភេសជ្ជៈ ចាហួយមួយចំនួន ជូនដល់ប្អូនប្រុសផងដែរ។
ប៉ុន្តែមកដល់រសៀលថ្ងៃទី ២៩ ខែឧសភា ឆ្នាំ ២០២២ ថ្មីៗនេះបានព័ត៌មានថា កុមារា យី សេងឡុង ដដែលបានចូលសម្រាកព្យាបាល នៅមន្ទីរពេទ្យកុមារជាតិម្តងទៀត ហើយត្រូវការអ្នកស្ម័គ្រចិត្តបរិច្ចាគឈាមជាបន្ទាន់ផងនោះ លោកឧត្ដមសេនីយ៍ឯក រ័ត្ន ស្រ៊ាង ក៏បានចាត់ឲ្យក្រុមការងារ កងរាជអាវុធហត្ថរាជធានីភ្នំពេញចំនួន ៣នាក់ ទៅចូលរួមបរិច្ចាគឈាម ជួយដល់ប្អូនប្រុសភ្លាមៗទាន់ពេលវេលា។
លោកឧត្ដមសេនីយ៍ រ័ត្ន ស្រ៊ាង មានការកោតសរសើរយ៉ាងខ្លាំង ដល់មន្ទីរពេទ្យកុមារជាតិ ដែលតែងតែមើលថែកុមារា យី សេងឡុង ក៏ដូចកុមារដដៃទៀតក្នុងរយៈពេលកន្លងមក ដោយទទួលព្យាបាលមិនគិតប្រាក់ និងយកចិត្តទុកដាក់ព្យាបាលបន្តទៅមុខទៀត ផងដែរ៕
អត្ថបទ៖ វិមាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ