ព័ត៌មានជាតិ
លោក គីម រិទ្ធី ប្ដេជ្ញាបម្រើប្រជាជនក្នុងមូលដ្ឋានរបស់លោក ប្រកបដោយយុត្តិធម៌ និងគុណធម៌បំផុត
លោក គីម រិទ្ធី អភិបាលថ្មី នៃគណៈអភិបាលខេត្តព្រះវិហារ បានប្ដេជ្ញាបម្រើប្រជាជនក្នុងមូលដ្ឋានរបស់លោក ប្រកបដោយយុត្តិធម៌ និងគុណធម៌បំផុត។ លោក គីម រិទ្ធី កូនរបស់លោកទេសរដ្ឋមន្ត្រី គន់ គីម ត្រូវបានប្រកាសចូលកាន់មុខតំណែងជាអភិបាល នៃគណៈអភិបាលខេត្តព្រះវិហារ ជំនួសលោក ប្រាក់ សុវណ្ណ ដែលត្រូវចូលនិវត្តន៍។
![](https://www.kampucheathmey.com/wp-content/uploads/2022/08/01-40.jpg)
ពិធីប្រកាសលោក គីម រិទ្ធី ចូលកាន់មុខតំណែងជាអភិបាលខេត្តព្រះវិហារនេះ បានធ្វើឡើងក្រោមអធិបតីភាពសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលពីព្រឹកថ្ងៃទី ៥ ខែសីហា ឆ្នាំ ២០២២នេះ។
![](https://www.kampucheathmey.com/wp-content/uploads/2022/08/03-30.jpg)
បន្ទាប់ពីការប្រកាសចូលកាន់តំណែង ជាអភិបាលខេត្តព្រះវិហារភ្លាម លោក គីម រិទ្ធី បានទៅជួបសំណេះសំណាល ជាមួយកងកម្លាំងការពារព្រំដែនតំបន់ប្រាសាទព្រះវិហារ នាថ្ងៃសៅរ៍ទី ៦ ខែសីហា នេះ។ តាមរយៈទំព័រហ្វេសប៊ុករបស់ខ្លួន នៅថ្ងៃទី ៨ ខែសីហា អភិបាលខេត្តព្រះវិហារថ្មី បានបង្ហាញក្តីរំភើបរីករាយ ដែលបានជួបយុទ្ធមិត្តចាស់ ហើយបានធ្វើបដិសណ្ឋារកិច្ចស្វាគមន៍យ៉ាងកក់ក្តៅដល់លោក។
![](https://www.kampucheathmey.com/wp-content/uploads/2022/08/07-3.jpg)
លោក គីម រិទ្ធី បានរំលឹកថា លោកបានមកដល់តំបន់ប្រាសាទព្រះវិហារនាចុងឆ្នាំ ២០០៨ អំទ្បុងពេលដែលថៃឈ្លាន ពានមកលើតំបន់ប្រាសាទ ក្នុងនាមលោកជាអតីតនាយទាហានជាន់ខ្ពស់យោធា និងជាក្រុមចលនាយុវជនសមរភូមិក្រោយ នៃសមាគមយុវជនកម្ពុជា ដែលបច្ចុប្បន្ន សហភាពសហព័ន្ធយុវជនកម្ពុជា (សសយក)។
![](https://www.kampucheathmey.com/wp-content/uploads/2022/08/02-35.jpg)
នៅក្នុងឱកាសជួបសំណេះសំណាលនោះ លោកអភិបាលខេត្តព្រះវិហារថ្មី បានថ្លែងអំណរគុណ និងដឹងគុណយ៉ាងជ្រាលជ្រៅ ចំពោះវីរភាពអង់អាចក្លាហានរបស់កងកម្លាំងប្រដាប់អាវុធ ក្នុងការការពារបូរណភាពដែនដី និងការពារសុខសន្តិភាពជូនកម្ពុជា។
![](https://www.kampucheathmey.com/wp-content/uploads/2022/08/09-1.jpg)
ជាមួយគ្នានេះលោក រិទ្ធី ក៏បានគោរព និងដឹងគុណយ៉ាងជ្រាលជ្រៅបំផុត ចំពោះសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលបានដឹកនាំនាវាកម្ពុជា ស្វែងរកសន្តិភាព បណ្តុះបណ្តាលធនធានមនុស្ស និងផ្តល់សេចក្តីទុកចិត្តដល់លោកជាយុវជនជំនាន់ក្រោយ ជាអភិបាល នៃគណៈអភិបាលខេត្តព្រះវិហារ។ លោក គីម រិទ្ធី បានប្ដេជ្ញាយ៉ាងដូច្នេះថា «ខ្ញុំបាទសូមប្តេជ្ញា “ប្រឹងធ្វើការអោយបានល្អ កុំអោយខូចតម្លៃនៃការតែងតាំង” និង “បំរើប្រជាជនប្រកបដោយយុត្តិធម៌” និងគុណធម៌បំផុត»។
![](https://www.kampucheathmey.com/wp-content/uploads/2022/08/08-2.jpg)
សូមជម្រាបថា លោក គីម រិទ្ធី ត្រូវបានព្រះករុណា ព្រះមហាក្សត្រនៃព្រះរាជាណាចក្រកម្ពុជា ចេញព្រះរាជក្រឹត្យត្រាស់បង្គាប់តែងតាំងជាអភិបាល នៃគណៈអភិបាលខេត្តព្រះវិហារ កាលពីថ្ងៃទី ២៧ ខែកក្កដា ឆ្នាំ ២០២២។ មុនចូលកាន់តំណែងជាអភិបាលខេត្តព្រះវិហារ គឺលោក គីម រិទ្ធី ធ្លាប់មានតួនាទីជាអគ្គនាយករង នៃអគ្គនាយករដ្ឋបាលក្រសួងមហាផ្ទៃ, អភិបាលរងខេត្តកណ្ដាល, ហើយបច្ចុប្បន្នលោក ក៏មានតួនាទីជាអនុប្រធានសហភាពសហព័ន្ធយុវជនកម្ពុជា ផងដែរ៕
អត្ថបទ៖ ឃួន សុភ័ក្រ
![](https://www.kampucheathmey.com/wp-content/uploads/2022/08/Screenshot-2022-08-09-093536.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៥ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៥ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៤ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ២ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
ព័ត៌មានជាតិ១ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
សន្តិសុខសង្គម១៦ ម៉ោង ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់