Connect with us

ព័ត៌មានជាតិ

គ.ជ.ប​ ទទួលបាន​សម្ភារៈ និងឯកសារបម្រើឲ្យការបោះឆ្នោតឃុំ-សង្កាត់ រួចរាល់ហើយ​

បានផុស

នៅ

អគ្គលេខាធិការរង និងជាអ្នកនាំពាក្យ គ.ជ.ប លោក សោម សូរីដា ​បានមានប្រសាសន៍​ប្រាប់កម្ពុជាថ្មីថា​​ ការ​ទទួលសម្ភារៈ និងឯកសារបម្រើឲ្យការ​បោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី ៥ ពី​គណៈកម្មការរាជធានី-ខេត្តរៀបចំការបោះឆ្នោត​ បានបញ្ចប់រួចរាល់ហើយ។ លោកថា នៅថ្ងៃទី ១៣ ខែមិថុនា គឺជា​កាលបរិច្ឆេទចុង​ក្រោយ នៃការទទួលសម្ភារៈ និងឯកសារបម្រើឲ្យការបោះឆ្នោត ដែលមានស្បោង “ឃ” ជាដើម​។​​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា គណៈកម្មាធិការជាតិរៀបចំការបោះឆ្នោត (គ.ជ.ប) បាន​ធ្វើការទទួលសម្ភារៈ និងឯកសារ ដែលបម្រើឲ្យការបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី ៥ មកពីគណៈកម្មការរាជធានី-ខេត្តរៀបចំការបោះឆ្នោត (គធ.ខប) ទាំង ២៥ រយៈពេល ៤ថ្ងៃ ​នៅឃ្លាំង គ.ជ.ប ដែលបរិវេណក្រុមហ៊ុនគ្រីនឌូដ ផ្លូវជាតិលេខ ៥ សង្កាត់គីឡូម៉ែត្រលេខ ៦ ខណ្ឌឫស្សីកែវ រាជធានីភ្នំពេញ។

ការបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី ៥ បានប្រព្រឹត្តិទៅកាលពីថ្ងៃទី ៥ ខែមិថុនា ឆ្នាំ ២០២២ ហើយក្រោយពីបញ្ចប់ការបោះឆ្នោត ក៏ដូចជាការរាប់សន្លឹកឆ្នោត អ្នកសង្កេតការណ៍ជាតិ អន្តរជាតិ បានវាយតម្លៃថា ដំណើរការបោះឆ្នោតនេះ បានប្រព្រឹត្តទៅដោយជោគជ័យ ក្នុងបរិយាកាសស្ងប់ស្ងាត់ មានសន្តិសុខសុវត្ថិភាព និងសណ្ដាប់ធ្នាប់សាធារណៈ គ្មានអំពើហិង្សា និងគ្មានការគំរាមកំហែងឡើយ។ តំណាងគណបក្សភាគច្រើន ដែលចូលរួមនៅក្នុងការបោះឆ្នោតនេះ ក៏បានចេញសេចក្តីថ្លែងការណ៍ទទួលយកលទ្ធផល នៃការបោះឆ្នោតនេះ ផងដែរ៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម