ព័ត៌មានជាតិ
រង្វង់មូលសីហរាជមុខបី ខេត្តព្រះសីហនុ បើកឱ្យធ្វើចរាចរណ៍សាកល្បង ចុងសប្ដាហ៍នេះ
លោក គួច ចំរើន អភិបាល នៃគណៈអភិបាលខេត្តព្រះសីហនុ មានប្រសាសន៍ថា រង្វង់មូលសីហរាជមុខបី នឹងបើកឱ្យធ្វើចរាចរណ៍សាកល្បង នៅចុងសប្ដាហ៍នេះ ថ្ងៃទី២៥ ខែមិថុនា ឆ្នាំ ២០២២ បន្ទាប់ពីក្រុមការងារបច្ចេកទេសធ្វើការអ៊ុតកៅស៊ូ AC ស្រទាប់ទីមួយរួចរាល់។
ថ្លែងក្នុងឱកាសចុះពិនិត្យការដ្ឋានអ៊ុតកៅស៊ូ AC នៅរង្វង់មូលសីហរាជមុខបី មានទីតាំងស្ថិតនៅសង្កាត់លេខ១ ក្រុងព្រះសីហនុ នៅថ្ងៃទី២១ ខែមិថុនានេះ លោក គួច ចំរើន បានបន្តថា ការចុះមកពិនិត្យការដ្ឋានចាក់អ៊ុតកៅស៊ូ AC នៅរង្វង់មូលសហរាជមុខបីនេះ ដើម្បីជួយសម្រួលលំហូរចរាចរណ៍ចូលមកក្រុងព្រះសីហនុ ម្យ៉ាងទៀតការកែលម្អសួនច្បារនៅរង្វង់មូលសហរាជមុខបី ស្ថិតក្នុងសង្កាត់លេខ១ ក្រុងព្រះសីហនុ ឱ្យកាន់តែមានសោភ័ណភាពបន្ថែមទៀត ហើយនៅពេលសាងសង់រួច ប្រជាពលរដ្ឋ ក៏ដូចជាភ្ញៀវទេសចរអាចមកលេងកម្សាន្ត និងថតផ្តិតយករូបភាពផ្ទៃសមុទ្របានថែមទៀតផង។
លោកអភិបាលខេត្ត បានសំណូមពរដល់បងប្អូនប្រជាពលរដ្ឋ ក៏ដូចជាភ្ញៀវទេសចរ សូមចូលរួមថែរក្សាអនាម័យ បរិស្ថាន នៅរង្វង់មូលសួនច្បារសហរាជមុខបីឱ្យបានល្អ។
បច្ចុប្បន្ននេះខេត្តព្រះសីហនុកំពុងក្លាយជាប៉ូលទេសចរណ៍មួយដ៏សំខាន់សម្រាប់ភ្ញៀងទេសចរជាតិ និងអន្តរជាតិទៅកម្សាន្តនៅចុងសប្តាហ៍ ឬកម្មវិធីបុណ្យជាតិធំៗបន្ទាប់ពីខេត្តនេះមានការអភិវឌ្ឍនូវហេដ្ឋារចនាសម្ព័ន្ធខ្វែងខ្វាត់ធំតូចយ៉ាងច្រើនរួចមក។
ជាក់ស្តែងក្នុងចំណោមភ្ញៀវទេសចរផ្ទៃក្នុង ៣៦៤ ៦៣៦ នាក់ ក្នុងនោះមានភ្ញៀវទេសចរជាតិប្រមាណ ៣៤៥ ១៤៣ នាក់ និងអន្តរជាតិផ្ទៃក្នុង ១៩ ៤៩៣ នាក់ បានធ្វើដំណើរកម្សាន្តនៅទូទាំងប្រទេសនៅចុងសប្តាហ៍ទី៣ ថ្ងៃទី ១៨-១៩ ខែមិថុនា ឆ្នាំ២០២២ ដោយក្នុងនោះ ទេសចរបានធ្វើដំណើរកម្សាន្តទៅខេត្តព្រះសីហនុប្រមាណ ៥៦ ៨២៩នាក់៕
អត្ថបទ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៤ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)