ព័ត៌មានជាតិ
អភិបាលខណ្ឌទួលគោក ជំរុញឲ្យអាជ្ញាធរ និងកម្លាំងសមត្ថកិច្ចទប់ស្កាត់បទល្មើសអសន្ដិសុខ
អភិបាលខណ្ឌទួលគោក លោក ជា ពិសី បានជំរុញឲ្យអាជ្ញាធរ និងកងកម្លាំងមានសមត្ថកិច្ចចំណុះឲ្យគណៈបញ្ជាការឯកភាពខណ្ឌទួលគោកត្រូវការពារសន្តិសុខសុវត្ថិភាពជូនប្រជាពលរដ្ឋឲ្យបានល្អប្រសើរ ពិសេសការពារទប់ស្កាត់ឲ្យបាននូវបទល្មើសលួច ឆក់ ប្លន់ នៅក្នុងមូលដ្ឋាន ខណៈដែលបទល្មើសទាំងនេះហាក់មានការកម្រើកឡើងវិញ។
ការជំរុញបែបនេះរបស់លោក ជា ពិសី បានធ្វើឡើងនៅក្នុងកិច្ចប្រជុំសាមញ្ញលើកទី ៣៧ របស់ក្រុមប្រឹក្សាខណ្ឌទួលគោក នាព្រឹកថ្ងៃទី ៣០ ខែមិថុនា ឆ្នាំ ២០២២នេះ នៅសាលាខណ្ឌទួលគោក ក្រោមវត្តមានលោក ម៉ែន សិរី ប្រធានក្រុមប្រឹក្សាខណ្ឌ សង្កាត់ទាំង ១០ និងមានការចូលរួមពីមន្ត្រីក្រោមឱវាទជាច្រើនរូបទៀត។
លោក ជា ពិសី អភិបាលខណ្ឌទួលគោក បានមានប្រសាសន៍ថា សម្រាប់គណៈបញ្ជាការឯកភាពខណ្ឌ គណៈបញ្ជាការឯកភាពសង្កាត់ទាំង ១០ ត្រូវខិតខំឲ្យអស់កម្លាំងកាយចិត្ត ក្នុងកិច្ចការពារសន្តិសុខ សុវត្ថិភាព ជូនប្រជាពលរដ្ឋនៅក្នុងមូលដ្ឋានពិសេស ការពារទប់ស្កាត់ឲ្យបាននូវបទល្មើសលួច ឆក់ ប្លន់ ដោយសារថាបទល្មើសទាំងនេះ ហាក់មានការកម្រើកឡើងវិញនៅប៉ុន្មានថ្ងៃចុងក្រោយនេះ។ លោកជា ពិសី មានប្រសាសន៍បញ្ជាក់បន្ថែមថា កិច្ចការពារសន្តិសុខ សុវត្ថិភាព ជូនប្រជាពលរដ្ឋនៅក្នុងមូលដ្ឋានពិសេស ទប់ស្កាត់ឲ្យបាននូវ បទល្មើសលួច ឆក់ ប្លន់ នេះ កងកម្លាំងនិងអាជ្ញាធរមានសមត្ថកិច្ចរបស់យើងត្រូវតែធ្វើឲ្យបានជាប្រចាំ ដោយត្រូវអនុវត្តឲ្យបានដូចយើងហូបអាហារប្រចាំថ្ងៃអញ្ចឹងដែរ។ បន្ថែមពីនេះ អាជ្ញាធរខណ្ឌ សង្កាត់របស់យើងក៏ត្រូវតែចុះមើលផ្លូវជាប្រចាំផងដែរ ពោលគឺបើមានផ្លូវខូចត្រូវរាយការណ៍ ដើម្បីធ្វើការជួសជុលឡើងវិញ ហើយពេលមេឃភ្លៀងត្រូវនាំគ្នាចុះមើលនៅតំបន់ធ្លាប់លិចលង់ កាយសំរាមចេញពីមាត់ លូ ប្រឡាយ ដើម្បីរំដោះការលិចលង់ភូមិឋានរបស់ប្រជាពលរដ្ឋ។ ទង្វើបែបនេះរបស់យើង នឹងធ្វើឲ្យប្រជាពលរដ្ឋទទួលបានភាពកក់ក្តៅ និងជឿទុកចិត្តមកលើអាជ្ញាធររបស់យើង។
បន្ថែមពីលើនេះទៀត លោក ជា ពិសី ក៏បានជំរុញការដោះស្រាយជូនប្រជាពលរដ្ឋឲ្យបានលឿន ទៅតាមអ្វីដែលបានសន្យាជាមួយប្រជាពលរដ្ឋនៅមុនពេលបោះឆ្នោត បើដោះស្រាយមិនទាន់បានត្រូវប្រាប់ពួកគាត់ ហើយក៏ត្រូវរាយការណ៍បន្តមកខណ្ឌផងដែរ ដើម្បីឲ្យខណ្ឌបន្តដោះស្រាយជូនពួកគាត់បានលឿន។
ក្នុងឱកាសនោះដែរ លោកជា ពិសី ក៏បានជំរុញឲ្យមន្ត្រីខណ្ឌសង្កាត់ ត្រូវបន្តការផ្សព្វផ្សាយឲ្យបានទូលំទូលាយ ដល់ប្រជាពលរដ្ឋឲ្យទៅទទួលការចាក់វ៉ាក់សាំងការពារជំងឺកូវីដ-១៩ ដុសជំរុញឲ្យបានគ្រប់គ្នា ពិសេសដុសទី ៤ និងទី ៥ ដោយសារជំងឺនេះ ហាក់មានការកម្រើកឡើងវិញហើយ ដែលជំរុញឲ្យយើងគ្រប់គ្នាអនុវត្តឲ្យបាន ក្នុងកិច្ចការពារខ្លួនពិសេសអនុវត្ត ៣ ការពារ ៣ កុំ និងការចាក់វ៉ាក់សាំងឲ្យបានគ្រប់ដុស៕
អត្ថបទ៖ ស្រីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ