ខណ្ឌទួលគោក ចុះពិនិត្យ១៣ទីតាំងរកឃើញជនបរទេស៦៧នាក់ តែមិនមានបទល្មើសOnline Scam 

គណៈបញ្ជាការឯកភាពរដ្ឋបាលខណ្ឌទួលគោក បានចុះពិនិត្យទីតាំងសង្ស័យមានបទល្មើសOnline Scam ចំនួន១៣ទីតាំង ដោយបានរកឃើញជនបរទេសស្នាក់នៅចំនួន៦៧នាក់ ប៉ុន្តែមិនមានពាក់ព័ន្ធបទល្មើសOnline Scamឡើយ។

តាមរបាយការណ៍របស់រដ្ឋបាលខណ្ឌទួលគោកបានឱ្យដឹងថា នាថ្ងៃទី០៩ ខែមិថុនា ឆ្នាំ២០២៦នេះ ដោយអនុវត្តតាមអនុក្រឹត្យលេខ០៣ អនក្រ.បក ចុះថ្ងៃទី០៥ ខែមករា ឆ្នាំ២០២៦ និងបទញ្ជាលេខ០១ បប ចុះថ្ងៃទី១៤ ខែកក្កដា ឆ្នាំ២០២៥ របស់រាជរដ្ឋាភិបាល និងក្រោមការដឹកនាំរបស់លោកឃួង ស្រេង អភិបាល នៃគណៈអភិបាលរាជធានីភ្នំពេញ លោក ជា ពិសី អភិបាល នៃគណៈអភិបាលខណ្ឌ និងជាប្រធាន

គណៈបញ្ជាការឯកភាពរដ្ឋបាលខណ្ឌទួលគោក បានដឹកនាំ និងប្រគល់ភារកិច្ចជូនគណៈអភិបាលខណ្ឌ ដឹកនាំកម្លាំងចុះរដ្ឋបាល និងស្រង់ស្ថិតិជនបរទេសនៅតាមបុរី សណ្ឋាគារ ខុនដូ អាផាតមិន ការដ្ឋានសំណង់ អគារស្នាក់នៅរួម ផ្ទះសំណាក់ និងផ្ទះជួល នៅតាមសង្កាត់ទាំង១០ បានចំនួន ១៣ទីតាំង។

ក្នុងនោះមានជនបរទេសស្នាក់នៅសរុបចំនួន ៦៧នាក់ (ស្រីចំនួន ២២នាក់) និងចំនួន ១៣សញ្ជាតិ មានលិខិតឆ្លងដែន និងទិដ្ឋការត្រឹមត្រូវ ពុំមានបទល្មើស Online Scam កើតឡើងឡើយ៕

ដោយ ៖ ស្រីរ័ត្ន