ព័ត៌មានជាតិ
ស្នងការខេត្តត្បូងឃ្មុំ បញ្ជាកម្លាំងជួយរុះរើផ្ទះប្រជាពលរដ្ឋ២ខ្នង ចេញពីការបាក់ស្រុតដីចូលទន្លេ
ត្បូងឃ្មុំៈ នៅព្រឹកថ្ងៃសៅរ៍ ទី១៣ ខែសីហឆ្នាំ២០២២នេះ ស្នងការខេត្តត្បូងឃ្មុំ បានដឹកនាំកម្លាំងចុះជួយរុះរើផ្ទះប្រជាពលរដ្ឋចំនួន២ខ្នង ដើម្បីរំដោះយកចេញពីការបាក់ស្រុតច្រាំងចូលទន្លេមេគង្គក្នុងរដូវទឹកឡើងនេះ ។
លោកឧត្តមសេនីយ៍ត្រី ម៉ុន មាគ៌ា ស្នងការខេត្តខេត្តត្បូងឃ្មុំ បានថ្លែងថា ក្នុងគ្រាអាសន្ន កម្លាំងរបស់នគរបាលនៃស្នងការដ្ឋានខេត្ត បានចុះជួយយ៉ាងទាន់ពេលវេលា។ លោកថា ទីណាមានការលំបាក ទីនោះត្រូវមានវត្តមានកងកម្លាំងនគរបាលស្នងការខេត្ត ចុះជួយគ្រប់កាលៈទេសៈ ប្រកបដោយចីរភាព ។
លោកឧត្តមសេនីយ៍ត្រី បានថ្លែងដូច្នេះថា «យើងជាកូនចៅ របស់ប្រជាពលរដ្ឋ ដូច្នេះពេលឪពុកម្ដាយមានគ្រោះអាសន្ន និងត្រូវការជំនួយ គឺយើងត្រូវចុះទៅដល់ទីកន្លែងដោយផ្ទាល់ និងខិតខំបម្រើពួកគាត់ឲ្យអស់ពីសមត្ថភាព ប្រកបដោយការទទួលខុសត្រូវខ្ពស់ និងពោរពេញដោយភាពកក់ក្តៅ ដូច្នេះកម្លាំងយើងនៅតែបន្តចុះជួយរុះរើផ្ទះចំនួន ២ខ្នង និងជួយលើកគ្រឿងផ្ទះ រួមទាំងសម្ភារៈមួយចំនួន របស់បងប្អូនប្រជាពលរដ្ឋដែលស្ថិតនៅភូមិទួលគរ ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ ដែលកំពុងប្រឈមនឹងការបាក់ដីស្រុតចូលទៅក្នុងទន្លេ ដាក់លើយានយន្ត ដឹកយកទៅរក្សាទុកនៅទីទួលមានសុវត្ថិភាព »។
ស្ថិតក្នុងពេលវេលាដ៏មមាញឹកនេះ កងកម្លាំងនគរបាលរបស់យើង បានខិតខំ ប្រឹងប្រែងបំរើ និងជួយលើកគ្រឿងបង្គុំ និងរុះរើសផ្ទះ របស់បងប្អូនប្រជាពលរដ្ឋ យ៉ាងយកចិត្តទុកដាក់ ប្រកបដោយការទទួលខុសត្រូវខ្ពស់ និងប្រកបដោយសេចក្តីរីករាយបំផុត ។ នេះជាការបន្ថែមរបស់លោក ស្នងការខេត្តខេត្តត្បូងឃ្មុំ។
ឆ្លៀតក្នុងឱកាសនេះដែរ លោកឧត្តមសេនីយ៍ បានជូនថវិកាមួយចំនួន ដល់លោកយាយ លោកតា ដែលរស់នៅក្នុងភូមិទួលគរផងដែរ។ លោកក៏បានអំពាវនាវ ដល់ប្រជាពលរដ្ឋ មេត្តាយកចិត្តទុកដាក់និងប្រុងប្រយ័ត្នឲ្យបានខ្ពស់ ចំពោះគ្រោះមហន្តរាយនានា ដូចជាទឹកជំនន់ ខ្យល់កន្ត្រាក់ជាដើម ។ លោកសង្កត់ធ្ងន់ថា ក្នុងករណីចាំបាច់ យើងមានកងកម្លាំងនគរបាលខេត្តត្បូងឃ្មុំជួយអន្តរាគមន៍ ២៤ម៉ោង សូមទំនាក់ទំនងតាមលេខទូរស័ព្ទៈ ០៧១ ៤៤ ២២ ៦៦៦ ៕ អត្ថបទ៖ សាន វិឡែម
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)