ព័ត៌មានជាតិ
កម្ពុជា ឡាវ វៀតណាម ធ្វើលំហាត់ហ្វឹកហ្វឺនគ្រប់គ្រងគ្រោះមហន្តរាយរួមគ្នា ដើម្បីពង្រឹងកិច្ចសហប្រតិបត្តិការល្អ
ក្រសួងការពារជាតិកម្ពុជា ឡាវ វៀតណាម បានរៀបចំធ្វើលំហាត់ហ្វឹកហ្វឺនលើជំនាញគ្រប់គ្រងគ្រោះមហន្តរាយរួមគ្នា ដើម្បីពង្រឹងកិច្ចសហប្រតិបត្តិការល្អរវាងប្រទេសទាំងបី។ លំហាត់ហ្វឹកហ្វឺននេះ បានធ្វើឡើងនៅថ្ងៃទី១៥ ខែកញ្ញា ឆ្នាំ ២០២២ នៅវិទ្យាស្ថានភ័ស្តុភាណាំហ៊ុម ប្រទេសឡាវ។
សម្ដេចពិជ័យសេនា ទៀ បាញ់ រដ្ឋមន្ត្រីក្រសួងការពារជាតិកម្ពុជា បានថ្លែងថា ការរៀបចំលំហាត់ហ្វឹកហ្វឺនគ្រោះមហន្តរាយរួមគ្នានាពេលនេះ គឺបានផ្តល់ឱកាសដល់កងទ័ពប្រទេសទាំងបី កម្ពុជា ឡាវ វៀតណាម ដើម្បីពង្រឹងទំនាក់ទំនងមិត្តភាព និងសាមគ្គីភាពលើមូលដ្ឋានកិច្ចសហប្រតិបត្តិការភាពជាដៃគូយុទ្ធសាស្រ្តគ្រប់ជ្រុងជ្រោយ ដែលបានផ្តល់ផលប្រយោជន៍ទៅវិញទៅមក។
សម្ដេចពិជ័យសេនា បានបន្តថា ផ្អែកលើកិច្ចសហប្រតិបត្តិការរវាងរដ្ឋាភិបាល ក៏ដូចជាក្រសួងការពារប្រទេសទាំងបីនេះ គឺអនុវត្តតាមស្មារតីគោរពឯករាជ្យភាព អធិបតេយ្យភាព បូរណភាពទឹកដីដែលស្របតាមគោលការណ៍ស្មើភាព រក្សាផលប្រយោជន៍គ្នាទៅវិញទៅមក និងមិនជ្រៀតជ្រែកកិច្ចការផ្ទៃក្នុងផងគ្នា។
គួរជម្រាបថា នៅក្នុងកិច្ចប្រជុំរដ្ឋមន្ត្រីការពារជាតិ ៣ប្រទេស កម្ពុជា ឡាវ វៀតណាម កាលពីថ្ងៃទី១៤ ខែកញ្ញា រដ្ឋមន្ត្រីការពារជាតិប្រទេសទាំងបី បានកឯកភាពគ្នាថា កត្តាសុខសន្តិភាព ជាការងារអាទិភាពបំផុតរបស់កងទ័ពនៅក្នុងបរិបទបច្ចុប្បន្ននេះ ហើយក៏ជាយុទ្ធសាស្រ្តក្នុងការត្រៀមខ្លួនឲ្យកាន់តែជិតស្និទ្ធិ ក្នុងនាមជាអ្នកជិតខាងល្អ ដែលជាគ្រឹះសម្រាប់នាំមកនូវការអភិវឌ្ឍលើគ្រប់វិស័យ និងធានាបានជីវភាពរបស់ប្រជាជន៕
ដោយ ៖ ធឿន វ៉ាន់សុង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង