ព័ត៌មានជាតិ
រដ្ឋមន្ត្រីទេសចរណ៍ ស្នើស្ថាប័នពាក់ព័ន្ធសម្រួលដករបាំងមិនចាំបាច់ ជូនភ្ញៀវទេសចរអន្តរជាតិ
លោក ថោង ខុន រដ្ឋមន្ត្រីក្រសួងទេសចរណ៍ បានស្នើស្ថាប័នពាក់ព័ន្ធ និងមន្ត្រីច្រកព្រំដែនអន្តរជាតិ ជួយសម្រួលដករបាំងមិនចាំបាច់មួយចំនួន ជូនភ្ញៀវទេសចរអន្តរជាតិ ធ្វើដំណើរចូលច្រកទ្វារព្រំដែនអន្តរជាតិកម្ពុជា។
នៅក្នុងកិច្ចប្រជុំ កាលពីថ្ងៃទី ១៨ ខែកញ្ញាម្សិលមិញ លោក ថោង ខុន ក្នុងនាមប្រធានគណៈកម្មការអន្តរក្រសួង ដើម្បីសម្រួលការធ្វើដំណើរ និងដឹកជញ្ជូនទេសចរ និងអ្នកដំណើរនៅតំបន់ច្រកព្រំដែនអន្តរជាតិ មានប្រសាសន៍ថា មកដល់ពេលនេះ កម្ពុជាបានលុបចោលនូវលក្ខខ័ណ្ឌការតម្រូវអ្នកដំណើរអន្តរជាតិធ្វើចត្តាឡីស័ក ការតម្រូវឲ្យមានលទ្ធផលតេសត្តPCR ៧២ម៉ោង និងការតម្រូវធ្វើតេស្តរហ័សជាដើម លើភ្ញៀវអន្តរជាតិនានា ពេលមកច្រកទ្វារព្រំដែនអន្តរជាតិកម្ពុជា។
លោករដ្ឋមន្ត្រី បន្តថា បច្ចុប្បន្នភ្ញៀវអន្តរជាតិទាំងអស់ចូលមកកម្ពុជា គឺអាចស្នើសុំធ្វើទិដ្ឋាកានៅពេលមកដល់ VISA ON ARRIVAL បាន និងតម្រូវឲ្យមានវិញ្ញាបនបត្រ បញ្ជាក់ការចាក់វ៉ាក់សាំងដូសមូលដ្ឋានពេញលេញ ១បន្ថែមតែប៉ុណ្ណោះ ។ ដោយឡែកអ្នកដំណើរមិនទាន់ចាក់វ៉ាក់សាំងកូវីដ-១៩ គឺតម្រូវធ្វើតេស្តរហ័ស នៅពេលចូលមកដល់ច្រកទ្វារព្រំដែនអន្តរជាតិកម្ពុជា។
លោករដ្ឋមន្ត្រី បានបន្តទៀតថា ពាក់ព័ន្ធបញ្ហាការធ្វើសាលាកបត្រចូល Arrival Card សេចក្តីប្រកាសរបស់គយ និងរដ្ឋាករកម្ពុជា សេចក្តីប្រកាសុខភាពរបស់មន្ត្រីចត្តាឡីស័កមួយចំនួនទៀត គឺមិនមានតម្រូវទេ ដោយគ្រាន់តែមានលិខិត ឆ្លងដែន មានសុពលភាព និងបណ្ណចាក់វ៉ាក់សាំងតែប៉ុណ្ណោះ។
លោករដ្ឋមន្ត្រី បានបន្ថែមថា មន្ត្រីច្រកទ្វារព្រំដែន រួមមាន៖ សមត្ថកិច្ចនគរបាលអន្តោប្រវេសន៍ មន្ត្រីគយ និងរដ្ឋាករ នគរ បាលទេសចរណ៍ និងមន្ត្រីចត្តាឡីស័កជាដើម ត្រូវសហការធ្វើបដិសណ្ឋារកិច្ចល្អ លុបបំបាត់ភាពអសកម្ម ជាពិសេសមន្ត្រីច្រកទ្វារអន្តរជាតិទំាងអស់ ត្រូវរួមគ្នាអនុវត្តគោលការណ៍ ធ្វើឲ្យភ្ញៀវជឿជាក់ តម្លៃសមរម្យ និងសម្រួលការធ្វើដំណើរ៕
អត្ថបទ៖ សំអឿន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង