ព័ត៌មានជាតិ
អាជ្ញាធរក្រុងស្ទឹងសែន អំពាវនាវពលរដ្ឋបង្កើនប្រុងប្រយ័ត្ន និងត្រៀមជម្លៀសទៅទួលសុវត្ថិភាព
លោក ពេញ កែម អភិបាលក្រុងស្ទឹងសែន ខេត្តកំពង់ធំ អំពាវនាវដល់ប្រជាពលរដ្ឋទាំងអស់ ដែលរស់នៅតាម ដងស្ទឹងសែន បង្កើនការប្រុងប្រយ័ត្ន ក្នុងការរស់នៅប្រចាំថ្ងៃ។ លោកបន្តថា ស្ថានភាពទឹកស្ទឹងសែន នៅតែបន្តហក់ឡើង ដែលស្ថានភាពនេះគួរឱ្យព្រួយបារម្ភចំពោះប្រជាពលរដ្ឋដែលតាំងទីលំនៅតាមបណ្តោយដងស្ទឹងសែន ព្រោះផ្ទះប្រជាពលរដ្ឋខ្លះ បានលិចចូលក្រោមផ្ទះ និងប្រជាពលរដ្ឋខ្លះទៀតលិច ស្ទើរដល់រនាប ផ្ទះទៅហើយ។
ថ្លែងក្នុងកិច្ចការដឹកនាំសហការីចុះពិនិត្យ ស្ថានភាពទឹកស្ទឹងសែន នាថ្ងៃទី១ ខែតុលា ឆ្នាំ២០២២ លោក ពេញ កែម លើកឡើងថា ក្តីបានរម្ភបំផុតសម្រាប់អាជ្ញាធរ ចំពោះការរស់នៅមិនភ័យខ្លាចការអត់ស្បៀងអាហារនោះទេ, ប៉ុន្តែ បញ្ហាដែលសំខាន់នោះ គឺការបាត់មាជិកគ្រួសាររបស់ប្រជាពលរដ្ឋ ដែលមានកូនតូចៗក្នុងបន្ទុកជីវភាព ដោយសារអាណាព្យាបាលខ្លះ បានបណ្តែតបណ្តោយឱ្យកូនរបស់គាត់រស់នៅលើផ្ទះតែឯង និងខ្លះបណ្តោយឱ្យទៅលេងទឹកនៅតាមទីតាំងដែលលិច ដែលអាចបង្កឱ្យមានគ្រោះថ្នាក់ជាយថាហេតុ។
លោកអភិបាលក្រុងស្ទឹងសែន បន្តថា បច្ចុប្បន្ននេះ ប្រជាពលរដ្ឋដែលរស់នៅតាមដងស្ទឹងសែន ប្រឈមហានិភ័យខ្ពស់ នៅសង្កាត់កំពង់ក្រប៉ៅ សង្កាត់ព្រៃតាហ៊ូ សង្កាត់កំពង់ធំ សង្កាត់កំពង់រទេះ និងសង្កាត់អូរគន្ធរ ដែលស្ថិតនៅជាប់បណ្តោយស្ទឹងសែន។ ទន្ទឹមជាមួយគ្នានេះ ជំនន់ទឹកស្ទឹងសែន ក៏បានធ្វើឱ្យហេដ្ឋារចនាសម្ព័ន្ធជាច្រើនខ្សែបានលិចកាត់ផ្តាច់ចរន្ត នៃការធ្វើដំណើរ ឆ្លងកាត់ពីភូមិមួយទៅភូមិមួយទៀតផងដែរ។ ក្នុងស្ថានភាពនេះ ដើម្បីទប់ស្កាត់ការហូរច្រោះ និងដាច់ផ្លូវមិនអាចធ្វើដំណើរបាន។ អាជ្ញាធរក្រុងស្ទឹងសែន បានសហការជាប្រជាពលរដ្ឋនៅមូលដ្ឋាន សម្រេចច្រកបេខ្សាច់ ទប់ស្កាត់ការច្រោះ ផ្លូវមួយខ្សែ នៅភូមិពោធិ៍បាក់ក ស្ថិតនៅសង្កាត់កំពង់ធំ ប្រវែងជិត ២០០ ម៉ែត្រ ដើម្បីការពារ និងជួយសម្រួលដល់ធ្វើបណ្តោះអាសន្ន ដល់ប្រជាពលរដ្ឋនៅមូលដ្ឋាន។
ក្នុងកាលៈទេសៈនេះ ការល័យជំនាញទាំងអស់ជុំវិញក្រុង ត្រូវបន្តតាមដានជាប្រចាំ អំពីស្ថានភាពនៃការរស់នៅរបស់ប្រជាពលរដ្ឋ និងណែនាំដល់ពលរដ្ឋដែលលំនៅឋាន ក្បែរមាត់ស្ទឹង ប្រជាពលរដ្ឋមានទឹកលិចក្រោមផ្ទះ ត្រៀមលក្ខណៈជម្លៀសទៅកាន់ទីទួលសុវត្ថិភាព ក្នុងករណីដែលទឹក នៅតែបន្តហក់ឡើងខ្ពស់ជាងនេះបន្ថែមទៀត។ ក្នុងនោះការល័យសង្គមកិច្ច និងសុខមាលភាពសង្គម និងអនុសាខាកាកបាទក្រហមក្រុង ត្រូវចុះណែនាំបន្ថែមដល់ប្រជាពលរដ្ឋរស់នៅប្រកបដោយអនាម័យ និងកំណត់អត្តសញ្ញាណគ្រួសារខ្វះខាតស្បៀង ដើម្បីផ្តល់ជូនជាបន្ទាន់ដោយមិនឱ្យប្រជាពលរដ្ឋណាម្នាក់អត់ស្បៀងអាហារ ដោយមិនការយកចិត្តទុកដាក់ពីអាជ្ញាធរនោះឡើយ។
គួរបញ្ជាក់ថា ស្ថានីយ៍វាស់កម្ពស់ទឹកស្ទឹងសែន នៅស្ថានីយ៍កំពង់ធំ នៅថ្ងៃទី១ ខែតុលា ឆ្នាំ២០២២ ជន់ឡើង ០,០៧ ម៉ែត្រ កម្ពស់ទឹកទឹក ១៣,៧៣ ម៉ែត្រ លើសកម្ពស់ប្រុងប្រយ័ត្ន ០,២៣ ម៉ែត្រ, ស្ថានីយ៍វាស់កម្ពស់ទឹកសណ្តាន់ ទឹកឡើង ០,១០ ម៉ែត្រ កម្ពស់ទឹក ១៩,៦០ ម៉ែត្រ លើសកម្ពស់ប្រុងប្រយ័ត្ន ១,១៨ ម៉ែត្រ៕
អត្ថបទ៖ ឈាង មករា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ