រមណីដ្ឋានទឹកធ្លាក់ចម្ការក្រូច ស្ថិតក្នុងឃុំអមលាំង ស្រុកថ្ពង ខេត្តកំពង់ស្ពឺ ត្រូវបាមមន្ទីរទេសចរណ៍​ខេត្តសម្រេចបិទជាបណ្តោះសន្នមិនអុញ្ញាតឲ្យភ្ញៀវទេសចរចូកលេងកម្សាន្តឡើយដោយខ្លាចមានគ្រោះថ្នាក់ព្រោះទឹកហូរខ្លាំងពេក។

មន្ទីរទេសចរណ៍ខេត្តកំពង់ស្ពឺបានឲ្យដឹងថា ចំពោះបងប្អូនប្រជាពលរដ្ឋ ភ្ញៀវទេសចរណ៍ជាតិ អន្តរជាតិ ដែលមានបំណងមកលេងកំសាន្ដរមណីយដ្ឋាន ទឹកធ្លាក់ចំការក្រូច ស្ថិតក្នុងស្រុកថ្ពង ខេត្តកំពង់ស្ពឺរមណីយដ្ឋានបិទដំណើរការបណ្តោះអាសន្នដោយសារស្ថានភាពទឹកហូរខ្លាំង។

ការផ្អាករមណីដ្ឋានទឹកធ្លាក់ចំការក្រូចបណ្តោះអាសន្ននេះព្រោះខ្លាចមានគ្រោះដល់ភ្ញៀវទេសចរ​ដោយកម្លាំងទឹកហូរខ្លាំងធ្លាក់ពីលើភ្នំខុសធម្មតា។

ដោយឡែកមន្ទីរធនធានទឹក និងឧតុនិយមខេត្តកំពង់ស្ពឺបានឲ្យដឹងដែរថា នៅថ្ងៃទី០៩ ខែតុលា ឆ្នាំ២០២២ មានធ្លាក់ភ្លៀងចាប់ពីម៉ោង ក្នុងកម្រិតជាង ១០០មីលីម៉ែត្រ នៅតំបន់ភ្នំផ្នែក​ខាងលើទំនប់​ពាមល្វា-អូរតោងនាំឲ្យទឹកហូរធ្លាក់មកយ៉ាងគំហុកបណ្តាល​ឲ្យទឹកក្នុងទំនប់ហក់ឡើង​លឿនពេញ​អាងស្តុបទឹកធំៗ។

ដោយសារទឹកហក់ឡើងយ៉ាងលឿនបែបនេះ មន្ត្រីប្រចាំការនៅទំនប់ពាមល្វា-អូរតោង ឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ បានសម្រេចបើកទ្វាទឹកដើម្បីរំដោះចេញពីអាង។ គិតត្រឹមព្រឹកថ្ងៃទី១០ ខែតុលា ឆ្នាំ២០២២នេះ ស្ថានភាពទឹកក្នុងខេត្តកំពង់ស្ពឺ មិនទាន់មានអ្វីគួរឲ្យ​បារម្មណ៍ឡើយ៕

អត្ថបទ៖ ភួង រដ្ឋា