ព័ត៌មានជាតិ
អ្នកនាំពាក្យក្រសួងមហាផ្ទៃ ៖ ពីឆ្នាំ ២០១៨ ដល់ចុងឆ្នាំ ២០២២នេះ មានអ្នកចូលសញ្ជាតិខ្មែរជាង ១ពាន់នាក់
អ្នកនាំពាក្យក្រសួងមហាផ្ទៃ លោក ខៀវ សុភ័គ បានឲ្យដឹងថា ចាប់ពីឆ្នាំ ២០១៨ ដល់ចុងឆ្នាំ ២០២២នេះ មានអ្នកចូលសញ្ជាតិខ្មែរជាង ១ពាន់នាក់ ដោយអ្នកទាំងនោះ ភាគច្រើនជាអ្នកវិនិយោគ។
លោក ខៀវ សុភ័គ មានប្រសាសន៍ក្នុងសន្និសីទសារព័ត៌មាន ស្ដីពី “សមិទ្ធផលសម្រេចបានរយៈពេល ៥ឆ្នាំកន្លងមក របស់ក្រសួងមហាផ្ទៃ” នាព្រឹកថ្ងៃទី ១៤ ខែតុលានេះថា ការស្នើសុំចូលសញ្ជាតិ ឬលះបង់សញ្ជាតិខ្មែរ អាចធ្វើទៅបាន លុះត្រាតែមានការចេញព្រះរាជក្រឹត្យ ពីព្រះមហាក្សត្រ។ លោកថា «សុំចូលសញ្ជាតិ ការលះបង់សញ្ជាតិ គឺទាល់តែព្រះករុណា ព្រះមហាក្សត្រ លោកចេញព្រះរាជក្រឹត្យទទួលស្គាល់ នោះទើបជាផ្លូវការ មិនអាចមានថ្នាក់ណា ឬក៏រដ្ឋអំណាចថ្នាក់ណា មានសិទ្ធិសម្រេចទេ ទាល់តែរៀបចំមានព្រះក្រឹត្យចូលសញ្ជាតិ»។
អ្នកនាំពាក្យក្រសួងមហាផ្ទៃ បានឲ្យដឹងថា ចាប់ពីឆ្នាំ ២០១៨ ដល់ឆ្នាំចុង២០២២នេះ មានអ្នកចូលសញ្ជាតិខ្មែរចំនួន ១,៧៧៩នាក់ ភាគច្រើនជាអ្នកវិនិយោគ។ លោក ខៀវ សុភ័គ បានបន្ថែមថា «ចឹងយើងឃើញថា សរុបនៅក្នុងឆ្នាំ ២០១៨មក គឺមានអ្នកចូលសញ្ជាតិ ១,៧៧៩នាក់ ហើយការងារចូលសញ្ជាតិនេះ យើងឃើញថា យ៉ាងម៉េចចាំបាច់ឲ្យមានការចូលសញ្ជាតិ ច្បាប់សញ្ជាតិរបស់យើងមាន មានច្បាប់ យើងចូលតាមច្បាប់ អ្នកខ្លះចូលសញ្ជាតិទៅ បានសញ្ជាតិទៅខ្មែរទៅ គាត់ធ្វើវិនិយោគបាន គាត់ធ្វើជាកម្មសិទ្ធិ គាត់មានសិទ្ធិដូចពលរដ្ឋខ្មែរយើងអញ្ចឹង ភាគច្រើនជាអ្នកវិនិយោគៗ»។
បើតាមលោក ខៀវ សុភ័គ ក្រៅពីមានអ្នកចូលសញ្ជាតិខ្មែរ ក៏មានអ្នកលះបង់សញ្ជាតិខ្មែរដែរ។ លោកថា តាមរដ្ឋធម្មនុញ្ញរបស់កម្ពុជា មិនអាចដកសញ្ជាតិខ្មែរពីអ្នកណាម្នាក់ទេ។ ប៉ុន្តែបើមានអ្នកស័្មគ្រចិត្ត គឺរាជរដ្ឋាភិបាល អាចសម្រួលជូនពួកគេបាន។ អ្នកនាំពាក្យក្រសួងមហាផ្ទៃ បានឲ្យដឹងយ៉ាងដូច្នេះថា «ការលះបង់សញ្ជាតិនេះ ចង់និយាយថា អ្នកដែលគាត់មានសញ្ជាតិដទៃផ្សេងទៀត ប៉ុន្តែសញ្ជាតិគេដទៃនោះ គេតម្រូវឲ្យគាត់មានសញ្ជាតិតែមួយ បើគាត់មានជាខ្មែរផង ហើយចូលសញ្ជាតិគេផង គេមិនឲ្យទេ ច្បាប់របស់គេអញ្ចឹង គេមានសញ្ជាតិតែមួយ ចឹងគាត់ត្រូវសុំលះបង់សញ្ជាតិ»។
ក្រសួងមហាផ្ទៃ បានឲ្យដឹងដែរថា ចាប់ពីឆ្នាំ ២០១៨ ដល់ខែកញ្ញា ឆ្នាំ ២០២២ មានប្រជាពលរដ្ឋបានលះបង់សញ្ជាតិខ្មែរចំនួន ៥០នាក់់៕
អត្ថបទ៖ ឃួន សុភ័ក្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ