ព័ត៌មានជាតិ
បច្ចុប្បន្ននេះមន្ត្រីនគរបាលជាតិមានជាង ៦ម៉ឺននាក់ និងមន្ត្រីពន្ធនាគារមានជិត ៣ពាន់នាក់
នាពេលបច្ចុប្បន្ននេះ ក្រសួងមហាផ្ទៃមានមន្ត្រីរាជការចំណុះ រួមមាន៖ មន្ត្រីនគរបាលជាតិមានជាង ៦ម៉ឺននាក់, មន្ត្រីរដ្ឋបាលស៊ីវិលជាង ៤ពាន់នាក់, និងមន្ត្រីពន្ធនាគារជិត ៣ពាន់នាក់។ នេះបើតាមការឲ្យដឹងពីលោក ខៀវ សុភ័គ អ្នកនាំពាក្យក្រសួងមហាផ្ទៃ។
លោក ខៀវ សុភ័គ មានប្រសាសន៍ក្នុងសន្និសីទសារព័ត៌មាន ស្ដីពី “សមិទ្ធផលសម្រេចបានរយៈពេល ៥ឆ្នាំកន្លងមក របស់ក្រសួងមហាផ្ទៃ” នាព្រឹកថ្ងៃទី ១៤ ខែតុលានេះថា មន្ត្រីរាជការចំណុះក្រសួងមហាផ្ទៃ គិតត្រឹមដំណាច់ខែកក្កដា ឆ្នាំ ២០២២ រួមមាន៖ មន្ត្រីនគរបាលជាតិចំនួន ៦២,៧៦១នាក់ ស្មើនឹង ៩០ភាគរយ, មន្ត្រីរដ្ឋបាលស៊ីវិលចំនួន ៤,០៦១នាក់ ស្មើនឹង ៦ភាគរយ, និងមន្ត្រីពន្ធនាគារចំនួន ២,៩៧៧នាក់ ស្មើនឹង ៤ភាគរយ។
គិតត្រឹមខែកក្កដា ឆ្នាំ ២០២២នេះ មានមន្ត្រីរដ្ឋបាលស៊ីវិលចំនួន ៧៥២នាក់ បានចូលនិវត្តន៍, មន្ត្រីនគរបាលជាតិចំនួន ៥,៦២០នាក់ បានចូលនិវត្តន៍, និងមន្ត្រីពន្ធនាគារចំនួន ១៩១នាក់ បានចូលនិវត្តន៍។ គិតត្រឹមខែកក្កដា ឆ្នាំ ២០២២ ដដែល មានមន្ត្រីរដ្ឋបាលស៊ីវិលចំនួន ៦២នាក់ បានទទួលមរណភាព, មន្ត្រីនគរបាលជាតិ ១,០៦៩នាក់ បានទទួល មរណភាព, មន្ត្រីពន្ធនាគារចំនួន ៤៩នាក់។
ចំពោះមន្ត្រីរាជការចំណុះក្រសួងមហាផ្ទៃ ដែលបានលាឈប់ពីក្របខ័ណ្ឌវិញ រួមមាន៖ មន្ត្រីនគរបាលជាតិចំនួន ៣៩នាក់ បានលាឈប់ពីក្របខ័ណ្ឌ, មន្ត្រីរដ្ឋបាលស៊ីវិលចំនួន ២៦នាក់ បានលាឈប់ពីក្របខ័ណ្ឌ, មន្ត្រីពន្ធនាគារចំនួន ១១ បានលាឈប់ពីក្របខ័ណ្ឌ។
រីឯមន្ត្រីរាជការចំណុះក្រសួងមហាផ្ទៃ ដែលត្រូវបានបណ្ដេញចេញពីក្របខ័ណ្ឌ រួមមាន៖ មន្ត្រីរាជការស៊ីវិលចំនួន ៧នាក់ ត្រូវបានបណ្ដេញចេញពីក្របខ័ណ្ឌ, មន្ត្រីនគរបាលជាតិចំនួន ៣០៥នាក់ ត្រូវបានបណ្ដេញពីក្របខ័ណ្ឌ។ ចំណែកឯមន្ត្រីរាជការចំណុះក្រសួងមហាផ្ទៃ ចូលក្របខ័ណ្ឌថ្មី រួមមាន៖ មន្ត្រីរដ្ឋបាលស៊ីវិលចំនួន ៩៣៦នាក់, មន្ត្រីពន្ធនាគារចំនួន ៧៤៣នាក់, និងមន្ត្រីនគរបាលជាតិចំនួន ១៣,២៧៩នាក់៕
អត្ថបទ៖ ឃួន សុភ័ក្រ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ