ធនាគារជាតិ ​៖​ តម្លៃ​ប្រាក់​រៀល​បាន​វិល​មក​គន្លង​ដើម​ធម្មតា​ នៅ​ចុង​ឆ្នាំ​២០២០ – Kampuchea Thmey Daily
Connect with us

ព័ត៌មានជាតិ

ធនាគារជាតិ ​៖​ តម្លៃ​ប្រាក់​រៀល​បាន​វិល​មក​គន្លង​ដើម​ធម្មតា​ នៅ​ចុង​ឆ្នាំ​២០២០

Published

on

​ធនាគារជាតិ​នៃ​កម្ពុជា បាន​ឲ្យ​ដឹងថា ​នៅ​ឆ្នាំ​២០២០​នេះ តម្លៃ​ប្រាក់រៀល​បាន​វិល​មក​គន្លង​ដើម​ដូច​ធម្មតា ដូច​កាលពី​ឆ្នាំ​២០១៦-២០១៨​វិញ ក្នុង​រង្វង់ ៤.០៤៥ រៀល​ក្នុង​មួយ​ដុល្លារ​អាមេរិក​ បន្ទាប់ពី​មាន​អត្រា​អតិផរណា​នៅ​ដើមឆ្នាំ​២០២០​ ដោយសារ​កំណើន​ថ្លៃ​ម្ហូបអាហារ​ពិសេស​ ក្នុងអំឡុងពេល​មាន​ករណី​ជំងឺ​កូ​វីដ​១៩ ដំបូង​នឹង​ជំនន់​ទឹកភ្លៀង​។​។

​តាម​របាយការណ៍​វឌ្ឍនភាព​ម៉ាក្រូសេដ្ឋកិច្ច ​និង​វិស័យ​ធនាគារ​ឆ្នាំ​២០២០ និង​ទស្សនវិស័យ​ឆ្នាំ​២០២១​បាន​បញ្ជាក់​ថា ​ការ​វិល​មក​គន្លង​ដើម ដោយសារ​កំណើន​តម្រូវការ​ប្រាក់​រៀល ក្នុង​វិស័យ​កសិកម្ម និង​ការដាក់ចេញ​វិធានការ​របស់​ធនាគារ​ជាតិ​នៃ​កម្ពុជា ដែល​ក្នុង​នោះ​រួមមាន ការធ្វើអន្តរាគមន៍​លើ​ទីផ្សារ​ប្តូរប្រាក់ និង​ការគ្រប់គ្រង​ការ​ផ្គត់ផ្គង់​ប្រាក់​រៀល​តាមរយៈ​ឧបករណ៍​រូបិយវត្ថុ​ដទៃ​ទៀត​។ ការ​រក្សាទុក​បម្រុង​អន្តរជាតិ ​ត្រូវ​បាន​គរពូន​ជា​លំដាប់​និង​មាន​កម្រិត​ខ្ពស់ជាង ៣ ដង​នៃ​កម្រិត​ដែល​ប្រទេស​កំពុង​អភិវឌ្ឍ​គួរ​មាន និង​មានលទ្ធភាព​ខ្ពស់​ក្នុង​ពង្រឹង​ស្ថិរភាព​អត្រា​ប្តូរ​ប្រាក់ និង​ជំនឿ​ទុកចិត្តមក​លើ​សេដ្ឋកិច្ច។

​យោង​តាម​អត្រា​ប្តូរ​ ដែល​ចេញផ្សាយ​ដោយ​ធនាគារ​អេស៊ីលីដា​នៅថ្ងៃ​នេះ បាន​ឲ្យ​ដឹងថា អត្រា​ប្តូរប្រាក់​គឺ ៤.០៧២​រៀល សម្រាប់​ការ​ទិញ​ចូល​និង លក់​ចេញ​៤.០៩០​រៀល​ក្នុង​មួយ​ដុល្លារ​។​

​សូម​ជម្រាប​ថា អត្រា​ប្តូរ​ប្រាក់​រៀល​ធៀប​នឹង​ដុល្លារ​អាមេរិក បាន​កើន​ឡើង​ចាប់​តាំង​ចុង​ឆ្នាំ​២០១៩​មក ហើយ​បាន​បន្ត​ស្ថិត​នៅ​លើ​គន្លង​ខ្ពស់​ជាង​ឆ្នាំ​កន្លងទៅ រហូតដល់​ចុង​ឆ្នាំ​២០២០​ ដែល​ការ​កើន​ឡើង​នេះ គឺ​ដោយសារ​ការ​ធ្លាក់​ចុះ​នៃ​សកម្មភាព​សេដ្ឋកិច្ច​ក្នុងស្រុក ​ដែល​នាំ​ឲ្យ​មាន​តម្រូវការ​ប្រាក់​រៀល​ទាប​ទាំង​ សម្រាប់​ការប្រើប្រាស់​ទូទៅ និង​បង់ពន្ធ​គួបផ្សំ​នឹង​លំហូរ​ចូល​នៃ​រូបិយប័ណ្ណ​បរទេស​មក​កម្ពុជា​។

​បើ​តាម​ធនាគារ​ជាតិ​ចំពោះ​ស្ថានភាព​ថ្លៃ​អត្រា​អតិផរណា​សម្រាប់​ឆ្នាំ​២០២០ មាន​កម្រិត​ជា​មធ្យម​២.៩​ភាគរយ ​ដែល​ជា​ចម្បង​ដោយសារ​កំណើន​ថ្លៃ​ម្ហូបអាហារ​ពិសេស​ក្នុងអំឡុងពេល​មាន​ករណី​ជំងឺ​កូ​វីដ​១៩ ដំបូង​នឹង​ជំនន់​ទឹកភ្លៀង​។ អត្រា​អតិផរណា​ ក៏​មាន​ទំនាក់ទំនង​យ៉ាង​ជិតស្និទ្ធ​ជា​មួយនឹង​ការប្រែប្រួល​ថ្លៃ​ប្រេង​អន្តរជាតិ​ផង​ដែរ ​ដោយ​ការ​ធ្លាក់​ចុះថ្លៃ​ប្រេង​បាន​រួម​ចំណែក​បន្ទាប​អត្រា​អតិផរណា​គួរ​ឲ្យ​កត់សម្គាល់ ​ខណៈ​ដែល​ថ្លៃ​ទំនិញ​ប្រើប្រាស់​មាន​ស្ថេរ​ភាព​។ តែ​ទោះជា​យ៉ាងណា​ការ​ធ្លាក់​ចុះ​តម្លៃ​ប្រាក់​រៀល មាន​កម្រិត​ទាប​បើ​ធៀប​នឹង​រូបិយប័ណ្ណ​ភាគច្រើន​ក្នុង​តំបន់​៕

អត្ថបទ៖ ​សំអឿន​

សូមចុចអាន​៖ លោក អុិត សំហេង អំពាវនាវពលករខ្មែរធ្វើការនៅថៃ កុំទាន់វិលត្រឡប់មកស្រុកកំណើត ចៀសវាងហានិភ័យ

ចុច Like Facebook កម្ពុជាថ្មី

ព័ត៌មានជាតិ4 mins ago

គម្រោង​អភិវឌ្ឍន៍​ព្រលាន​យន្តហោះ​ ខេត្ត​បាត់ដំបង​ឡើងវិញ ឈាន​ដល់​ការ​បោះបង្គោល​កំណត់​ព្រំដី​ហើយ​

ជីវិតកម្សាន្ដ10 mins ago

តារា​ចម្រៀង ពេជ្រ ថា​ណា ជួប​ទុក្ខ​ធំ​ខណៈ​ប្រពន្ធស្លាប់ចោលទាំងវ័យក្មេង​

ព័ត៌មានជាតិ12 mins ago

ទូត​ខ្មែរ​​នៅថៃ​ បញ្ជាក់​បន្ថែម​​ស្ថានភាពពលករ​ រងគ្រោះ៧ នាក់ ក្នុងហេតុការណ៍​បាក់ស្រុត​ស្ពានអាកាស​

ព័ត៌មានជាតិ33 mins ago

ស្នងការ​ក្រុង​ណែនាំឲ្យនគរបាលទាំង​១៤​ខណ្ឌ​​ ត្រូវ​ផ្សព្វផ្សាយ​ពីវិធានការ​លុបបំបាត់​ការ​កែច្នៃ​បំពង់​ស៊ី​ម៉ាំង​ខុសច្បាប់​

ជីវិតកម្សាន្ដ36 mins ago

ដើមឆ្នាំ២០២១នេះ ដំណឹង​ល្អជាច្រើនបានបង្ហាញដល់ក្រុមគ្រួសារឧកញ៉ា ឡេង ណា​វ៉ាត្រា

ព័ត៌មានពេញនិយម